மதுராந்தகம் தொகுதியில் நடைபெறும் இடைத்தேர்தலை முன்னிட்டு தமிழக முதலமைச்சரும் தமிழக வெற்றிக்கழகத் தலைவருமான விஜய் இன்று மாமண்டூரில் தனது ரோட் ஷோவைத் தொடங்கினார். பிற்பகல் நேரத்தில் தொகுதியின் எல்லைப் பகுதியான மாமண்டூரில் இருந்து பிரச்சாரப் பயணம் துவங்கியது.

வேட்பாளர் மரகதம் குமரவேலுடன் சேர்ந்து பிரச்சார வாகனத்தில் பயணித்த முதலமைச்சர், சாலையின் இரு புறங்களிலும் திரண்ட மக்களை வாழ்த்தி வாக்குகளைக் கோரினார்.ரோட் ஷோ தொடங்கியதும் சாலையின் இரு புறங்களிலும் நின்றுகொண்ட மக்கள் உற்சாகத்துடன் வரவேற்றனர். பூக்கள் தூவி அவரை வரவேற்றனர்.

பலர் கைகளை உயர்த்தி கைகளை அசைத்தனர். சிலர் விசில் ஊதி உற்சாகத்தை வெளிப்படுத்தினர். பெண்கள், இளைஞர்கள், முதியோர் என அனைத்து தரப்பினரும் வழிநெடுகக் குழுமியிருந்தனர். முதலமைச்சர் வாகனத்திலிருந்து அவர்களை நோக்கி கைகளை அசைத்துப் பதிலளித்தார்.

வேட்பாளர் மரகதம் குமரவேலும் மக்களுடன் கைகுலுக்கி வாக்குகளைக் கோரினார்.பிரச்சார வாகனம் மெதுவாக முன்னேறியது. தொகுதியின் பல்வேறு பகுதிகளில் நிறுத்தி மக்களைச் சந்தித்தனர். மாமண்டூரில் தொடங்கி புக்கத்துறை, படாளம், ஜானகிபுரம், மேலவலம்பேட்டை, கருங்குழி உள்ளிட்ட பகுதிகளில் சென்றது. ஒவ்வொரு இடத்திலும் மக்கள் கூட்டம் அலைமோதியது.