தமிழ் இசை மற்றும் திரைப்பட உலகில் தனித்துவமான அடையாளத்தை உருவாக்கியவர்களில் முக்கியமானவர் ஹிப் ஹாப் ஆதி. இசையமைப்பாளர், பாடகர், நடிகர், இயக்குநர் என பல்வேறு துறைகளில் தனது திறமையை வெளிப்படுத்தி வந்த அவர், கடந்த சில ஆண்டுகளாக தமிழ் இளைஞர்களிடையே தனி ரசிகர் வட்டத்தை உருவாக்கியுள்ளார். சமூக ஊடகங்களில் மிகுந்த வரவேற்பைப் பெறும் அவரது பாடல்கள் மற்றும் மேடை நிகழ்ச்சிகள் பல்வேறு நாடுகளில் நடைபெற்று வருகின்றன.

அதே நேரத்தில் திரைப்படங்களிலும் தொடர்ந்து செயல்பட்டு வரும் ஹிப் ஹாப் ஆதி, தற்போது தனது கவனத்தை பெரும்பாலும் சினிமா மற்றும் இசை உருவாக்கத்திற்கே திருப்ப முடிவு செய்துள்ளதாக தெரிவித்துள்ளார். இதற்காக சில காலம் இசை மேடை நிகழ்ச்சிகளில் இருந்து ஓய்வு எடுக்கவுள்ளதாக அவர் அறிவித்திருப்பது ரசிகர்களிடையே பேசுபொருளாகியுள்ளது. தமிழ் ராப் இசையை பொதுமக்களிடம் கொண்டு சென்றவர்களில் முக்கியமானவர் ஹிப் ஹாப் ஆதி. தனது ஆரம்ப காலத்தில் யூடியூப் தளத்தின் மூலம் வெளியான பாடல்கள் மூலம் பெரும் கவனத்தை பெற்ற அவர், பின்னர் தமிழ் சினிமாவிலும் தனது பயணத்தை தொடங்கினார்.

குறிப்பாக இளைஞர்களின் வாழ்க்கை, கனவுகள், தோல்விகள், முயற்சிகள் போன்றவற்றை பேசும் அவரது பாடல்கள் மற்றும் கதைகள் பலரின் மனதையும் கவர்ந்துள்ளன. இசை உலகில் மட்டுமல்லாமல் மேடை நிகழ்ச்சிகளிலும் அவர் தொடர்ந்து செயல்பட்டு வந்தார். உலகின் பல நாடுகளில் நடைபெறும் தமிழ் இசை நிகழ்ச்சிகளில் கலந்து கொண்டு ரசிகர்களை மகிழ்வித்து வந்துள்ளார். வெளிநாடுகளில் வாழும் தமிழ் ரசிகர்களிடமும் அவருக்கு நல்ல வரவேற்பு உள்ளது. சமீப காலமாக வெளிநாடுகளில் நடைபெற்ற பல இசை நிகழ்ச்சிகளிலும் அவர் பங்கேற்று ரசிகர்களை உற்சாகப்படுத்தியுள்ளார்.

இதையும் படிங்க: கிழவி ரோலில் நடிக்க.. குவியும் வாய்ப்புகள்..! தாய் கிழவியாகவே மாத்திட்டாங்கையா என்ன.. கலகலப்பாக பேசிய ராதிகா..!

குறிப்பாக சென்னை நகரிலும் டார்க் எண்டர்டெயின்மெண்ட் நிறுவனம் சார்பில் அண்மையில் ஒரு பெரிய இசை நிகழ்ச்சி நடைபெற்றது. அந்த நிகழ்ச்சியில் ஹிப் ஹாப் ஆதி தனது பல பிரபலமான பாடல்களை பாடி ரசிகர்களை கவர்ந்தார். ஆயிரக்கணக்கான ரசிகர்கள் கலந்து கொண்ட அந்த நிகழ்ச்சி சமூக ஊடகங்களிலும் பெரும் வரவேற்பைப் பெற்றது. இந்நிலையில் தற்போது அவர் தனது கவனத்தை திரைப்படத் துறையில் அதிகமாக செலுத்த முடிவு செய்துள்ளதாக கூறப்படுகிறது.  குறிப்பாக தனது முதல் படமான “மீசைய முறுக்கு” திரைப்படத்தின் தொடர்ச்சியாக உருவாகும் “மீசைய முறுக்கு 2” படத்தை தற்போது இயக்கி நடித்து வருகிறார்.

