பாலஸ்தீனத்தின் ஹமாஸ் அமைப்பினர் 2023 அக்டோபரில் காசாவை ஒட்டிய இஸ்ரேல் எல்லையில் திடீர் தாக்குதல் நடத்தி 200க்கும் மேற்பட்டோரை பிணை கைதிகளாக கடத்தி சென்றனர். அவர்களை மீட்கவும், தாக்குதலுக்கு பதிலடியாகவும் ஹமாஸ் அமைப்பினர் மீது இஸ்ரேல் வான் வழியாகவும், தரை வழியாகவும் தாக்குதல் நடத்தி வருகிறது. இரு தரப்புக்கும் இடையிலான போர் ஒன்றரை ஆண்டுகளை கடந்து நீடிக்கிறது. டிரம்ப் அதிபரானதும் அமலுக்கு வந்த போர் நிறுத்தம் 2 மாதம் கூட நீடிக்கவில்லை.

ஒரே நேரத்தில் பிணைக்கைதிகளை விடுவிக்க ஹமாஸ் மறுத்ததால், காசாவில் மீண்டும் போரை துவங்கியது இஸ்ரேல். மொத்த காசாவையும் கைப்பற்றும் நோக்கத்துடன் தாக்குதலை இஸ்ரேல் ராணுவம் தீவிரப்படுத்தி இருக்கிறது. இதுவரை காசாவில் பலி எண்ணிக்கை 50 ஆயிரத்தை கடந்து விட்டது. 2023 அக்டோபரில் போர் வெடித்த பிறகு பதவிக்கு வந்த எல்லா ஹமாஸ் தலைவர்களையும் இஸ்ரேல் கொன்று விட்டது.

இதையும் படிங்க: தொடர்ந்து அநியாயம் செய்யும் இஸ்ரேல்.. காசாவில் உணவு வாங்க முண்டியடிக்கும் அவலம்..!

22 ஆண்டுகள் ராணுவ தலைவனாக இருந்த முகமது டெய்ஃபை 2024 ஜூலையில் குண்டு வீசி கொன்றது. அதே மாதம் ஈரான் தலைநகர் டெஹ்ரானில் வைத்து ஹமாசின் அனைத்து வடிவிலான அமைப்புகளுக்கும் தலைவனாக இருந்த இஸ்மாயில் ஹனியேவை  குண்டு வீசி கதை முடித்தது. ஹனியே மரணத்துக்கு பிறகு ஹமாசின் புதிய தலைவனாக யாஹ்யா சின்வார் பதவி ஏற்றான். அவனையும் அடுத்த சில மாதங்களில் இஸ்ரேல் போட்டுத்தள்ளியது.

யாஹ்யா சின்வார் கொலைக்கு பிறகு அவனது சொந்த தம்பியான முகமது சின்வார் ஹமாசை வழிநடத்தும் பொறுப்பை ஏற்றான். சமீபத்தில் அவனையும் கருவறுத்து விட்டதாக இஸ்ரேல் தரப்பில் கூறப்பட்டது.அதாவது, ஏப்ரல் 28ம் தேதி காசா முனையின் கான் யூனுஸ் நகரில் மிகப்பெரிய தாக்குதலை நடத்தியது. அங்கிருந்த மருத்துவமனையை பயங்கரவாதிகள் முகாமாக ஹமாஸ் பயன்படுத்தி வந்ததை அறிந்த இஸ்ரேல் ராணுவம் அந்த மருத்துவமனையை துல்லியமாக குண்டு வீசி தகர்த்தது.

இதில் 28 பேர் கொல்லப்பட்ட நிலையில், முகமது சின்வாரும் அதில் ஒருத்தன் என கணக்கு போட்டது இஸ்ரேல். இருப்பினும் இதுவரை அதை ஹமாஸ் உறுதி செய்யாத நிலையில், இஸ்ரேல் பிரதமர் பெஞ்சமின் நெதன்யாகு தனது தரப்பில் உறுதி செய்துள்ளார். அந்நாட்டு பார்லிமென்ட்டில் பேசிய நெதன்யாகு, இஸ்ரேல் ராணுவ தாக்குதலில் கொல்லப்பட்ட ஹமாஸ் தலைவர்கள் பெயர் வரிசையில் முகமது சின்வார் பெயரையும் அறிவித்து அவனது மரணத்தை உறுதி செய்தார்

இதையும் படிங்க: 4-வது தலைவனும் அவுட்.. ஹமாஸ் புதிய தலைவனை தீர்த்துக்கட்டியது இஸ்ரேல்! நெதன்யாகு வெளியிட்ட அப்டேட்!