தமிழ் சினிமாவின் 90களில் தனித்துவமான தோற்றத்துடன் நாயகனாகவும், வில்லனாகவும், குணச்சித்திர நடிகராகவும் திகழ்ந்தவர் நெப்போலியன். அதன் பின்னர் அரசியலிலும் பல்வேறு பதவிகளிலும் சிறப்பாக பணியாற்றிய இவர், திடீரென அந்த எல்லாவற்றையும் விட்டு விலகி, அமெரிக்கா சென்று குடியமர்ந்தார். காரணம் அவரது மகன் தனுஷுக்கு அவசர மருத்துவ சிகிச்சை தேவைப்பட்டதால், தந்தையாக தனது பொறுப்பை முதன்மைப்படுத்தி, வாழ்க்கையின் ஒரு புதிய பாதையைத் தேர்ந்தெடுத்தார். அமெரிக்காவில் குடிபெயர்ந்த  நெப்போலியனும், அவருடைய குடும்பமும் அங்கு ஒரு அமைதியான வாழ்க்கையை நடத்தி வருகிறார்கள்.

இதையும் படிங்க: “ஓ காட் பியூட்டிஃபுல்” பாடல் ப்ரோமோ...! சிவகார்த்திகேயனை வெறுப்பேற்றிய சுதாகர்..!

இந்த நிலையில், அவரது மகன் தனுஷ், சமீபத்தில் தனது வாழ்க்கையின் முக்கியமான கட்டமான திருமணத்தை கொண்டாடியுள்ளார். முதலில், இந்த திருமணம் ஜப்பானில் மிகுந்த கோலாகலமாக நடைபெற்றது. ஜப்பானின் பாரம்பரிய கலாச்சாரத்துடன் கூடிய இந்த நிகழ்வு, இரு குடும்பங்களின் உறவுகளும் நெருக்கமாக இணைய வைத்தது. இந்த திருமண நிகழ்ச்சியில் பல பிரபலங்களும் கலந்து கொண்டனர். சினிமா, அரசியல், வெளிநாட்டு அதிகாரிகள் என பலரும் இத்திருமணத்தை நேரில் சென்று வாழ்த்தி இருந்ததாக தகவல்கள் வெளியாகியுள்ளன. இவ்வளவு பிரம்மாண்டமாக நடந்த இந்த விழாவின் பின்னர், தற்போது அமெரிக்காவில் சட்டபூர்வமாக திருமணம் நடந்துள்ளதாக தகவல்கள் வெளியாகியுள்ளன.

இந்த அமெரிக்க முறைப்படி நடைபெற்ற திருமண நிகழ்வு, மிகவும் எளிமையாக, குடும்ப உறவுகள் மற்றும் நெருங்கிய நண்பர்கள் முன்னிலையில் நடைபெற்றது. இந்த நிகழ்ச்சியின் சிறப்பான தருணங்களை நடிகர் நெப்போலியன் தனது இன்ஸ்டாகிராம் பக்கத்தில் பகிர்ந்துள்ளார். அழகான உடையணிந்து, மணமக்களாக வலம் வரும் தனுஷும் அவரது வருங்கால துணையும், ஒருவருக்கொருவர் மோதிரம் மாற்றும் காட்சிகள், அந்த வீடியோவில் இடம்பெருத்துள்ளன. "என் மகனுக்கும், என் மருமகளுக்கும் வாழ்த்துக்கள். இந்த புதிய பயணத்தில் இறைவன் ஆசீர்வதிக்கட்டும்" என்ற எழுத்துகளுடன் பதிவிட்டிருக்கும் நெப்போலியனின் பதிவு, ரசிகர்களிடையே அதிக வரவேற்பை பெற்றுள்ளது. இந்த பதிவுக்குக் கீழே, பலரும் தங்கள் வாழ்த்துகளைத் தெரிவித்துள்ளனர். "நெப்போலியன் சார் உங்கள் மகனுக்கு வாழ்த்துக்கள்", "அழகான ஜோடி", "மகிழ்ச்சி எப்போதும் உங்கள் குடும்பத்தோடு இருக்கட்டும்", "மீண்டும் உங்கள் முகம் காண நேர்ந்ததில் மகிழ்ச்சி" போன்ற பல கருத்துகள் வைரலாகிக் கொண்டிருக்கின்றன. தனுஷ் மற்றும் நெப்போலியனின் மகன் என்ற வலிமையான அடையாளத்தோடு, தனது வாழ்க்கையை அமைத்துக் கொள்கிறார்.

👉🏻 napoleon son marriage video goes viral - click here 👈🏻

மருத்துவ சிக்கல்களுக்குப் பிறகு மீண்டு, இப்போது தனது வாழ்க்கைத் துணையுடன் புதிய வாழ்க்கையை தொடங்கியுள்ள தனுஷுக்கு பலரும் பாராட்டுக்களையும் ஆசீர்வாதங்களையும் தெரிவித்து வருகின்றனர். இந்த நிலையில், நெப்போலியனும் மீண்டும் மக்கள் முன் வந்து, தனது மகனின் சிறப்பு தருணங்களை பகிர்ந்திருப்பது அவரது ரசிகர்களுக்குப் பெரும் மகிழ்ச்சியை ஏற்படுத்தியுள்ளது. "நெப்போலியன் திரும்ப வரப்போறாரா?" என்ற ஒரு எதிர்பார்ப்பும் சமூக வலைதளங்களில் சிலரிடையே உருவாகத் தொடங்கியுள்ளது. தனுஷ் திருமணத்தின் இந்த இரட்டை தருணம், ஜப்பானில் கலாசார பாணியில் நடந்த கோலாகல திருமணமும், அமெரிக்காவில் சட்டபூர்வமாக நடைபெற்ற சுருக்கமான குடும்ப விழா என இந்த இரண்டும் ரசிகர்களிடையே பல்வேறு உணர்வுகளை தூண்டியிருக்கின்றன. இதோடு, இனி நெப்போலியன் குடும்பத்தில் ஒரு புதிய அத்தியாயம் தொடங்கியுள்ளது.

திருமணமாகிய இந்த ஜோடியின் வாழ்க்கை இனிமையாகவும், அமைதியாகவும், மகிழ்ச்சியுடனும் தொடர எல்லோரும் தங்கள் வாழ்த்துகளைத் தெரிவித்துக் கொண்டிருக்கின்றனர்.
 

இதையும் படிங்க: அரைகுறை ஆடையில் கவனத்தை ஈர்த்த ஷாக்ஷி அகர்வால்..! கிளாமர் லுக்கில் அசத்தல்..!