முதல் பாகம் இளைஞர்களிடையே பெரும் வரவேற்பைப் பெற்றதால், அதன் இரண்டாம் பாகத்திற்கும் ரசிகர்களிடையே அதிக எதிர்பார்ப்பு நிலவி வருகிறது. இந்த நிலையில் தனது அடுத்தகட்ட திட்டங்கள் குறித்து ஹிப் ஹாப் ஆதி சமீபத்தில் பேசினார். அவர் கூறும்போது, “என் வாழ்க்கையில் நான் பெற்ற மிகப்பெரிய சொத்து என்னவென்றால் அது ரசிகர்களின் அன்பு தான். ஒரு கலைஞராக நான் செய்யும் ஒவ்வொரு முயற்சிக்கும் அவர்கள் அளிக்கும் ஆதரவு எனக்கு மிகவும் முக்கியமானது. என் திரைப்பயணத்தில் ரசிகர்கள் அளிக்கும் பாராட்டும், அன்பும் தான் எனக்கு மிகப்பெரிய பரிசு,” என்று தெரிவித்தார்.

மேலும் அவர் கூறியதாவது, “பல வருடங்களாக நான் இசை நிகழ்ச்சிகள் நடத்தி வருகிறேன். உலகின் பல நாடுகளில் ரசிகர்களை நேரில் சந்திக்கும் வாய்ப்பு கிடைத்தது. அது எனக்கு ஒரு பெரிய அனுபவம். ஆனால் தற்போது சில காலம் அந்த நிகழ்ச்சிகளில் இருந்து ஓய்வு எடுத்து, திரைப்படங்களிலும் பாடல்களிலும் அதிக கவனம் செலுத்த வேண்டும் என்று முடிவு செய்துள்ளேன்,” என்றார்.

அவரது இந்த முடிவு குறித்து ரசிகர்கள் சமூக ஊடகங்களில் பல்வேறு கருத்துகளை தெரிவித்து வருகின்றனர். சிலர் அவரது மேடை நிகழ்ச்சிகளை மிகவும் விரும்புவதாகவும், மீண்டும் விரைவில் இசை நிகழ்ச்சிகளில் அவரை பார்க்க விரும்புவதாகவும் கூறியுள்ளனர். அதே நேரத்தில் அவர் சினிமாவில் மேலும் பல படங்களில் நடித்து, நல்ல கதைகளை வழங்க வேண்டும் என்றும் பலர் எதிர்பார்ப்பு தெரிவித்துள்ளனர்.

ஹிப் ஹாப் ஆதியின் கருத்துப்படி, ரசிகர்களின் அன்பே தனது வாழ்க்கையின் மிகப்பெரிய சொத்து என்றும் அவர் தெரிவித்துள்ளார். “நான் பெரிதாக சேர்த்து வைத்த சொத்தாக என்னிடம் இருப்பது ரசிகர்களின் அன்பு தான். அந்த அன்பை மதிக்க வேண்டும் என்ற எண்ணம் எப்போதும் எனக்கு இருக்கிறது. அதனால் தான் இனிமேல் அவர்கள் மகிழ்ச்சியடையும் வகையில் நல்ல படங்களையும் பாடல்களையும் கொடுக்க வேண்டும் என்று விரும்புகிறேன்,” என்று அவர் கூறினார்.

இதனால் ஹிப் ஹாப் ஆதியின் அடுத்த படைப்புகள் குறித்து ரசிகர்களிடையே எதிர்பார்ப்பு அதிகரித்துள்ளது. குறிப்பாக “மீசைய முறுக்கு 2” திரைப்படம் எப்போது வெளியாகும் என்ற கேள்வியும் தற்போது ரசிகர்களிடையே எழுந்துள்ளது. இளைஞர்களை மையமாகக் கொண்டு உருவாகும் இந்த படம், முதல் பாகம் போலவே நல்ல வரவேற்பைப் பெறுமா என்ற ஆர்வமும் திரை உலகில் நிலவி வருகிறது.

இந்நிலையில் இசை மேடை நிகழ்ச்சிகளில் இருந்து தற்காலிகமாக விலகி, திரைப்படங்களிலும் புதிய பாடல்களிலும் கவனம் செலுத்தும் ஹிப் ஹாப் ஆதியின் இந்த முடிவு அவரது அடுத்த கட்ட கலைப்பயணத்தில் முக்கியமான திருப்பமாக இருக்கும் என்று திரை உலகில் பேசப்படுகிறது. ரசிகர்களின் ஆதரவுடன் அவர் தொடர்ந்து பல புதிய முயற்சிகளை மேற்கொள்வார் என்ற நம்பிக்கையும் தற்போது எழுந்துள்ளது.

இதையும் படிங்க: சிந்தாமணி மகளின் காதல் வலையில் விழுந்த சத்யா..! பச்சைக்கொடி காட்டிய முத்து.. பீதியில் மீனா.. சிறகடிக்க ஆசையில் இன்று..!