மாலத்தீவுக்கு ரூ.4,850 கோடி கடன் உதவி அறிவித்து, பிரதமர் நரேந்திர மோடி இந்தியாவின் நட்பு கரத்தை நீட்டியிருக்கார். இது மாலத்தீவு-இந்தியா உறவில் ஒரு பெரிய திருப்புமுனையாகப் பார்க்கப்படுது.

கடந்த சில வருஷங்களா மாலத்தீவு சீனாவோடு நெருக்கமாக இருந்து, இந்தியாவை “வெளியேறு”னு சொல்லி, உறவில் விரிசல் ஏற்படுத்தியிருந்தது. ஆனா, இப்போ மோடியின் மாலத்தீவு பயணமும், அங்கே கிடைச்ச சிறப்பான வரவேற்பும், சீனாவின் செல்வாக்கு குறையறதுக்கு ஒரு முக்கிய காரணமாக அமைஞ்சிருக்கு. 

மாலத்தீவு அதிபர் முகமது முய்சு 2023-ல பதவிக்கு வந்தப்போ, “இந்தியா வெளியேறு”னு பிரச்சாரம் பண்ணி, சீனாவோடு நெருக்கமாகப் பயணிச்சார். இந்திய ராணுவ வீரர்களை வெளியேற்றி, சீனாவோடு வர்த்தகம், நிதி உதவி உள்ளிட்டவற்றில் பெரிய ஒப்பந்தங்கள் பண்ணினார். 

இதையும் படிங்க: மாலத்தீவில் பிரதமர் மோடி.. Guard of Honour மரியாதையுடன் உற்சாக வரவேற்பு..!!

இதனால இந்தியாவுக்கும் மாலத்தீவுக்கும் இடையே உறவு பதற்றமாக இருந்துச்சு. ஆனா, மாலத்தீவு இப்போ பொருளாதார நெருக்கடியில் சிக்கியிருக்கறதால, இந்தியாவோடு மறுபடியும் நெருக்கமாகி, உறவை சரி செய்யற முயற்சியில் இறங்கியிருக்கு. 

மோடியின் சமீபத்திய மாலத்தீவு பயணத்தின் போது, இந்தியா ரூ.4,850 கோடி கடன் உதவி அளிக்கறதா அறிவிச்சது. இது மாலத்தீவின் உள்கட்டமைப்பு மேம்பாட்டுக்கு, குறிப்பா ஹுல்ஹுமாலேயில் 3,300 வீடுகள், அட்டு நகரில் சாலைகள், வடிகால் திட்டங்கள் போன்றவற்றுக்கு பயன்படுத்தப்படும். 

இது தவிர, இந்தியா 72 கனரக வாகனங்களை மாலத்தீவு பாதுகாப்பு அமைச்சகத்துக்கு வழங்கியிருக்கு. இரு நாடுகளும் சுதந்திர வர்த்தக ஒப்பந்த பேச்சுவார்த்தைகளை தொடங்கவும் ஒப்புக்கொண்டிருக்காங்க, இது இரு நாட்டு வர்த்தகத்தையும் பலப்படுத்தும். 

முய்சு, மோடியை விமான நிலையத்தில் நேரில் வரவேற்றது, இந்தியாவோடு உறவை மேம்படுத்தறதுக்கு மாலத்தீவு எவ்வளவு ஆர்வமா இருக்குனு காட்டுது. இந்த சந்திப்பு, இரு நாடுகளுக்கும் இடையே பரஸ்பர நம்பிக்கையையும் ஒத்துழைப்பையும் வலுப்படுத்தியிருக்கு. 

மோடியும், “இந்தியா-மாலத்தீவு நட்பு புது உயரங்களை எட்டும்”னு நம்பிக்கை தெரிவிச்சிருக்கார். இது சீனாவுக்கு ஒரு பின்னடைவா பார்க்கப்படுது, ஏன்னா மாலத்தீவு இப்போ இந்தியாவை நோக்கி திரும்பியிருக்கு. 

சீனாவோடு மாலத்தீவு நெருக்கமா இருந்தப்போ, அது பெரிய கடன்களை வாங்கி, இப்போ 62% கடன் சுமையில் மாட்டிக்கிட்டு இருக்கு. சர்வதேச நாணய நிதியம் (IMF) கூட மாலத்தீவு கடன் நெருக்கடியில் சிக்கிக்கலாம்னு எச்சரிச்சிருக்கு. 

இந்த சூழல்ல இந்தியாவோடு உறவை மேம்படுத்தறது, மாலத்தீவுக்கு பொருளாதார ரீதியிலும், அரசியல் ரீதியிலும் நல்ல முடிவா இருக்கலாம்.மோடியின் இந்த பயணம், இந்தியாவோடு மாலத்தீவு மறுபடியும் நெருக்கமாகறதுக்கு வழிவகுத்திருக்கு. சீனாவின் செல்வாக்கு குறையறதும், இந்தியாவின் நம்பகமான நட்பு மாலத்தீவுக்கு ஒரு புது நம்பிக்கையை கொடுத்திருக்கு. 

இந்தியாவின் இந்த நிதி உதவி, மாலத்தீவின் பொருளாதாரத்தை மீட்டெடுக்கவும், இரு நாடுகளுக்கும் இடையேயான நட்பை வலுப்படுத்தவும் ஒரு முக்கிய படியா இருக்கும்னு அரசியல் நிபுணர்கள் கணிச்சிருக்காங்க!

இதையும் படிங்க: பிரதமர் மோடியின் தரமான செய்கை.. மொத்தமாக சரண்டர் ஆன மாலத்தீவு! இனி வாலாட்டுவீங்க!!