பீஹாரில் வாக்காளர் பட்டியல் தொடர்பான பரபரப்பு விவகாரத்தில் ராகுல் காந்தி சொன்ன குற்றச்சாட்டு பொய்யுன்னு தேர்தல் ஆணையம் ஆதாரத்தோடு அம்பலப்படுத்தியிருக்கு! ராகுல் பகிர்ந்த வீடியோவுக்கு எதிராக, தேர்தல் ஆணையம் தெளிவான விளக்கத்தை ஆதாரங்களோடு கொடுத்து, வாக்கு திருட்டு குற்றச்சாட்டுக்கு முற்றுப்புள்ளி வைச்சிருக்கு. 

பீஹாரில், முதல்வர் நிதிஷ் குமார் தலைமையில் ஐக்கிய ஜனதா தளமும், பா.ஜ.க.வும் கூட்டணி ஆட்சி நடத்தி வருது. இந்த ஆண்டு இறுதியில் அங்கு சட்டமன்றத் தேர்தல் நடக்கப் போகுது. இதுக்கு முன்னோட்டமாக, வாக்காளர் பட்டியலை சரி செய்ய சிறப்பு தீவிர திருத்தப் பணி (SIR) தேர்தல் ஆணையத்தால் மேற்கொள்ளப்பட்டது. இதுல, இறந்தவர்கள், நிரந்தரமாக இடம் மாறியவர்கள், ஒரு இடத்துக்கு மேல் பெயர் பதிஞ்சவர்கள் என 65 லட்சம் பேர் பெயர் நீக்கப்பட்டிருக்கு.

இந்த சூழல்ல, ராகுல் காந்தி, ‘வாக்காளர் உரிமை யாத்திரை’னு பீஹாரில் ஊர்வலம் நடத்தி, வாக்கு திருட்டு பெரிய அளவில் நடக்குதுன்னு குற்றம்சாட்டி வராரு. அதுக்கு ஆதாரமாக, சுபோத் குமார் என்பவர் தன்னோட பெயர் வாக்காளர் பட்டியலில் இருந்து நீக்கப்பட்டதாக கூறிய வீடியோவை ராகுல் தன்னோட சமூக வலைதளத்தில் பகிர்ந்திருந்தாரு. ஆனா, இதுக்கு பதிலடி கொடுக்குற மாதிரி, பீஹார் தலைமை தேர்தல் அதிகாரி ஒரு அறிக்கை வெளியிட்டு, ராகுலோட குற்றச்சாட்டை உடைச்சு போட்டிருக்காரு.

இதையும் படிங்க: அப்பா!! உங்கள் கனவை நிறைவேற்றுவதே எனது குறிக்கோள்!! ராகுல் உருக்கம்!!

அந்த அறிக்கையில் என்ன இருக்குன்னு பார்க்கலாம். சுபோத் குமார் பெயர் வாக்காளர் பட்டியலில் இருந்து நீக்கப்பட்டதா குற்றச்சாட்டு உண்மையில்லைன்னு தெளிவா சொல்லியிருக்காங்க. உண்மையில், சுபோத் குமாரோட குடும்பத்தினர் பெயர், நவாடா மாவட்டத்துல 9-வது ஓட்டுச்சாவடியிலிருந்து 10-வது ஓட்டுச்சாவடிக்கு மாற்றப்பட்டிருக்கு. ஆனா, சுபோத் குமாரோட பெயர் இதுவரை வாக்காளர் பட்டியலில் பதியவே இல்லையாம். 

நீக்கப்பட்டவர் பட்டியலிலும் அவரோட பெயர் இல்லை. வரைவு வாக்காளர் பட்டியல் ஒட்டப்பட்டபோது, சுபோத் குமார் அந்த பூத்துக்கு வந்து, வருகை பதிவேட்டில் கையெழுத்து போட்டிருக்காரு. தேர்தல் ஆணையம் எடுத்த போட்டோவிலும் அவர் இருக்காரு. ஆனா, பெயர் இல்லைன்னு தெரிஞ்சும், பூத் அதிகாரிகள் கேட்டப்போ, பெயர் சேர்க்க விண்ணப்பிக்கலையாம். வரைவு பட்டியல் வெளியான பிறகும், இதுபத்தி எந்த ஆட்சேபணையும் அவர் எழுப்பலையாம்.

இதனால, சுபோத் குமார் குற்றச்சாட்டு உண்மையில்லைன்னு தேர்தல் ஆணையம் அறிவிச்சிருக்கு. இப்போவாவது, படிவம்-6 நிரப்பி, தேவையான ஆவணங்களை சுபோத் குமார் கொடுத்தா, அவரோட பெயர் வாக்காளர் பட்டியலில் சேர்க்கப்படும்னு உறுதியளிச்சிருக்காங்க. 

இந்த விவகாரம், ராகுலோட குற்றச்சாட்டுக்கு பெரிய பின்னடைவாக பார்க்கப்படுது. இதனால, பீஹார் தேர்தல் முன்னாடி, வாக்கு திருட்டு பத்தி ராகுல் சொன்ன குற்றச்சாட்டுகள் மீதான நம்பகத்தன்மை கேள்விக்குறியாகியிருக்கு. தேர்தல் ஆணையம், ஆதாரங்களோடு தெளிவான விளக்கம் கொடுத்து, இந்த விவகாரத்தை முடிவுக்கு கொண்டு வந்திருக்கு.

இதையும் படிங்க: ராஜீவ்காந்தி பிறந்தநாள்!! ராகுல்காந்தி மிஸ்ஸிங்!! நினைவிடத்தில் பிரியங்கா, கார்கே மரியாதை!!