டெல்லியில் மொத்தம் உள்ள 70 சட்டப்பேரவைத் தொகுதிகளுக்கு நாளை புதன்கிழமை தேர்தல் நடைபெறுகிறது. மேலும், உத்தர பிரதேசத்தில் மில்கிபூர், தமிழகத்தின் ஈரோடு கிழக்கு சட்டப்பேரவைத் தொகுதிகளுக்கு இடைத்தேர்தல் நடைபெறுகிறது.
இந்நிலையில், நாளை காலை 7 மணி முதல் மாலை 6.30 மணி வரையில் தேர்தலுக்குப் பிந்தைய கருத்துக் கணிப்புகளை வெளியிட தடை விதிக்கப்பட்டுள்ளது.
இந்த நேரத்தில் தேர்தல் தொடர்பாக கருத்துக் கணிப்பு நடத்துவது, செய்திகள் வெளியிடுவது, தொலைக்காட்சிகளில் ஒளிபரப்பு செய்வது போன்றவற்றுக்கு தடை விதிக்கப்பட்டுள்ளது.
இதையும் படிங்க: தொட முடியாத உயரத்தில் திமுக..! வெளியானது ஈரோடு கருத்துக்கணிப்பு
இதுகுறித்து தேர்தல் ஆணை யம் வெளியிட்ட உத்தரவில், “மக்கள் பிரதிநிதித்துவ சட்டம் - 1951, பிரிவு 126 (ஏ) 1-ல்வழங்கப்பட்டுள்ள அதிகாரத்தின்படி 5-ம் தேதி புதன்கிழமை காலை 7 மணி முதல் மாலை 6.30 மணி வரை தேர்தலுக்குப் பிந்தைய கருத்துக் கணிப்புகளை வெளியிட தடை விதிக்கப்படுகிறது.
பத்திரிகை, தொலைக்காட்சி என எந்த ஊடகத்திலும் கருத்துக் கணிப்பு வெளியிட கூடாது. டெல்லி மற்றும் இடைத்தேர்தல் நடைபெறும் 2 தொகுதிகளில் பிப்ரவரி 8-ம் தேதி வாக்கு எண்ணிக்கை நடைபெறுகிறது.
இதையும் படிங்க: டெல்லியில் தேர்தல் பிரசாரம் ஓய்ந்தது; மரத்தடியில் மாணவிகளுடன் கலந்துரையாடி வாக்கு சேகரித்த பிரதமர் மோடி