விக்னேஷ் சிவன் இயக்கத்தில் பிரதீப் ரங்கநாதன் நடிப்பில் உருவாகி வரும் ‘LIK – Love Insurance Company’ படம் கடந்த சில மாதங்களாகவே ரசிகர்களிடையே பேசுபொருளாக இருந்து வருகிறது. ரொமான்ஸ், காமெடி, எமோஷன் எல்லாவற்றையும் உள்ளடக்கிய ஒரு குடும்ப திரைப்படமாக இது வடிவமைக்கப்பட்டுள்ளதாக படக்குழு தெரிவித்து வந்த நிலையில், படத்தின் வெளியீட்டு தேதி குறித்து ஏற்பட்ட மாற்றங்கள் ரசிகர்களை குழப்பத்தில் ஆழ்த்தினாலும், அதே நேரத்தில் படத்தின் மீதான ஆர்வத்தை மேலும் அதிகரித்திருக்கிறது.
‘Kaathuvaakula Rendu Kaadhal’ படத்திற்குப் பிந்தைய விக்னேஷ் சிவனின் அடுத்த படம் என்பதால் LIK மீது தொடக்கத்திலிருந்தே ரசிகர்கள் மற்றும் தொழில்நுட்ப நிபுணர்கள் கவனத்துடன் இருந்தனர். அதிலும் ‘Love Today’ படத்தின் மூலம் இளைஞர்களிடையே மிகப் பெரிய நட்சத்திரமாக உருவெடுத்த பிரதீப் ரங்கநாதன் இந்தப் படத்தில் நாயகனாக நடித்திருப்பது இந்தப்படத்தின் பஸ்ஸை இரட்டிப்பாக்கியது.
அதோடு, தென்னிந்திய சினிமாவின் பிரபல நடிகை கீர்த்தி ஷெட்டி இப்படத்தில் பிரதீப் ரங்கநாதனுடன் ஜோடி சேர்ந்து இருப்பது படத்தை காதல் மற்றும் லேசான நகைச்சுவை கலந்த ஒரு எமோஷனல் ரைடு ஆக இருக்கும் என ரசிகர்களை நம்ப வைத்துள்ளது.
இதையும் படிங்க: எங்களை பத்தி படம் எடுப்பீங்க.. ஆனா பங்கு தரமாட்டீங்களா..! ‘துரந்தர்-2’ வசூல்.. பாகிஸ்தான் மக்களின் கோரிக்கையால் வெடித்த சர்ச்சை..!
படத்தின் இன்னொரு முக்கிய ஹைலைட், நாம் தமிழர் கட்சியின் ஒருங்கிணைப்பாளர் சீமான் இப்படத்தில் முக்கியமான கதாபாத்திரத்தில் நடித்து இருப்பது. அரசியல் தளத்திலும், சமூக ஊடகங்களிலும் எப்போதும் பேசப்பட்டுவரும் சீமான், மிக நீண்ட இடைவெளிக்குப் பிறகு ஒரு படத்தில் முக்கிய ரோல்லில் நடிப்பது ரசிகர்களை மட்டுமல்ல, பொது மக்களையும் ஆவலுடன் காத்திருப்பவர்களாக மாற்றியுள்ளது.
அவருடன் சேர்ந்து எஸ்.ஜே. சூர்யா போன்ற ஒரு தீவிரமான, தனித்துவமான நடிப்புக்குச் சொந்தக்காரர் இப்படத்தில் இடம்பெற்றிருப்பது ‘LIK’ ஒரு சாதாரண ரொமான்டிக் காமெடி அல்ல, பல்வேறு பரிமாணங்கள் கொண்ட ஒரு கதை என்பதை காட்டுகிறது. எப்போதும் தனது படங்களுக்கு இசை முக்கிய ஆயுதமாக இருக்கும் விக்னேஷ் சிவன், இந்தபடத்திற்கும் அனிருத்தைத் தேர்ந்தெடுத்திருக்கிறார். இதுவரை வெளியான இரண்டு பாடல்களும் யூடியூபில் மில்லியன் கணக்கில் பார்வைகளைப் பெற்று நல்ல வரவேற்பை பெற்றுள்ளன.
