உலக சினிமாவில் ஒரு தனிப்பட்ட அடையாளமாக விளங்கிய ‘007’ துப்பாக்கி லோகோவின் உருவாக்கம் மற்றும் அதன் பின்னணி குறித்து தெரியாதவர்கள் மிகக் குறைவு. அந்தத் தனித்துவமான டிசைனை உருவாக்கிய பிரபல கிராபிக் டிசைனர் ஜோ கேராப், 103-வது ஆண்டில் காலமானார் என்ற செய்தி உலகளவில் சினிமா மற்றும் கிராபிக்ஸ் உலகை கலங்கடைத்துள்ளது. ஜேம்ஸ் பாண்ட். ஒரு பெயர் மட்டுமல்ல. அது ஒரு பிராண்டாகவும், ஒரு கலாசாரமாகவும் வளர்ந்துள்ளது. இந்த கதாபாத்திரத்தை 1953-ம் ஆண்டு இங்கிலாந்தைச் சேர்ந்த எழுத்தாளர் இயான் பிளெம்மிங் உருவாக்கினார்.

அவரால் எழுதப்பட்ட 12 நாவல்கள் மற்றும் 2 சிறுகதைத் தொகுப்புகள் பின் காலங்களில் ஹாலிவுட் மற்றும் உலக சினிமாவை சுழற்சி மாற்றிய பாண்ட் சினிமாக்களை உருவாக்கியது. 1962-ல் 'டாக்டர் நோ' படம் மூலம் ஜேம்ஸ் பாண்டாக முதன் முதலில் திரையில் வந்தவர் சீன் கானரி. இதைத் தொடர்ந்து 2021 வரை, மொத்தம் 27 திரைப்படங்கள் வெளிவந்துள்ளன. இதில் பல ஹீரோக்கள் ஜேம்ஸ் பாண்டாக நடித்திருந்தாலும், 007 என்ற குறியீட்டு எண், பாண்ட் படங்களின் அடையாளச் சின்னமாக தொடர்ந்து நிலைத்து வருகிறது. ‘007’ குறியீடு சற்றே வித்தியாசமாகத் தோன்றும். ஆனால் அதற்குப் பின்னால் ஒரு சிறந்த கிராபிக்ஸ் கலைஞரின் கற்பனை, விஞ்ஞானம், வடிவமைப்பு உள்ளதைத் தெரிந்துகொள்ள வேண்டிய நேரம் இது. ஜோ கேராப், இந்த '007' லோகோவை 1962-ம் ஆண்டு வடிவமைத்தார். இந்த டிசைன் இன்று வரை ஜேம்ஸ் பாண்ட் திரைப்படங்களின் அடையாளமாகவே பயன்பட்டு வருகிறது. அதாவது, 62 வருடங்களாக அதன் தாக்கம் குறையவேயில்லை. ‘7’ என்ற எண்ணை துப்பாக்கியின் கைப்பிடியாக மாற்றி, அதன் ஓர் பக்கம் '00' என்ற இரட்டை ஒசோ எண்கள் அமைந்த வடிவமைப்பு தான் இந்த லோகோ. ஜோ கேராப், ஒரு பேட்டியில் இதைப் பற்றி கூறும் போது, " நான் '7' எண்ணைப் பார்த்த போது, அது ஒரு துப்பாக்கியின் கைப்பிடியாக இருக்கக் கூடியது என்று தோன்றியது. உடனடியாக அந்தக் கற்பனையை டிசைனாக மாற்றினேன். எனக்கு இதற்காக வெறும் 300 டாலர் சம்பளம்தான் வழங்கப்பட்டது.

ஆனால் அந்த ஓர் டிசைனே என் வாழ்க்கையை மாற்றியது” என்று கூறியிருந்தார். ஜேம்ஸ் பாண்டின் லோகோ மட்டுமின்றி, ஜோ கேராப், தனது வாழ்க்கையில் 300-க்கும் மேற்பட்ட ஹாலிவுட் திரைப்படங்களுக்கு போஸ்டர்கள் வடிவமைத்துள்ளார். அவரது வடிவமைப்புகள், திரைப்படங்களின் உணர்வையும், திகிலையும், அழகியத்துவத்தையும் மிகச் சிறப்பாக பிரதிபலிக்கும் வகையில் இருக்கும். மார்ட்டின் ஸ்கார்செசி, ரிச்சர்டு அட்டன்பரோ, வுடி ஆலன் போன்ற உலகப் புகழ் பெற்ற இயக்குநர்களின் திரைப்படங்களுக்கு போஸ்டர் வடிவமைத்த அனுபவம் அவரிடம் உள்ளது. அதுமட்டுமல்ல, 1982-ம் ஆண்டு 'காந்தி' திரைப்படத்தின் புகழ்பெற்ற போஸ்டரையும் ஜோ கேராப் வடிவமைத்திருந்தார். அப்படத்தின் விமர்சன வரவேற்பும், கலையான காட்சிப்படுத்தல்களும் அவரது கையெழுத்தான டிசைன்களின் பலத்தை வெளிக்கொண்டு வந்தன.

