ரத்தன் டாடாவின் உயில் குறித்து பல திடுக்கிடும் தகவல்கள் வெளியாகி வருகின்றன. இப்போது, ​​வெளிவந்திருக்கும் தகவல் சாமானிய மக்களுக்கு மட்டுமல்ல, டாடா குடும்பத்திற்கே மிகவும் அதிர்ச்சியளிக்கிறது. ரத்தன் டாடா தனது உயிலில்,  ரூ.500 கோடிக்கும் அதிகமான மதிப்புள்ள சொத்தை யாரும் எதிர்பாராத ஒருவருக்கு எழுதி வைத்துச் சென்றுள்ளார். ரத்தன் டாடாவுக்கும், அவருக்கும் இடையேயான உறவு சுமார் 60 ஆண்டுகள் பழமையானது என்று கூறப்படுகிறது. 

ரத்தன் டாடாவின் உயிலில் ரூ.500 கோடி மதிப்புள்ள சொத்து குறிப்பிடப்பட்டுள்ள அவர் ஜாம்ஷெட்பூரைச் சேர்ந்த பயணத் துறை தொழிலதிபர் மோகினி மோகன் தத்தா.டாடா குடும்ப உறுப்பினர்களும் இந்த உயிலைப் பார்த்ததும் மிகவும் அதிர்ச்சியடைந்ததாகக் கூறப்படுகிறது. தத்தாவும், அவரது குடும்பத்தினரும் ஸ்டாலியன் என்ற பயண நிறுவனத்தை நடத்தி வந்தனர். இந்த நிறுவனம் 2013 ஆம் ஆண்டில் தாஜ் குழும ஹோட்டல்களின் ஒரு பகுதியாக இருக்கும் தாஜ் சர்வீசஸுடன் இணைக்கப்பட்டது. மோகினி தத்தாவும் அவரது குடும்பத்தினரும் ஸ்டாலியனில் 80% பங்குகளை வைத்திருந்தனர்.மீதமுள்ளவை டாடா இண்டஸ்ட்ரீஸுக்குச் சொந்தமானவை. தாமஸ் குக்கின் முன்னாள் துணை நிறுவனமான டிசி டிராவல் சர்வீசஸின் இயக்குநராகவும் பணியாற்றியுள்ளார்.

ரத்தன் டாடாவை நெருக்கமாக அறிந்தவர்கள், தத்தா ஒரு நீண்டகால கூட்டாளி என்றும், குடும்ப உறுப்பினர்கள் உட்பட அவரது நெருங்கிய நண்பர்களுக்கு அவரைத் தெரியும் என்றும் கூறினர். மோகினி தத்தாவைத் தொடர்பு கொண்டபோது, ​​அவர் எந்தக் கருத்தையும் தெரிவிக்க மறுத்துவிட்டார். உயிலை நிறைவேற்றிய ரத்தன் டாடாவின் ஒன்றுவிட்ட சகோதரிகளான ஷிரின், தினா ஜெஜீபாய் ஆகியோரும் கருத்து தெரிவிக்க மறுத்துவிட்டனர். டேரியஸ் கம்பட்டா எந்தக் கருத்தும் தெரிவிக்கவில்லை. நான்காவது நிறைவேற்றுநரான மெஹ்லி மிஸ்திரி, இந்த நபரைப் பற்றி கருத்து தெரிவிக்க விரும்பவில்லை. தத்தாவின் இரண்டு மகள்களில் ஒருவர் 2024 வரை 9 ஆண்டுகள் டாடா டிரஸ்ட்ஸில் பணியாற்றினார். அதற்கு முன்பு அவர் தாஜ் ஹோட்டலில் பணிபுரிந்தார்.

இதையும் படிங்க: ஓடும் ரயிலில் கர்ப்பிணி பெண்ணிற்கு பாலியல் தொல்லை ... கீழே தள்ளிவிட்டு தப்பிய இருவருக்கு வலைவீச்சு ...!

