இசைக்கு எல்லைகள் இல்லை என்று சொல்லப்படும் போது, அதற்கு சிறந்த உதாரணம் தான் இந்த புதிய சர்வதேச இசை கூட்டணி. தமிழ் சினிமாவின் முன்னணி இசையமைப்பாளர் சந்தோஷ் நாராயணன், உலகப் புகழ்பெற்ற பாப் பாடகர் எட் ஷீரன், கேரளா சொல்லிசைப் பாடகர் ஹனுமான்கைண்ட், மற்றும் தமிழ் இசை ரசிகர்களின் பிரியமான பாடகி தீ என இவர்கள் நால்வரும் இணைந்து புதிய பாடல் ஒன்றை உருவாக்கியுள்ளனர். அந்த பாடல் தான் “Don’t Look Down”. இந்தப் பாடல் வெளியான சில மணி நேரங்களிலேயே உலகம் முழுவதும் இசை ரசிகர்களிடையே பெரும் கவனம் பெற்றிருக்கிறது.

இங்கிலாந்தைச் சேர்ந்த பாப் பாடகர் எட் ஷீரன், உலகம் முழுவதும் பிரபலமானவர். அவரின் குரல், பாடல் வரிகள் மற்றும் மெட்டுகள் உலகளவில் கோடிக்கணக்கான ரசிகர்களைக் கவர்ந்துள்ளன. அவரின் முதல் ஆல்பமான ‘Plus’ மிகுந்த வரவேற்பைப் பெற்றது. அதன்பின் வந்த ‘Shape of You’, ‘Thinking Out Loud’, ‘Perfect’, ‘Shivers’ போன்ற பாடல்கள் உலகம் முழுவதும் வைரலானது. குறிப்பாக ‘Shape of You’ பாடல் மட்டும் தற்போது 6 பில்லியன் பார்வைகளுக்கு மேல் பெற்றுள்ளது. இவ்வளவு ரசிகர்கள் கொண்ட பாப் நட்சத்திரம் இந்திய இசையமைப்பாளருடன் இணைந்து பாடுவது இதுவே முதல் முறை. இசைத் துறையில் தனித்துவமான பாணி கொண்டவர் சந்தோஷ் நாராயணன். அவர் இசையமைத்த “ஜிகர்தண்டா”, “கபாலி”, “விக்ரம் வேதா”, “மண்டேலா” போன்ற படங்கள் வெற்றி பெற்றதோடு, அதன் இசையும் மக்கள் மனதில் நீங்கா இடம் பெற்றது. அவரின் இசையில் பண்டை தமிழ் பாணி, ஜாஸ், ப்ளூஸ், மற்றும் பீட் சார்ந்த சவுண்டுகள் கலந்திருக்கும்.

இதனால் அவர் “எக்ஸ்பெரிமென்டல் கம்போசர்” என ரசிகர்களால் அழைக்கப்படுகிறார். திரை இசையுடன் மட்டுமல்லாமல், சுயாதீன இசை துறையிலும் அவர் தீவிரமாக பணியாற்றி வருகிறார். இப்படி இருக்க சந்தோஷ் நாராயணன் இசையமைத்து, அரிவு – தீ இணைந்து பாடிய ‘எஞ்சாய் எஞ்சாமி’ பாடல் உலக அளவில் பெரும் தாக்கம் ஏற்படுத்தியது. அந்த பாடல் தமிழ் மொழியில் இருந்து உலக இசை தளங்களில் கோடிக்கணக்கான பார்வைகளை பெற்றது. அதன் மூலம் தமிழ் இசை பிராந்திய வரம்புகளை தாண்டி உலக வட்டாரத்தில் சென்றது. அந்த பாதையிலேயே இப்போது ‘Don’t Look Down’ உருவாகியுள்ளது. இந்த ‘Don’t Look Down’ பாடலில் இணைந்துள்ள மற்றொரு முக்கிய குரல் ஹனுமான்கைண்ட். அவரின் இயற்பெயர் சோய் அபிராமி, இவர் கேரளாவைச் சேர்ந்த சொல்லிசைப் பாடகர். அவரது ஆங்கில ராப் பாணி, இசை அமைப்பு, மற்றும் சொற்களுக்குள் மறைந்த தத்துவங்கள் இவரை வேறுபடுத்துகின்றன. அவரின் ஆல்பங்கள் Spotify, Apple Music போன்ற தளங்களில் உலகளாவிய பார்வையாளர்களை பெற்றுள்ளன.

இதையும் படிங்க: 'மாட்டிறைச்சி காட்சி' வழக்கில் சிக்கித்தவிக்கும் “ஹால்” படம்..! நீதிமன்றம் எடுத்த அதிரடி முடிவால் கலக்கம்..!

