கடந்த சில நாட்களாக பிரபலங்களின் தொடர்ச்சியான இழப்புகளால் தெலுங்கு திரையுலகம் பெரும் துயரத்தில் ஆழ்ந்துள்ளது. ஏற்கனவே மூத்த நடிகரும், அரசியல்வாதியாக வாழ்ந்தவருமான கோட்டா சீனிவாசராவ் மறைந்த செய்தி திரையுலகினரை பெரிதும் பாதித்திருந்த நிலையில், தற்பொழுது இன்னொரு துக்கச்செய்தி வந்துள்ளது. அதன்படி, பிரபல நடிகர் ரவி தேஜாவின் தந்தை பூபதிராஜு ராஜகோபால் அவர்கள், நேற்று இரவு வயது முதிர்வால் ஏற்பட்ட மோசமான உடல் நிலை காரணமாக காலமானார்.

அவருக்கு வயது 90. ஐதராபாத்தில் உள்ள ரவி தேஜாவின் இல்லத்தில் மகிழ்ச்சியுடன் வாழ்ந்து வந்த அவர் தனது உறவினர்கள் சூழ்ந்திருக்க இயற்கை எய்தினார். ராஜகோபால் ராஜு, ஒரு சிறந்த குடும்பத் தலைவர் மட்டுமன்றி, அவரது பிள்ளைகளுக்கு உறுதியான ஆதரவாளராகவும் இருந்தார். ரவி தேஜாவின் திரை உலக பயணத்தில் ஏற்பட்ட முதற்கட்டத் தோல்விகளை சமாளிக்க, அவருக்கு உறுதுணையாக தோளோடு தோல் கொடுத்தவர் அவர் தந்தையே. தமிழ்நாட்டில் சிதம்பரத்தில் இருந்த பூபதிராஜு ராஜு ஆந்திராவில் இடம்பெயர்ந்தவர். அங்கு தொழிலதிபராகவும், விவசாயத்தை சார்ந்த மிகுந்த அறிவும் திறமை கொண்டவராகவும் வாழ்ந்தார். அவரது மூன்று மகன்களில் ஒருவர் தான் நடிகர் ரவி தேஜா. மற்றொரு மகன் பாரத் ராஜு, சில ஆண்டுகளுக்கு முன்பு மருத்துவ குறைபாட்டால் காலமானார்.

இந்த செய்தி தெலுங்கு திரையுலகினரிடையே அதிர்ச்சியையும் வேதனையையும் ஏற்படுத்தியுள்ளது. நடிகர்கள், இயக்குநர்கள், தயாரிப்பாளர்கள் உள்ளிட்ட பல திரையுலக பிரபலங்கள் ரவி தேஜாவை தொடர்புகொண்டு ஆழ்ந்த இரங்கலை தெரிவித்து வருகின்றனர். முதலில் நடிகர் சிரிஞ்சீவி, "மிகுந்த வயதானாலும், தந்தையை இழக்கும் வேதனை வித்தியாசமில்லை. ரவி தேஜாவுக்கும் அவரது குடும்பத்தினருக்கும் எனது ஆழ்ந்த அனுதாபங்கள்" என தெரிவித்தார். அவரை தொடர்ந்து நடிகர் மகேஷ் பாபு, "இது ஒரு பரிதாபமான செய்தி. உங்கள் குடும்பத்துக்காக என் பிரார்த்தனைகள் இருக்கின்றன" என்று எக்ஸ் தளத்தில் தனது இரங்கலை தெரிவித்தார்.

இதையும் படிங்க: பிக்பாஸ் காதல் ஜோடிக்கு இன்றைக்கு பிறந்த நாளாம்..! ஒரே போஸ்ட்-ல ட்ரெண்டிங்.. காரணம் காதலாம்..!

இவர்களை தொடர்ந்து இயக்குனர் திரிவிக்ரம், தயாரிப்பாளர் தில் ராஜு, நடிகர் நாகார்ஜூனா, ராணா தாகுபதி உள்ளிட்ட பலரும் நேரில் சென்று ரவி தேஜாவுக்கு ஆறுதல் கூறினர். இந்த சூழலில், ராஜகோபால் ராஜுவின் இறுதிச்சடங்குகள் இன்று காலை அவரது சொந்த ஊரான ஜெய்பூர் அருகே உள்ள குடும்ப பண்ணையில் நடைபெற்றது. மிக அருகிலுள்ள உறவினர்கள், நண்பர்கள், திரையுலகத்தினர் என பலரும் கலந்து கொண்டு இறுதி அஞ்சலிகளை செலுத்தினர். இந்த நிலையில், ரவி தேஜா, மிகவும் உணர்ச்சிவசப்பட்டு, தந்தையின் மரணத்தின் சோகம் தாங்காமல் இருக்கிறார். அவர் தனிப்பட்ட முறையில் "எனது வாழ்வின் ஒரு அடித்தளமான குருவை இப்பொழுது இழந்து விட்டேன். என்னை இன்று இந்த நிலைக்கு கொண்டு வந்து ஆதரவை தந்தவரே அவர் தான். அவரது நினைவுகள் என்றும் என் வாழ்க்கையை வழிநடத்தும்" எனக் கூறியுள்ளார்.

இப்படி தொடர்ச்சியாக பல இரத்தினங்களை இழந்த திரையுலகம், இவர்களின் பங்களிப்புகளை என்றும் நினைவில் வைத்துக்கொண்டு, அவர்களின் வாழ்க்கையை போற்றி பாதுகாத்து வருகின்றனர்.

இதையும் படிங்க: திடீரென போலீசாக மாறிய நடிகர் ஆரி..! போட்டோவை பார்த்து மெர்சலான ரசிகர்கள்..!