திருச்சூர் மாவட்டத்தில் உள்ள கொடுங்கல்லூரில் அதிர்ச்சியூட்டும் சம்பவம் ஒன்று நடந்துள்ளது. அங்குள்ள ஒரு அடுக்குமாடி குடியிருப்பில், வீட்டு பிரிட்ஜுக்குள் 3 மாத வளர்ச்சியுடைய சிசுவின் கரு ஒரு சிறிய பெட்டியில் வைக்கப்பட்டிருந்தது. 

போலீசுக்கு ரகசிய தகவல் கிடைத்ததைத் தொடர்ந்து, திங்கள்கிழமை மாலை போலீசார் அந்த வீட்டில் சோதனை நடத்தினர். அப்போது பிரிட்ஜில் இருந்த பச்சை நிற “AMY” என்று லேபிள் ஒட்டப்பட்ட சிறிய பெட்டியில் சிசுவின் கரு பாதுகாப்பாக வைக்கப்பட்டிருந்தது கண்டுபிடிக்கப்பட்டது.

அந்த வீட்டில் ஒரு வருடமாக வசித்து வரும் இளம் தம்பதியினரிடம் போலீசார் உடனடியாக விசாரணை மேற்கொண்டனர். 23 வயது கணவன் அனப்புழா பகுதியைச் சேர்ந்தவர். 28 வயது மனைவி எர்ணாகுளம் மாவட்டம் கோட்டுவல்லியைச் சேர்ந்தவர். இருவரும் ஒரு இவென்ட் மேனேஜ்மென்ட் நிறுவனத்தில் பணியாற்றி வருகின்றனர். பெண்ணிடம் தனியாக விசாரித்தபோது, அவர் அதிர்ச்சியளிக்கும் வாக்குமூலம் அளித்தார்.

இதையும் படிங்க: என்ன ஆட்டத்துக்கு ரெடியா? 2026-லும் ராயபுரம் தான்...! 7வது முறையாக களமிறங்கும் ஜெயக்குமார்..!!

“மூன்று மாதங்களுக்கு முன்பு நான் கர்ப்பமானேன். மார்ச் 20 அன்று திடீரென வயிற்று வலி ஏற்பட்டது. அதனால் கரு கலைந்து வெளியே வந்துவிட்டது. என்ன செய்வது என்று தெரியாமல், உடனடியாக அப்புறப்படுத்த முடியாததால், அதை ஒரு பெட்டியில் வைத்து பிரிட்ஜில் வைத்தோம்” என்று அவர் போலீசாரிடம் தெரிவித்தார்.

கணவன்-மனைவி இருவரும் இந்த விஷயத்தில் தங்களுக்கு எந்த தவறும் இல்லை என்றும், பயத்தால் இப்படி செய்ததாகவும் கூறியுள்ளனர்.

போலீசார் இந்த சம்பவத்தில் ‘இயற்கைக்கு மாறான மரணம்’ என்ற பிரிவின் கீழ் வழக்கு பதிவு செய்துள்ளனர். சிசுவின் கரு மருத்துவ பரிசோதனைக்கு அனுப்பப்பட்டுள்ளது. முழு உண்மையும் வெளியாகும் வரை விசாரணை தீவிரமாக நடைபெற்று வருகிறது.

இந்த சம்பவம் கொடுங்கல்லூர் பகுதியில் பெரும் பரபரப்பை ஏற்படுத்தியுள்ளது. கர்ப்ப கலைப்பு சம்பந்தமான சட்ட விதிமுறைகள் மற்றும் உடல் பாகங்களை அப்புறப்படுத்தும் விதிமுறைகள் குறித்து பலரும் கேள்வி எழுப்பி வருகின்றனர்.

இந்த வகையான சம்பவங்கள் அரிதாக இருந்தாலும், இளம் தம்பதியினர் எதிர்கொள்ளும் மன அழுத்தம், சமூக அச்சம் ஆகியவை இத்தகைய முடிவுகளுக்கு வழிவகுக்கிறதா என்பது குறித்து சமூக ஆர்வலர்கள் கவலை தெரிவித்துள்ளனர். போலீசார் இன்னும் சில நாட்களில் முழு விவரங்களை வெளியிடுவார்கள் என எதிர்பார்க்கப்படுகிறது. இந்த சம்பவம் கேரளாவில் பெரும் பேசுபொருளாக மாறியுள்ளது.
 

இதையும் படிங்க: ஈரான் போர் எதிரொலி... திருப்பரங்குன்றம் கோயிலில் அதிரடி மாற்றம்... பக்தர்களுக்கு செம்ம ஷாக்...!