மேலும், இவர் மலையாள இயக்குநர் ஆஷிக் அபுவின் ‘Rifle Club’ என்ற படத்தின் மூலம் நடிகராகவும் அறிமுகமானார். மேலும் ‘எஞ்சாய் எஞ்சாமி’, ‘மாமதுர’, ‘சம்கீலா ஆங்கிலேசி’, ‘ஏ சண்டகரா’ போன்ற பாடல்களில் தனது தனித்துவமான குரலால் ரசிகர்களை மயக்கியவர் தீ. சமீபத்தில் அவர் ஏ.ஆர். ரஹ்மான் இசையமைத்த ‘தக் லைஃப்’ படத்தில் “முத்த மழை” பாடலை பாடியிருந்தார். தீயின் குரலில் சக்தி, உணர்ச்சி மற்றும் பரவசம் கலந்திருக்கும்.
அதனால் தான் அவர் பாடும் ஒவ்வொரு பாடலும் ரசிகர்களிடம் உடனடியாக புழங்குகிறது. இந்த நால்வரும் இணைந்து உருவாக்கிய “Don’t Look Down” பாடல், இசை பாணியில் பாப் – ராப் – ஃப்யூஷன் என கலந்துள்ளது. பாடலின் இசை வடிவமைப்பு மிகவும் நவீனமாகவும், அதே சமயம் இந்தியத் தனிச்சுவையும் கொண்டதாகவும் உள்ளது.

எட் ஷீரனின் மென்மையான குரலுக்கும், ஹனுமான்கைண்டின் ராப் வரிகளுக்கும், தீயின் ஆழமான குரலுக்கும் நடுவே சந்தோஷ் நாராயணனின் சவுண்ட் டிசைன் ஒரு உலகத் தர அனுபவத்தை வழங்குகிறது. இந்த பாடலின் முக்கிய கரு — “நம்பிக்கை இழக்காதே, கீழே பார்க்காதே, முன்னே செல்” என்ற ஊக்கமான செய்தி. இதுவே இளைஞர்களுக்கு பெரும் ஊக்கமாக இருக்கிறது. இந்த “Don’t Look Down” பாடல் தற்போது யூடியூப், ஸ்பாட்டிபை, ஆப்பிள் மியூசிக் உள்ளிட்ட தளங்களில் வெளியாகியுள்ளது. வெளியான சில மணிநேரங்களிலேயே பாடல் இந்திய டிரெண்டிங் பட்டியலில் முதலிடத்தை பிடித்தது. இசையில் உலக ஒத்துழைப்பு என்பது புதியது அல்ல, ஆனால் தமிழ் இசையமைப்பாளர் ஒருவரும், உலக பாப் நட்சத்திரமும் இணைந்து பாடல் உருவாக்குவது மிகப்பெரிய வரலாற்றுச் சம்பவம். இது இந்திய இசை உலகத்தை புதிய உயரத்திற்கு கொண்டு செல்கிறது.

மேலும், “Don’t Look Down” பாடல் இந்திய சுயாதீன இசைக்கான சர்வதேச வாய்ப்புகளை திறக்கிறது. சந்தோஷ் நாராயணன் தனது சமூக ஊடகப் பதிவில்,  “எட் ஷீரன், ஹனுமான்கைண்ட், தீ ஆகியோருடன் இணைந்து பணியாற்றிய அனுபவம் எனக்கு மறக்க முடியாதது. இந்த பாடல் நம்பிக்கையையும், சக்தியையும் பேசுகிறது. இசை நம்மை எல்லாம் இணைக்கும் பாலம் என்பதை மீண்டும் நிரூபித்தோம்” என பதிவிட்டுள்ளார். ஆகவே “Don’t Look Down” என்பது ஒரு சாதாரண பாடல் அல்ல. இது இந்திய இசை மற்றும் உலக இசை இணைந்த புதிய அலை.

எட் ஷீரனின் உலகத் தர பாப் சவுண்டு, சந்தோஷ் நாராயணனின் புதுமையான இசை யோசனை, ஹனுமான்கைண்டின் சொல்லிசை, தீயின் ஆழமான குரல் என இவை எல்லாம் சேர்ந்து இந்திய இசை உலகுக்கு ஒரு புதிய அடையாளத்தை உருவாக்கியுள்ளது. எனவே இசை எல்லைகளை தாண்டும் என்ற வாக்கியத்தை நிஜமாக்கிய “Don’t Look Down”, இப்போது உலகம் முழுவதும் ஓர் இன்ஸ்பிரேஷனல் கீதம் ஆக மாறி வருகிறது.

இதையும் படிங்க: இந்தியாவிலேயே உருவாகும் மிகவும் காஸ்ட்லியான விளம்பரம்..! மிகவும் பிரம்மாண்டமாக இயக்க இருக்கிறார் அட்லீ..!