மௌனம் பேசியதே படத்தின் மூலம் நாயகியாக அறிமுகமானவர் நடிகை த்ரிஷா. இவர் நடிப்பில் வெளியான சாமி, கில்லி, திருப்பாச்சி, ஆறு, கிரீடம் உள்ளிட்ட அனைத்து படங்களும் ஹிட் ஆனது. இவரது படங்கள் என்றாலே ரசிகர்களுக்கு மிகவும் புத்துணர்ச்சி தான். ஆக விஜய் சேதுபதியுடன் இவர் நடித்த '96 திரைப்படம்' மாபெரும் ஹிட்டானது.

இந்த படத்தை த்ரிஷாவின் காம்பேக் படமாக பார்த்தனர் தமிழ் ரசிகர்கள். குறிப்பாக மணிரத்னம் இயக்கிய 'பொன்னியின் செல்வன்' திரைப்படத்தில் ஐஸ்வர்யா ராய் இருந்தாலும் த்ரிஷாவையே பலரும் நோக்கினர். அந்த அளவிற்கு இந்த படத்தின் மூலம் மீண்டும் முன்னணி நடிகையாக வலம் வந்து கொண்டிருக்கிறார்.

இப்படி, 21 ஆண்டுகளாக, சினிமாவில் தவிர்க்க முடியாத நாயகியாக வலம் வரும் த்ரிஷா, தமிழ், தெலுங்கு, கன்னடம் என பல படங்களில் தற்பொழுது பிஸியாக நடித்து வருகிறார். மேலும் அஜித்தின் "குட் பேட் அக்லி" படத்தில் மாஸ் காண்பித்து இருக்கிறார் த்ரிஷா. அதுமட்டுமல்லாமல் தற்போது கமல் நடிப்பில் வெளியாக காத்திருக்கும் "தக் லைஃப்" படத்தில் நாயகியாக நடித்து வருகிறார். மேலும்,  தெலுங்கில் சிரஞ்சீவியுடன் ஜோடியாக நடித்து முடித்துள்ளார்.

இதையும் படிங்க: நயன்தாராவை பின்னுக்கு தள்ளிய ஹீரோயின்கள்... சம்பளத்தை உயர்த்தியதால் வேதனையில் தயாரிப்பாளர்கள்..!

இப்படி பட்ட திரிஷாவின் ஆரம்ப வாழ்க்கை, "மிஸ் இந்தியா" மற்றும் "மிஸ்.மெட்ராஸ்" போன்ற அழகி போட்டியில் தொடங்கியது. அதில் பங்குபெற்று வெற்றி பெற்ற நடிகை திரிஷா, 1999-ம் ஆண்டு 'ஜோடி' என்ற திரைப்படத்தில் சிம்ரனுக்கு தோழியாக சிறிய கதாபாத்திரத்தில் நடித்து இருப்பார். இதனை அடுத்து, இயக்குனர் ப்ரியதர்ஷன் இயக்கத்தில் உருவான "லேசா லேசா" என்ற திரைப்படத்தில் கதாநாயகியாக நடித்து தமிழ் திரையுலகில் இளம் நடிகையாக அறிமுகமானார். 

இதுவரை ஜோடி, குஷி, மௌனம் பேசியதே, சாமி, அலை, லேசா லேசா, மனசெல்லாம், எனக்கு 20 உனக்கு 18, கில்லி, ஆய்த எழுத்து, ஜி, ஆறு, திருப்பாச்சி, ஆதி, சம்திங் சம்திங் உனக்கும் எனக்கும், கிரீடம், பீமா, வெள்ளித்திரை, குருவி, அபியும் நானும், சர்வம், விண்ணைத்தாண்டி வருவாயா, மன்மதன் அம்பு, மங்காத்தா, என்றென்றும் புன்னகை, சமர், தூங்காவனம், சகலகலா வல்லவன், பூலோகம், என்னை அறிந்தால், கொடி, அரண்மனை 2, நாயகி, மோகினி, 96, பேட்ட, பரமபதம் விளையாட்டு, பொன்னியின் செல்வன் (PS 1), ராங்கி, லியோ, பொன்னியின் செல்வன் 2, தி ரோடு, குற்றப்பயிற்சி, தி கிரேட்ஸ்ட் ஆஃப் ஆல் டைம் (தி கோட்), தக் லைஃப், விடாமுயற்சி, குட் பேட் அக்லி உள்ளிட்ட பல படங்களில் நடித்து இருக்கிறார் நடிகை த்ரிஷா. 

இந்த சூழலில், திரையரங்குகளில் வெற்றி நடை போட்டு வரும் 'குட் பேட் அக்லி' படத்தில் அஜித்துடன் திரிஷா இணைந்து சிறப்பாக நடித்து இருந்த நிலையில், திரிஷாவின் ரசிகர்கள், சினிமாவில் ஒரே ஒரு லேடி சூப்பர் ஸ்டார்தான். அது எங்கள் திரிஷாதான் என்று சோசியல் மீடியாவில் ட்ரெண்டாக்கி வருகின்றனர். ஆனால் இதற்கு நயன்தாராவின் ரசிகர்கள், குட் பேட் அக்லி படத்தில் திரிஷா மிகவும் மோசமாக நடித்திருக்கிறார். இன்றுவரை அவருக்கு நடிப்பும் வரவில்லை, சொந்த குரலில் பேசவும் வரவில்லை என விமர்சனம் செய்து வருகின்றனர்.

இந்நிலையில், இதனை பார்த்து கடுப்பான திரிஷா தனது இன்ஸ்ட்டா பக்கத்தில் பதிவு ஒன்றை போட்டார். அந்த பதிவில், 'ஷப்பா, டாக்ஸிக் மக்களே, உங்களுக்கெல்லாம் எப்படி தான் தூக்கம் வருகிறதோ. சோசியல் மீடியாவில் அறிவுகெட்டதனமாக மற்றவர்கள் பற்றி பதிவு போடுவதுதான் உங்களுக்கு வேலையா.

உங்களுக்காக மிகவும் வருத்தப்படுகிறேன். இது ஒரு கோழைத்தனம். காட் பிளஸ் யூ' என்று ஒரே வரியில் அனைவருக்கும் பதிலடி கொடுத்திருக்கிறார் நடிகை திரிஷா.

இதையும் படிங்க: ஸ்டைலிஷ் தமிழச்சியாக மாறிய 'சிறகடிக்க ஆசை' சீரியல் நாயகி கோமதி ப்ரியா!