இதையும் படிங்க: புஷ்பாவுடன் இணைந்து கலக்க இருக்கும் ராஜமாதா..! ரூ.600 கோடி பட்ஜெட் படத்தில் நடிகை ரம்யா கிருஷ்ணன்..!

இப்படியாக இந்திய சினிமா மட்டுமல்லாது, உலக சினிமாவும் மிகுந்த மரியாதை காட்டும் இந்த 007 லோகோ, இன்றுவரை சிறு மாற்றங்களுடன் தொடர்ந்து பயன்படுகிறது. ஆனால் இவ்வளவு பிரபலமான மற்றும் வருமானம் தரக்கூடிய டிசைனாக இருந்தபோதிலும், ஜோ கேராபுக்கு அதற்கான தனியுரிமை அல்லது காப்புரிமை தொகை வழங்கப்படவில்லை என்பதுதான் கவலைக்குரிய உண்மை. அவர் தனது பணிக்கு பெருமை கொள்வதற்கேற்ப, அதற்கான நிதியளவில் பெருமையும் பெற்றிருக்க முடியவில்லை என்பது பலரையும் நெகிழ வைத்திருக்கிறது. கலைஞராக மட்டுமல்ல, மனிதராகவும் மிக எளிமையாக வாழ்ந்தவர் ஜோ கேராப். அமெரிக்காவின் மான்ஹாட்டனில் தனது குடும்பத்துடன் அமைதியான ஓய்வு வாழ்க்கையை கடைசி வரை அனுபவித்தார். அவரது வாழ்க்கை, தொழில்நுட்ப மேதை, கலை நுட்பவியலாளன், வணிக உலகில் தனிப்பட்ட கவனமில்லாமலே மண்ணில் வேரூன்றிய ஓர் வித்தியாசமான மனிதன். அவருக்கு இரண்டு மகன்கள் உள்ளனர். குடும்பத்தில் அன்பு, ஆனந்தம் மற்றும் மரியாதையுடன் வாழ்ந்த அவருடைய மரணம், ஒரு காலத்தையும், கலையை மையமாக கொண்ட பாரம்பரியத்தையும் நிறைவு செய்கிறது. ஜோ கேராபின் மரண செய்தி வெளியாகியதும், ஜேம்ஸ் பாண்டு ரசிகர்கள், கிராபிக்ஸ் கலைஞர்கள் மற்றும் சினிமா உலகத்தினர் சமூக வலைதளங்களில் தங்களது இரங்கலையும், மரியாதையையும் தெரிவித்துள்ளனர்.  

ஒரு துப்பாக்கியின் கைப்பிடியாக வடிவமைக்கப்பட்ட ‘7’, இரட்டை ‘0’களின் சுழற்சி, அந்த அடையாளத்துக்குள் ஒளிந்திருக்கும் உலகளாவிய மரபு என இவை அனைத்தும் ஜோ கேராபின் கைவண்ணத்தைக் காட்டும் ஓர் உண்மைச் சாட்சியாக இருக்கிறது. அவர் காலமானாலும், அவரது படைப்புகள், சினிமா ரசிகர்களின் நினைவில் என்றும் நிலைத்திருக்கும். உலகம் முழுவதும் அவரது படைப்புகளை நேரடியாக பார்த்து மகிழ்ந்த கோடிக்கணக்கான ரசிகர்களுக்கு அவர் ஒரு மறக்க முடியாத கலைஞர்.
 

இதையும் படிங்க: படம் பிடித்தால் பார்க்கா வாங்க.. இல்லை என்றால் வரவேண்டாம்..! நடிகை பேச்சால் சர்ச்சை..!