ஏப்ரல் 23ஆம் தேதி தமிழக சட்டமன்ற தேர்தல் நடந்து முடிந்தது. முடிவுகள் மே நான்காம் தேதி அறிவிக்கப்பட்டன. 2026 தமிழ்நாடு சட்டமன்றத் தேர்தலில் வில்லிவாக்கம் தொகுதியில் தவெக சார்பில் போட்டியிட்ட ஆதவ் அர்ஜுனா, திமுக வேட்பாளரை விட கணிசமான வாக்கு வித்தியாசத்தில் வெற்றி பெற்றிருந்தார். இந்த வெற்றியை முழுக்க மக்களின் ஆதரவுக்கே சமர்ப்பிப்பதாகவும், “உயிர் உள்ளவரை உங்களுக்கு உழைப்பேன்” என்றும் அவர் முன்பே தெரிவித்திருந்தார்.

பொதுக்கூட்டத்தில் இந்த உணர்வுகள் மேலும் தீவிரமடைந்து, கண்ணீர் மல்கும் நிலையில் அவர் பேசியதாக பல அறிக்கைகள் தெரிவிக்கின்றன. மக்கள் தன்னை குடும்ப உறுப்பினராக அண்ணன், தம்பி, மகன் என ஏற்றுக்கொண்டதற்கு நன்றி தெரிவித்த அவர், அதிகார அழுத்தங்கள், பணப் பிரச்சாரம் உள்ளிட்ட சவால்களை மீறி மக்கள் நேர்மையான மாற்றத்தைத் தேர்ந்தெடுத்ததைப் பாராட்டினார். 

இந்தக் கூட்டம் தவெகவின் வெற்றி மற்றும் அரசு பொறுப்பேற்புக்குப் பிறகு நடைபெற்ற முக்கிய நிகழ்வுகளில் ஒன்று. ஆதவ் அர்ஜுனா தொடர்ந்து தொகுதியில் வளர்ச்சிப் பணிகளை மேற்கொள்ளும் வகையில் அதிகாரிகளுடன் ஆய்வுக் கூட்டங்களையும் நடத்தி வருகிறார். போதைப் பொருள் ஒழிப்பு, பாதுகாப்பு, உள்கட்டமைப்பு மேம்பாடு உள்ளிட்ட பிரச்சினைகளுக்கு உடனடி தீர்வு காண்பதாகவும் அவர் உறுதி அளித்துள்ளார். 

இதையும் படிங்க: அதிகார திமிர்... வாரி கொட்டிய ஊழல் பணம் வீணா போச்சா..? ஆதவ் அர்ஜுனா கருத்து..!!

இந்த நிலையில் தனது செயலில் காட்டுவேன் எனவும் உறுதிப்படக் கூடியுள்ளார். வில்லிவாக்கம் பெருமக்களுக்கு நன்றி தெரிவிக்கும் பொதுக்கூட்டத்தில் பங்கேற்றதாக தெரிவித்தார். எனது நன்றியை வார்த்தைகளில் மட்டுமின்றி, செயலில் காட்டுவேன் என்று அவர்களுக்கு உறுதி அளித்ததாகவும் கூறியுள்ளார். 

இதையும் படிங்க: தமிழ்நாட்டில் மாற்றத்தின் புயல்: பழைய அரசியல் மரபுகள் வீழ்ச்சி! - ஆதவ் அர்ஜுனா..!!