நாகர்கோவில் தம்மத்துகோணம் பகுதியில் பிரபல யூடி யூபர் மதுமிதா வீட்டில் கடந்த வியாழக்கிழமை இரவு கொள்ளை யர்கள் வீட்டின் பின்பக்க கதவை உடைத்து 118 சவரன் தங்கம் மற்றும் வைர நகைகளை கொள்ளையடித்து சென்றனர். இது பற்றி எஸ்.பி., உத்தரவின் பேரில் மூன்று தனிப் பட்ட அமைக்கப்பட்டு குற்றவாளிகளைத் தேடி வந்தனர். 
வட்ட முழுவதும் 500 சிசி டிவி கேமராக்கள் ஆய்வு செய்யப்பட்டு கொள்ளையனை போலீசார் தேடி வந்தனர். இந்த நிலையில் கொள்ளை சம்பவத்தில் ஈடுபட்டவர் திருநெல்வேலி பகுதியில் பதுங்கி இருப்பதாக போலீசா ருக்கு கிடைத்த தகவலின் அடிப்படையில் அங்கு விரைந்த தனிப் படை போலீசார் துாத்துக்குடி மாவட்டம் ஸ்ரீவைகுண்டத்தை சேர்ந்த இசக்கி பாண்டியனை நேற்று கைது செய்து தீவிர விசாரணை நடத்தி வருகின்றனர். 

கைது செய்யப்பட்ட இசக்கி பாண்டியனுக்கும் மதுமிதாவிற்கும் தொடர்பு உள்ளனவா என்ற கோணத்தில் விசாரணை நடத்தப்பட்டு வருகிறது மேலும் இந்த கொள்ளை சம்பவத்தில் இசக்கி பாண்டியன் மட்டும் ஈடுபட்டாரா அல்லது வேறு நபர்களுக்கு தொடர்பு உண்டா என்பது குறித்தும் விசாரித்து வருகின்றனர். மேலும் அவரிடம் இருந்து எவ்வளவு நகைகள் பறிமுதல் செய்யப்பட்டது என்ற தகவலை காவல் துறையினர் வெளியிட மறுத்துள்ளனர். கைது செய்யப்பட்ட இசக்கி பாண்டியனை போலீசார் நாகர்கோவிலுக்கு அழைத்து வர உள்ளனர்.

நடந்தது என்ன? 

கன்னியாகுமரி மாவட்டம் நாகர்கோவில் அருகேயுள்ள தம்மத்துகோணம் வி.ஐ.பி கார்டன் பகுதியை சேர்ந்தவர் வினோத் குமார். தொழிலதிபரான இவர் ஏலக்காய் வியாபாரம் உள்ளிட்ட பல தொழில்கள் செய்து வருவதாக கூறப்படுகிறது இவரும் இவரது மனைவி மதுமிதாவும் குழந்தையுடன் கடந்த 24ம் தேதி மாலை ஜவுளிக்கடைக்கு துணி எடுப்பதற்காக சென்று விட்டு இரவு வீடு திரும்பியுள்ளனர்

இதையும் படிங்க: சத்தியபாமாவுக்கு வந்த சத்திய சோதனை... தாராபுரம் இடைத்தேர்தல் பிரசாரத்தில் அதிரடி ட்விஸ்ட்...!

வீடு திரும்பிய தம்பதியர் வீட்டின் படுக்கையறைக்கு சென்ற போது படுக்கையறையில் இருந்த பீரோ உடைக்கப்பட்டு பீரோவில் இருந்த 118 சவரன் தங்க நகைகள் வைர நகைகள் மற்றும் 50.ஆயிரம் ரூபாய் ரொக்க பணமும் மாயமாகியிருந்ததால் அதிர்ச்சியடைந்து ராஜாக்கமங்கலம் போலீஸாருக்கு தகவல் கொடுத்தனர். தகவலறிந்து அங்கு வந்த ராஜாக்கமங்கலம் போலீஸார் விசாரணை நடத்தியதில் வீட்டின் பின்பக்க கதவின் பூட்டை கட்டிங் மெஷினால் அறுத்து அகற்றி வீட்டிற்குள் புகுந்த கொள்ளையன் படுக்கையறைக்குள் புகுந்து பீரோவின் பூட்டை உடைத்து பீரோவில் இருந்த 118 சவரன் தங்க நகை மற்றும் 50 ஆயிரம் ரூபாய் ரொக்க பணத்தையும் கொள்ளையடித்து சென்றது தெரியவந்தது. இதனையடுத்து மூன்று தனிப்படைகள் அமைத்து கொள்ளையனை தேடி ராஜாக்கமங்கலம் போலீஸார் தேடி வந்தது குறிப்பிடத்தக்கது. 
 

இதையும் படிங்க: மேற்கு வங்கத்தில் கிளை அலுவலகம் திறப்பா?... தவெக தலைமை வெளியிட்ட பரபரப்பு விளக்கம்...!