தமிழ் சினிமாவில் நடிகர் கமல்ஹாசனின் மகளாக அறிமுகமானாலும், தனது திறமை, தனித்துவம், பன்முகத்தன்மை ஆகியவற்றின் மூலம் தனக்கென தனி அடையாளத்தை உருவாக்கிக் கொண்டவர் ஸ்ருதிஹாசன்.
நடிப்பு, பாடல், இசையமைப்பு, மாடலிங் என பல்வேறு துறைகளில் தன்னை நிரூபித்திருப்பதோடு, சமூக வலைதளங்களில் மிகவும் பிரபலமான பிரபலமாகவும் திகழ்கிறார்.
குறிப்பாக இளைஞர்கள் மத்தியில் அவருக்கு தனி ரசிகர் வட்டாரம் இருந்து வருகிறது. சமீப ஆண்டுகளில் ஸ்ருதிஹாசன் சினிமா நடிப்பை ஒரு அளவிற்கு குறைத்து, இசை துறையில் அதிக கவனம் செலுத்தி வருகிறார்.
இதையும் படிங்க: கிளாமரில் விமர்சனத்தை கிளப்பும் ஸ்ருதி ஹாசன்..! இன்ஸ்டாகிராமில் வைரலாகும் புதிய போட்டோஷூட் கிளிக்ஸ்..!
தமிழைப் போலவே தெலுங்கு, இந்தி, ஆங்கிலம் என பல மொழிகளில் ஆல்பங்கள், தனிப் பாடல்கள், கூட்டுப் பணிகள் ஆகியவற்றில் தொடர்ந்து ஈடுபட்டு வருகிறார்.
அவரது குரலுக்கே தனியான ரசிகர்கள் இருப்பது குறிப்பிடத்தக்கது. ‘கன்னழகி’, ‘யெவண்டோய் நானவுட்டே’, ‘அலோன்’ போன்ற பாடல்கள் இன்றும் ரசிகர்களால் அடிக்கடி கேட்கப்படும் ஸ்ருதிஹாசன் ஹிட் பாடல்களின் பட்டியலில் அடங்கும்.
அதுமட்டுமல்லாமல், மேடை நிகழ்ச்சிகள், லைவ் கச்சேரிகள், பன்னாட்டு நிகழ்ச்சிகளில் பாடும் வாய்ப்புகளையும் ஸ்ருதி தொடர்ந்து பெற்றுக்கொண்டு வருகிறார்.
இதனால், அவருக்கு இந்தியாவைத் தாண்டியும் உலகெங்கும் ரசிகர்கள் உருவாகியுள்ளனர். சமூக வலைதளங்களில் ஸ்ருதிஹாசன் என்றாலே நினைவுக்கு வருவது கருப்பு உடைகள், கோதிக் ஸ்டைல், டார்க் மேக்கப் ஆகியவையே.
இதையும் படிங்க: கிளாமரில் விமர்சனத்தை கிளப்பும் ஸ்ருதி ஹாசன்..! இன்ஸ்டாகிராமில் வைரலாகும் புதிய போட்டோஷூட் கிளிக்ஸ்..!