ரசிகர்கள் அனிருத்தின் இசையால் மிகவும் கவரப்பட்டதை மனதில் கொண்டு, படக்குழு இன்று மாலை 6 மணிக்கு படத்தின் மூன்றாவது பாடல் ‘அடாவடி’யை வெளியிட இருப்பதாக அதிகாரப்பூர்வ அறிவிப்பை வெளியிட்டது. இந்த அறிவிப்புடன் வெளியான போஸ்டர் சமூக ஊடகங்களில் வேகமாக பரவி வருகிறது. பாடலின் பெயரே ‘அடாவடி’ என்பதால், ரசிகர்கள் இதை ஒரு மாஸ் பீட் பாடல் அல்லது பண்டிகைச் சூழலை கிளப்பும் ஒரு வைப்ரென்ட் ட்ராக் என எதிர்பார்க்கின்றனர்.
LIK படம் முதலில் ஏப்ரல் 3 அன்று வெளியாகும் என அறிவிக்கப்பட்டது. ஆனால் தொழில்நுட்ப காரணங்கள் மற்றும் ரிலீஸ் சிக்கல்கள் காரணமாக படம் ஒரு வாரம் தள்ளி வைக்கப்பட்டது. அதன்படி, தற்போது படம் ஏப்ரல் 10 ஆம் தேதி வெளியாகும் என படக்குழு வீடியோ வெளியிட்டு அறிவித்தது. இந்த மாற்றம் சிலருக்கு ஏமாற்றம் அளித்தாலும், அதிகபட்ச திரையிடல், சிறந்த வெளியீட்டு திட்டம் போன்ற காரணங்களால் இந்த முடிவு எடுக்கப்பட்டிருக்கலாம் என்று தொழில்நுட்ப வட்டாரங்கள் கூறுகின்றன.
பிரதீப் ரங்கநாதனின் ‘Love Today’ ப்ளாக்க்பஸ்டர் வெற்றி, கீர்த்தி ஷெட்டியின் ஸ்கீர்ன் பிரசென்ஸ், சீமான் – எஸ்.ஜே. சூர்யா போன்ற வித்தியாசமான நடிகர்கள், அனிருத்தின் இசை, விக்னேஷ் சிவனின் ரொமான்ஸ் கலந்த கதைகள் – எல்லா விஷயங்களும் இணைந்து ‘LIK’ படத்தை ஏற்கெனவே ஹாட் டாபிக்காக மாற்றி வைத்துள்ளன.
மேலும், நயன்தாரா மற்றும் 7 ஸ்கிரீன் ஸ்டூடியோஸ் கூட்டணியில் இப்படம் உருவாகி இருப்பது, தயாரிப்பின் தரத்தைப் பற்றிய நம்பிக்கையை ரசிகர்களிடையே ஏற்படுத்தியுள்ளது. படக்குழு வெளியிட்ட போஸ்டரால், இன்று மாலை 6 மணிக்கான ‘அடாவடி’ பாடலின் ரிலீஸ் நேரம் ரசிகர்களிடம் ஏற்கெனவே உற்சாகத்தை ஏற்படுத்தியுள்ளது. இந்த பாடல் படத்தின் வரவேற்பை மேலும் உயர்த்தும் என எதிர்பார்க்கப்படுகிறது.
இப்படியாக, ‘LIK – Love Insurance Company’ திரைப்படம் ரிலீஸ்க்கு முன்பே பெரிய பஸ்ஸை உருவாக்கியிருப்பது தெளிவாகிறது. இன்று மாலை வெளிவர இருக்கும் 'அடாவடி' பாடல் மற்றும் ஏப்ரல் 10 அன்று படத்தின் திரையரங்கேற்றம் – இரண்டிலும் ரசிகர்களின் கண்கள் இனி நிமிடங்களை மட்டுமே எண்ணிக் கொண்டிருக்கின்றன.
இதையும் படிங்க: நடிகைகளுக்கு அதிக விமர்சனங்கள் வருகிறது… பாராட்டவில்லை என்றாலும் விமர்சிக்காமல் இருங்கள் – நிதி அகர்வாலின் நேர்காணல் வைரல்!