தமிழக தொலைக்காட்சி வரலாற்றில் மிகவும் பிரபலமான, நீண்டகாலமாக ரசிகர்களின் இதயத்தில் இடம்பிடித்திருக்கும் இசை ரியாலிட்டி ஷோ தான் சூப்பர் சிங்கர். கடந்த பல ஆண்டுகளாக இளம் திறமைகளை கண்டறிந்து அவர்களுக்கு ஒரு பெரிய இசை மேடையை வழங்கி வரும் இந்த நிகழ்ச்சி தற்போது தனது 11வது சீசனில் ஒளிபரப்பாகி வருகிறது. ஒவ்வொரு வாரமும் பல்வேறு பாடல்களின் வழியாக ரசிகர்களையும், நடுவர்களையும் கவரும் இந்த நிகழ்ச்சியில் ஒரு அபூர்வமான, உணர்ச்சியூட்டும் தருணம் தற்போது நடந்துள்ளது.

அதன்படி இந்த சீசனில், முந்தைய சீசன்களை விட வித்தியாசமான ஒரு கான்செப்ட் அறிமுகப்படுத்தப்பட்டுள்ளது. போட்டியாளர்கள் நான்கு குழுக்களாக பிரிக்கப்பட்டுள்ளனர், ஒவ்வொரு குழுவுக்கும் தனித்தனி நடுவர்-கேப்டன் ஒருவர் வழிகாட்டியாக உள்ளார். இசை உலகின் சிறந்த குரல்கள் மற்றும் அனுபவம் வாய்ந்த ஜட்ஜ்கள் ஒரே மேடையில் இணைந்து, போட்டியாளர்களுக்கு வழிகாட்டி வருவது ரசிகர்களிடையே பெரும் வரவேற்பைப் பெற்றுள்ளது. இந்த சீசனில் பங்கேற்றுள்ள பல திறமையாளர்களில், ரசிகர்களின் கவனத்தை மிகவும் ஈர்த்தவர் ஒருவர்..  அவர் தான் சரண் ராஜா. சரண் ராஜா, தனது குரலின் தனிச்சிறப்பால் நிகழ்ச்சியின் ஆரம்ப நாளிலேயே ரசிகர்களின் மனதில் இடம்பிடித்தார். அவர் பாடும் குரல், இசை உலகின் தந்தை எனப் போற்றப்படும் இளையராஜா அவர்களின் குரலோடு மிகுந்த ஒற்றுமையைக் கொண்டுள்ளது.

பலரும் “அச்சு அசல் ராஜா சார் பாடுவது போலத்தான் இருக்கிறது” என கூறியுள்ளனர். அவரின் பாடல்களில் வெளிப்படும் துல்லியமான ஸ்ருதி, உணர்ச்சி, பாட்டின் ஆழம் என அனைத்தும் இளையராஜாவின் பாணியை நினைவூட்டுகின்றன. ஒவ்வொரு வாரமும் அவர் பாடும் பாடல்களுக்கு நடுவர்கள் நிற்கும் அளவுக்கு பாராட்டி வருகிறார்கள்.  கடந்த வார எபிசோடில், இசையமைப்பாளர் மற்றும் பாடலாசிரியர் கங்கை அமரன் சிறப்பு விருந்தினராக கலந்து கொண்டார். அவர் வருகை தந்த அந்த நாளில், சரண் ராஜா ஒரு இளையராஜா ஹிட் பாடலை பாடினார். அந்தப் பாடலை அவர் துல்லியமான உச்சரிப்பிலும், உணர்ச்சியுடனும் பாடியபோது, கங்கை அமரன் முகத்தில் பெரும் புன்னகை மலர்ந்தது. பாடல் முடிந்ததும் அவர் நிமிட நேரம் அமைதியாக இருந்து “இது என் அண்ணனின் குரல் போலவே இருக்கு” என கூறியதும், அரங்கமே கைதட்டலால் முழங்கியது.

இதையும் படிங்க: First Look-ல் ரசிகர்களை மிரளவிட்ட இயக்குநர்..! மாதவன் – சத்யராஜ் இணையும் “G.D.N” போஸ்டர் ரிலீஸ்..!

