எம்.எல்.ஏக்கள் பல கோடி ரூபாய் கேட்டு கர்நாடக அரசு மிரட்டுவதாக அதிர்ச்சி தகவல் ஒன்றை துணை முதல்வர் டி.கே சிவகுமார் வெளியிட்டு இருக்கிறார். கர்நாடக சட்டசபை கூட்டத்தில் பேசிய அவர் பெங்களூரு நகரின் திடக்கழிவு மேலாண்மையை ஒரு "பெரிய மாஃபியா" கும்பல் கட்டுப்படுத்துவதாக அவர் குற்றம் சாட்டினார்.
பெங்களூருவின் குப்பை நெருக்கடி தொடர்பாக பல்வேறு அரசியல் கட்சிகளைச் சேர்ந்த நகர சட்டமன்ற உறுப்பினர்கள் அரசாங்கத்தை "பிளாக்மெயில்" செய்வதாகவும் கர்நாடக துணை முதல்வர் டி.கே. சிவகுமார் அப்போது தெரிவித்தார்.
அவர்களை "பிளாக்மெயில் செய்பவர்கள்" என்று குறிப்பிட்ட அவர், இந்த எம்எல்ஏக்கள் வளர்ச்சி நிதியாக ரூ.800 கோடி கோருவதாகக் கூறினார்.
இதையும் படிங்க: ரூபாய் குறியீட்டை மாற்றிய விவகாரம்.. கர்நாடகத்திலிருந்து ஆதரவுக் குரல்.. அடிச்சித் தூக்கும் ஸ்டாலின்.!
"கழிவுகளை அகற்றும் வசதிகள் இல்லாததால், குப்பைகளை ஏற்றிச் செல்லும் பல வாகனங்கள் சாலைகளில் சிக்கித் தவிப்பதாக நாகராஜு எம்.எல்.சி கூட்டத்தில் சுட்டிக்காட்டினார். நகரத்திலிருந்து கழிவுகள் அகற்றப்படாதது குறித்தும் அவர் கவலை தெரிவித்தார்.
அதற்கு பதில் அளித்து சிவகுமார் "குப்பைப் பிரச்சனை குறித்த செய்திகளை ஊடகங்களில் பார்த்தேன். ஒரு பெரிய மாஃபியாவே இருக்கிறது. குப்பை ஒப்பந்ததாரர்கள் ஒரு கூட்டமைப்பை உருவாக்கி, நிலையான விலையை விட 85 சதவீதம் அதிக விலைக்கு விலை நிர்ணயித்துள்ளனர். இப்போது, அவர்கள் நீதிமன்றத்தை அணுகி நாங்கள் நடவடிக்கை எடுப்பதைத் தடுக்கிறார்கள்," என்று பெங்களூரு மேம்பாட்டு அமைச்சரான டி.கே. சிவகுமார் தெரிவித்தார்.
நகரின் குப்பைகளை அகற்றும் பணியை நான்கு தொகுப்புகளாகப் பிரித்து, கழிவுகளை 50 கி.மீ தூரத்திற்கு கொண்டு செல்ல அரசாங்கம் திட்டமிட்டிருந்ததாகவும், ஆனால் அந்த முயற்சி நிறுத்தப்பட்டுள்ளதாகவும் டி.கே. சிவகுமார் தெரிவித்தார்.
"நமது பெங்களூரு எம்.எல்.ஏ.க்கள் எங்களை மிரட்டுகிறார்கள். நான் அவர்களின் பெயர்களை சொல்ல விரும்பவில்லை. நான் உங்களுக்கு உண்மையைச் சொல்கிறேன். அவர்கள் எல்லாக் கட்சிகளையும் சேர்ந்தவர்கள். அவர்கள் வளர்ச்சி நிதியாக ரூ.800 கோடியை விரும்புகிறார்கள். அவர்களின் பெயர்களை இங்கு சொல்ல முடியாது." நகரின் மகாதேவபுராவில் கடந்த மூன்று நாட்களாக வாகனங்கள் தேங்கிக் கிடப்பதாக அவர் கவுன்சிலிடம் தெரிவித்தார்.
நகரத்திலிருந்து குறைந்தது 50 கி.மீ தூரத்திற்கு குப்பைகளை எடுத்துச் செல்ல விரும்புவதாகக் குறிப்பிட்ட துணை முதல்வர், கோலார், நெலமங்கலா, கனகபுரா சாலை அல்லது வனப்பகுதிக்கு அருகில் 100 ஏக்கர் நிலத்தை அடையாளம் காண பிபிஎம்பிக்கு உதவுமாறு எம்எல்ஏக்களிடம் வேண்டுகோள் விடுத்தார்.
"நான் (அரசு) அதை (நிலத்தை) வாங்கி நிரந்தர தீர்வைப் பெறுவேன். நான் தொழில்துறை அமைச்சரிடம் 100 ஏக்கர் நிலத்தைக் கேட்டேன், அதில் தொழிற்சாலைகளுக்குள் குப்பைகளைக் கொட்டலாமா என்று அவர் யோசித்தார்" என்று டி.கே. சிவகுமார் கூறினார்.
திடக்கழிவிலிருந்து மின்சாரம் உற்பத்தி செய்யும் பரிசோதனை தோல்வி அடைந்து விட்டதாகவும் அப்போது அவர் குறிப்பிட்டார்.
"நான் ஹைதராபாத் மற்றும் சென்னைக்குச் சென்றிருந்தேன். அனைத்து மின்சார (யூனிட்கள்) செயலிழந்துவிட்டன. ஒரே வழி எரிவாயு. எரிவாயுவை உற்பத்தி செய்ய வாய்ப்பு உள்ளது. நான் அதை மூன்று முதல் நான்கு இடங்களில் பார்த்திருக்கிறேன்,
கழிவுகளை அகற்றுவதற்காக இரண்டு இடங்கள் அடையாளம் காணப்பட்டுள்ளன - ஒன்று நந்தி உள்கட்டமைப்பு காரிடார் எண்டர்பிரைஸ் (NICE) சாலை அதிகாரிகளிடமும், மற்றொன்று தொட்டபல்லபுராவிலும் உள்ளது.
குப்பைப் பிரச்சினைக்கு மனிதாபிமான தீர்வைக் கண்டுபிடிக்க அனைத்து அரசாங்கங்களும் தவறிவிட்டன" என்று டி.கே. சிவகுமார் சுட்டிக்காட்டினார்.
"கடந்த காலத்தில் செய்யப்பட்டது மனித கண்ணோட்டத்தில் செய்யப்படவில்லை. சித்தராமையாவும் பாஜகவும் கூட வாக்குறுதிகளை அளித்தனர், ஆனால் இறுதியில் நாங்கள் தோல்வியடைந்துவிட்டோம். குப்பைகளை அகற்றுவதற்கு மரியாதைக்குரிய ஏற்பாட்டைச் செய்ய வேண்டும்," என்று அவர் குறிப்பிட்டார்.
இந்த விவகாரம் குறித்து திங்கட்கிழமை விரிவான பதிலை அளிப்பதாக அவர் சபையில் தெரிவித்தார்.
இதையும் படிங்க: தப்பித்தார் எடியூரப்பா.. POCSO வழக்கில் இடைக்கால தடை..!