சமீபத்தில் நடக்கற அஜித்தின் "குட் பேட் அக்லி" படத்தில் முன்னாள் காதலியாக வந்து, தற்பொழுது உள்ள பல இளசுகளின் மனதையும் கொள்ளையிட்டு சென்றுள்ளார் நடிகை சிம்ரன். மேலும் இப்படத்தில் வந்த "தொட்டு தொட்டு பேசும் சுல்தானா" பாடலை கேட்டதில் இருந்து இணையத்தில் சிம்ரன் ஆடிய நடனத்தை பார்க்க வரும் கூட்டமும் பெருகியுள்ளது. 

இப்படி பட்ட சிம்ரன் தமிழ் திரையுலகில் 1997ம் ஆண்டு வெளியான "ஒன்ஸ்மோர்" என்ற திரைப்படத்தின் மூலம் அறிமுகமானவர். இதனை அடுத்து நடிகை சிம்ரன் தமிழில் பல படங்களில் நடிக்க அவருக்கென தனி ரசிகர்கள் பட்டாளமே உருவானது. மேலும், 2000-ம் ஆண்டு காலகட்டத்தில் தமிழ் திரையுலகில் ஒரு படத்திற்கு ரூ.75லட்சம் சம்பளம் வாங்கிய முதல் நடிகையும் இவர் தான். இதனை அடுத்து, தமிழ் திரையுலகில் மட்டும் 10 விருதுகளை இதுவரை வென்றுள்ளார். மேலும், 4 பிலிம்பேர் விருதுகளையும் பெற்றுள்ளார். 

இதையும் படிங்க: நடிகர் விஜயின் பிடியில் ஜனநாயகன்.. அனுமதி பெற காத்திருக்கும் பட குழுவினர்..!

மும்பையில் பிறந்து வளர்ந்த சிம்ரன் தமிழில் இதுவரை, ஒன்ஸ்மோர், நேருக்கு நேர், அவள் வருவாளா, கொண்டாட்டம், நட்புக்காக, ஜோடி, துள்ளாத மனமும் துள்ளும், வாலி, உன்னை கொடு என்னை தருவேன், பிரியமானவளே, 12 B, பார்த்தாலே பரவசம் , பஞ்சதந்திரம், பம்மல் கே. சம்பந்தம், ரமணா, கன்னத்தில் முத்தமிட்டாள், யூத், கோவில்பட்டி வீரலட்சுமி, உதயா, பிதாமகன், நியூ, ஆய்த எழுத்து, நம் நாடு, சத்தம் போடாதே, சேவல், வாரணம் ஆயிரம், ஐந்தாம் படை, தநா -07 அல 4777, பேட்ட, பாவ கதைகள், மகான், ராக்கெட்ரி: நம்பி விளைவு, கேப்டன், அந்தகன், குட் பேட் அக்லி, உள்ளிட்ட பல படங்களில் நடித்துள்ளார்.  

இந்த நிலையில், சமீபத்தில் நடிகை சிம்ரன் நடிப்பில் வெளியான டூரிஸ்ட் ஃபேமிலி படம் மக்கள் மத்தியில் நல்ல வரவேற்பை பெற்றுள்ளது. அதுமட்டுமல்லாமல் இப்படத்தில் சிம்ரனை கண்ட ரசிகர்கள் அனைவரும் அவரை நிறைய படங்களில் நடிக்க சொல்லி பாச மழை பொழிந்து வருவதால் நடிகை சிம்ரன், இனி அடுத்தடுத்து குடும்ப சென்டிமெண்ட் கதைகளில் பெரும்பாலும் நடிக்க திட்டமிட்டுள்ளேன்.

அதேபோல இனி வரும் காலங்களில் சண்டைபோடும் ஆக்சன் வேடங்களில் நடிக்கவும் ஆசைப்படுகிறேன். மேலும், கொஞ்ச நாள் நடிப்புக்கு லீவு விடுகிறேன். காரணம் தற்போது லண்டனில் உள்ள எனது மூத்த மகன் படிப்பு சம்பந்தமாக அவருக்கு உதவியாக இருக்கிறேன். விரைவில் இந்தியா திரும்புவேன். வந்த பின்பு அடுத்தடுத்த படப்பிடிப்புகளில் நடித்து கலக்குவேன் என தெரிவித்தார். 

இந்த நிலையில், அவர் லண்டனில் இருந்து மீண்டும் இந்தியா வந்து நடிக்க வாய்ப்பு கிடைத்துள்ளது. அதற்கு ஆதாரமாக சிம்ரன் வெளியிட்டுள்ள வீடியோ ஒன்று பலரது கவனத்தையும் ஈர்த்துள்ளது. அதன்படி, சிம்ரன் தனது மகனின் ஸ்பெஷல் வீடியோ ஒன்றை வெளியிட்டுள்ளார்.

அதில் அவரது மகன் பள்ளி படிப்பை முடித்த வீடியோவையும் சேர்த்து பெருமையாக தான் வெளியிட்டுள்ளார். சிறுவயதில் இருந்து எடுக்கப்பட்ட அவரது மகனின் புகைப்படத்தை அதில் இணைத்துள்ளதை பார்த்த ரசிகர்கள் அவருக்கு பாராட்டு தெரிவித்து வருகின்றனர்.

இதையும் படிங்க: தக் லைஃப் ரிலீஸ் நேரத்தில் வெளியான அதிர்ச்சி வீடியோ..! படத்தின் காட்சிகள் அதில் இடம்பெற்றதால்...?