அதன்பின் கங்கை அமரன், “உனக்கு ஏதாவது ஆசை இருந்தால் சொல்லு. நான் முடிந்த வரை அதை நிறைவேற்றுகிறேன்” என கூறினார். அதற்கு சரண் ராஜா தன்னுடைய வாழ்க்கை கனவை வெளிப்படுத்தினார். என்னவெனில் “என் வாழ்க்கையின் ஒரே ஆசை – ஒருமுறையாவது இளையராஜா சார் அவர்களை நேரில் சந்தித்து, அவரைத் தொட்டுப் பார்க்க வேண்டும். அதுதான் என் கனவு, என் லட்சியம்” என்றார். அந்தக் கணத்தில் கங்கை அமரனும் உணர்ச்சிவசப்பட்டு, “அண்ணனிடம் நிச்சயமாக சொல்றேன். உன்னை அவரை சந்திக்க வைக்கிறேன்” என உறுதியளித்தார். கங்கை அமரன் கூறிய அந்த வாக்குறுதி ஒரு வாரத்திற்குள் நனவாகிவிட்டது. சில நாட்களுக்கு முன்பு, அவர் தனிப்பட்ட முறையில் இளையராஜா அவர்களிடம் பேசி, சரண் ராஜாவை சந்திக்கும் வாய்ப்பை ஏற்பாடு செய்தார். அந்த சந்திப்பு சென்னை நகரில் உள்ள இளையராஜாவின் இசை ஸ்டூடியோவில் நடந்தது.

இளையராஜாவை நேரில் சந்தித்த தருணத்தில் சரண் ராஜா உணர்ச்சியால் கண்ணீர் விட்டதாக கூறப்படுகிறது. அவர் கைகள் கூப்பி நன்றி தெரிவித்தபோது, ராஜா சார் அவரை அன்பாக அனைத்துக்கொண்டு, “நீயும் உன்னுடைய இசையை நம்பி முன்னேறு. குரல் மட்டும் போதாது, மனசில இசை இருக்கணும்” என அறிவுரை கூறியதாக தகவல்கள் தெரிவிக்கின்றன. அந்த சந்திப்பின் புகைப்படங்கள் சமூக வலைதளங்களில் வெளியிடப்பட்டவுடன், ரசிகர்கள் அதனை பரவலாக பகிர்ந்தனர்.  அந்த சந்திப்பின் காட்சி பின் வாரம் ஒளிபரப்பான சூப்பர் சிங்கர் எபிசோடில் சிறப்பு காட்சியாக வெளிவந்தது. அதை பார்த்த நடுவர்கள், “இந்த நிகழ்ச்சி வெறும் போட்டி அல்ல, இது கனவுகளை நிறைவேற்றும் ஒரு மேடை” என பாராட்டினர். சிலர் கண்ணீருடன் “இது தான் இசையின் சக்தி” என உணர்ச்சி வெளிப்படுத்தினர்.

சரண் ராஜா தற்போது ரசிகர்களிடையே மிகுந்த வரவேற்பைப் பெற்றுள்ளார். பல இசை தயாரிப்பாளர்களும் அவரை எதிர்காலத்தில் ப்ளேபேக் பாடகராக எதிர்பார்க்கின்றனர். ஆகவே சூப்பர் சிங்கர் 11-ல் நடந்த இந்த உணர்ச்சிமிகு சம்பவம், ரியாலிட்டி ஷோக்கள் வெறும் போட்டிகள் அல்ல, கனவுகள் நிறைவேறும் மேடைகள் என்பதையும், உண்மையான திறமைக்கு வழி எப்போதும் திறந்திருக்கும் என்பதையும் மீண்டும் நிரூபித்துள்ளது.

இளையராஜா அவர்களை நேரில் சந்தித்து, அவரிடமிருந்து ஆசீர்வாதம் பெற்ற சரண் ராஜா, தனது வாழ்க்கையில் இன்னொரு புதிய அத்தியாயத்தை தொடங்கியுள்ளார். ரசிகர்கள் அனைவரும் இப்போது ஒரே குரலில் இசைக்கு பிறந்தவன் சரண் ராஜா — ராஜாவின் ஆசீர்வாதத்துடன் இன்னும் உயரம் எட்டட்டும் என சொல்கின்றனர்.  

இதையும் படிங்க: தெய்வங்கள் எல்லாம் தோற்றே போகும் தந்தை அன்பின் முன்பே.. கவிஞர் சினேகனின் 101 வயது தந்தை மறைவு..!!