கர்நாடகாவின் பெங்களூருவில் தமிழர்கள் அதிகம் வசிக்கும் ஸ்ரீராமபுரம் சுதந்திரபாலையா 1வது மெயின் ரோட்டில் வசிப்பவர் கோபால், மனைவி வரலட்சுமி. இவர்களின் மகள் யாமினி பிரியா (20), பனசங்கரியில் உள்ள தனியார் கல்லூரியில் B.Pharm 2-ஆம் ஆண்டு படித்து வந்தார். அவரை ஒருதலையாகக் காதலித்த விக்னேஷ் (25), எதிர்வீட்டு இளைஞர், பலமுறை காதல் வெளிப்படுத்தியும் அவர் ஏற்கப்படவில்லை. 

கடந்த ஏப்ரலில் திருவுபதி கோவில் கரக ஊர்வலத்தில் வலுக்கட்டாயமாக மஞ்சள் கயிறு கட்டி, போலீஸ் விசாரணையில் எச்சரிக்கப்பட்டு விடப்பட்டான். மீண்டும் தொடர்ந்து வற்புறுத்திய விக்னேஷ், நேற்று (அக்டோபர் 16) யாமினியை மல்லேஸ்வரம் மெட்ரோ ரயில் நிலையத்திற்கு அருகில் வழிமறித்து, முகத்தில் மிளகாய்ப் பொடி தூவி கழுத்தறுத்து கொன்று தப்பினான். போலீசார் தீவிர தேடல் நடத்துகின்றனர்.

கோபாலின் சொந்த ஊர் வேலூர் மாவட்டம் படவேடு கிராமம். பல ஆண்டுகளாக பெங்களூரில் குடும்பத்துடன் வாழ்ந்து வருகிறார். யாமினியை விக்னேஷ் ஒருதலையாகக் காதலித்து, பலமுறை வெளிப்படுத்தினும் ஏற்கப்படவில்லை. ஏப்ரலில் ஸ்ரீராமபுரம் திருவுபதி கோவில் கரக ஊர்வலத்தில் வலுக்கட்டாயமாக யாமினி கழுத்தில் மஞ்சள் கயிறு கட்டினான். 

இதையும் படிங்க: பஸ்ஸுக்காக காத்திருந்த 16 வயது சிறுமி!! நயவஞ்சமாக பேசி நாசம் செய்த ஆட்டோ டிரைவர்!

அதிர்ச்சி அடைந்த குடும்பத்தினர், போலீசில் புகார் செய்தனர். ஆனால் வழக்கு ஏதுவும் பதிவு செய்ய வேண்டாம் எனவும் கேட்டுக் கொண்டனர். இதனால் "இனி யாமினியைத் தொந்தரவு செய்ய மாட்டேன்" என வாக்குறுதி வாங்கிக் கொண்டு போலீசார் எச்சரித்து விடுவித்தனர்.

ஒரு மாதம் அமைதியாக இருந்த விக்னேஷ் மீண்டும் வற்புறுத்த தொடங்கினான். நேற்று காலை யாமினி கல்லூரிக்கு சென்றுவிட்டு மாலை மெட்ரோ ரயிலில் இறங்கி வீட்டுக்கு நடந்து செல்லும்போது வழிமறித்து தகராறு செய்தான். திடீரென மறைத்து வைத்திருந்த மிளகாய்ப் பொடியை கண்ணில் தூவி, கத்தியால் கழுத்தை அறுத்து தப்பினான். ரத்த வெள்ளத்தில் சம்பவ இடத்திலேயே யாமினி உயிரிழந்தார். தகவல் அறிந்த பெற்றோர் வந்து மகளின் உடலைப் பார்த்து கதறினர்.

இதுகுறித்து ஸ்ரீராமபுரம் போலீஸ் நிலையத்தில் வழக்கு பதிவு செய்யப்பட்டது. CCTV கேமராக்கள், அக்கம்பக்கத்தினரிடம் விசாரணை நடந்தது. விக்னேஷைப் பிடிக்க போலீசார் தீவிரமாகத் தேடுதல் வேட்டை நடத்தி வருகின்றனர். இளைஞர்களின் ஒருதலைக் காதல் கொடூரமாக மாறியது பெற்றோர்களுக்கு அதிர்ச்சியை ஏற்படுத்தி உள்ளது. போலீசார், "தலைமறைவாக உள்ள விக்னேஷ் விரைவில் கைது செய்யப்படுவான்" எனத் தெரிவித்தனர்.

இதையும் படிங்க: நர்ஸ் மனைவிக்கு 45 முறை கத்திக்குத்து! வெளிநாட்டில் இருந்து திரும்பிய கணவன் வெறிச்செயல்!