தத்தா தன்னை டாடா குடும்ப உறுப்பினர்களுக்கு நெருக்கமானவராக இருந்து வந்துள்ளார். அக்டோபர் 2024 -ல் ரத்தன் டாடாவின் இறுதிச் சடங்கில், ரத்தன் டாடாவுக்கு 24 வயதாக இருந்தபோது, ​​ஜாம்ஷெட்பூரில் உள்ள டீலர்ஸ் ஹாஸ்டலில் தானும் ரத்தன் டாடாவும் முதன்முதலில் சந்தித்ததாக தத்தா கூறியுள்ளார்."டாடா எனக்கு உதவினார். என்னை தொழிலதிபராக உயர்த்தினார். நாங்கள் ஒருவருக்கொருவர் 60 ஆண்டுகளாக நெருங்கியவர்களாக இருந்தோம்'' என்றும் தத்தா கூறியுள்ளார். 

ரத்தன் டாடாவின் சம்பாத்தியத்தில் பெரும்பகுதி தொண்டு பணிகளுக்கு அர்ப்பணிக்கப்பட்டுள்ளது. அவரது சொத்துக்களை அவரது ஒன்றுவிட்ட சகோதரிகளும் தங்கள் பங்கை நன்கொடையாக வழங்க விருப்பம் தெரிவித்துள்ளனர். தத்தா பெயர் வெளிவந்திருக்கும் நிலையில், டாடா குடும்பத்தினரிடையே மிகவும் தீவிரமான விவாதம் தொடங்கியுள்ளது. ரத்தன் டாடா தனது இறுதி ஆண்டுகளில் தனது வருமானத்தின் குறிப்பிடத்தக்க பகுதியை நன்கொடையாக வழங்குவதற்காக ரத்தன் டாடா எண்டோவ்மென்ட் அறக்கட்டளை, ரத்தன் டாடா எண்டோவ்மென்ட் டிரஸ்ட் ஆகிய இரண்டு நிறுவனங்களை நிறுவினார். டாடா குழுமத்தின் ஹோல்டிங் நிறுவனமான டாடா சன்ஸ் நிறுவனத்தில் அவருக்கு நேரடி 0.83 சதவீத பங்குகள் இருந்தன. அவரது மொத்த சொத்து மதிப்பு சுமார் ரூ.8,000 கோடி.

ரத்தன் டாடாவின் வருமானம் ரூ.8000 கோடியைவிட மிக அதிகமாக இருக்கும் என்று மதிப்பிடப்பட்டுள்ளது. டாடா சன்ஸ் பங்குகளைத் தவிர, ஃபெராரி, மசெராட்டி உள்ளிட்ட ஆடம்பர கார்கள், விலையுயர்ந்த ஓவியங்கள், ஸ்டார்ட்அப்களில் பங்குகள், பிற முதலீடுகளையும் ரத்தன் டாடா வைத்திருந்தார். ரத்தன் டாடாவின் தனிப்பட்ட முதலீடுகளை மேற்பார்வையிடும் ரத்தன் டாடா அசோசியேட்ஸ், நிதியாண்டு 2023க்குள் ரூ.186 கோடியை முதலீடு செய்துள்ளது. ஆனால் இந்த முதலீடுகள் அவற்றின் அசல் கையகப்படுத்தல் செலவில் பட்டியலிடப்பட்டுள்ளன.

நிதியுதவிக்குப் பிறகு இந்தச் சொத்துக்களின் தற்போதைய சந்தை மதிப்பு பல மடங்கு அதிகரிக்கக்கூடும். ரத்தன் டாடாவின் சொத்துக்களை விரைவில் விசாரணைக்காக சமர்ப்பிக்கப்பட்டு உயர் நீதிமன்றத்தால் சான்றளிக்கப்பட்டால் மட்டுமே விநியோகிக்க முடியும். சட்ட வல்லுநர்கள் கூறும் இந்த செயல்முறைக்கு ஆறு மாதங்கள் வரை ஆகலாம்.

இதையும் படிங்க: மசோதாக்களை 3 ஆண்டுகள் நிறுத்தி வைத்தது ஏன்..? தமிழக ஆளுநருக்கு உச்ச நீதிமன்றம் கிடுக்கிப்பிடி.. இன்றும் விசாரணை.!