காங்கிரஸ் எம்.பி., சசி தரூரின் சமீபத்திய அறிக்கை போரால் எழுந்துள்ள கொந்தளிப்புக்குக் காரணம் இல்லாமல் இல்லை. தரூர் தனது சமீபத்திய அறிக்கைகள் மூலம் தனது அரசியல் எதிர்காலத்தை கேள்விக்கு உள்ளாக்கின் இருக்கிறார்.

காங்கிரஸ் தலைவர் பதவிக்கான தேர்தலில் போட்டியிட்ட பிறகு, தனது அந்தஸ்து அதிகரிக்கும் என்று தரூர் நம்பினார். ஆனால் நான்காவது முறையாக எம்.பி.யான சசி தரூர், அகில இந்திய தொழில்முறை காங்கிரஸின் தலைவர் பதவியில் இருந்து நீக்கப்பட்டார். இருந்தும், அவரை காங்கிரஸ் காரியக் கமிட்டியில் உறுப்பினராக்குவதன் மூலம் அவரைத் திருப்திப்படுத்த முயற்சி மேற்கொள்ளப்பட்டது.

சர்வதேச ராஜதந்திரி, எழுத்தாளர், பேச்சாளர் என உயர் பதவிகளை வகித்த சசி தரூர், இப்போது கேரள மாநில அரசியலில் ஒரு வாய்ப்பைப் பார்க்கிறார். மாநிலக் கட்சிகள் அரசியல் ஆதிக்கம் செலுத்தும் கேரளாவில் முதல் முறையாக, இடதுசாரிகள் தொடர்ச்சியாக இரண்டு முறை அரசை அமைப்பதில் வெற்றி பெற்றுள்ளதாக சசி தரூருக்கு நெருக்கமான வட்டாரங்கள் நம்புகின்றன. இந்த நிலையில், மாநிலத் தலைவர்களின் அடிப்படையிலான முகங்களுக்குப் பதிலாக, அவர் முகமாக மாற்றப்பட வேண்டும்.

இதையும் படிங்க: உதாசீனப்படுத்திய ராகுல் காந்தி.. காங்கிரஸுக்கு அதிர்ச்சி கொடுக்கப்போகும் சசிதரூர்..!

ஏனெனில் அவரது செல்வாக்கிலன் அடிப்படையில் அவர் காங்கிரஸ் எதிர்ப்பு வாக்குகளையும் ஈர்க்க முடியும் என நம்புகிறார். இந்நிலையில், நான்கு முறை எம்.பி.யாக இருந்த அவர் இப்போது தனியாக களத்தில் இறங்கி ஆழம்பார்க்க முடிவெடுத்துள்ளதாக கூறப்படுகிறது.

இதனை மனதில் வைத்தே, சசி தரூர் தொடர்ந்து அரசியல் பரபரப்பை ஏற்படுத்தி வருகிறார். அதே நேரத்தில் கே.சி.வேணுகோபால், ரமேஷ் சென்னிதலா, கே.சுதாகரன் போன்ற மாநிலத்தின் சக்திவாய்ந்த தலைவர்கள்  அவரை குறி வைத்து வருகின்றனர். ''கட்சிக்குள் கோஷ்டிகள் இருக்கும் ஒரு மாநிலத்தில், தாராளமயக் கொள்கையைப் பின்பற்றி, கட்சியை விடப் பெரிய பிம்பத்தை வளர்த்துக் கொள்ளும் தலைவர்கள் மக்களவைத் தொகுதியில் வெற்றி பெறலாம். ஆனால் முழு மாநிலத்தின் கட்சியினரையும் ஊக்குவிக்க முடியாது'' என்று இந்தத் தலைவர்கள் நம்புகிறார்கள்.

இருப்பினும், தரூர் தனது நோக்கங்களை தெரிவித்துவிட்டதாக அவருக்கு நெருக்கமான வட்டாரங்கள் கூறுகின்றனர். இப்போது காங்கிரஸ் தலைமை ஒரு முடிவை எடுக்க வேண்டும். இல்லையெனில் அவர் கட்சியை விட்டு வெளியேறி எங்கும் செல்லப் போவதில்லை. ஆனால் எழுத்து, சொற்பொழிவுகள் போன்ற தனது பொழுதுபோக்குகளில் கவனம் செலுத்துவார். பிப்ரவரி 26 அன்று ஒளிபரப்பாகும் மலையாள பாட்காஸ்டில் தரூர் தனது முழு விருப்பத்தையும் தெரிப்பார் என்றும், அதன் பிறகு அடுத்த திட்டம் அனைவருக்கும் தெரிய வரும். அதுவரை நாம் காத்திருக்க வேண்டும் என்றும் வட்டாரங்கள் தெரிவிக்கின்றன.

நாளை பாட்காஸ்ட் வெளியீட்டிற்கு முன்னதாக, மத்திய அமைச்சர் பியூஷ் கோயலுடன் ஒரு செல்ஃபியைப் பகிர்ந்து கொண்டு சசி தரூர் மற்றொரு அரசியல் பரபரப்பை ஏற்படுத்தியுள்ளார். சசி தரூர் பகிர்ந்து கொண்ட செல்ஃபியில் பிரிட்டிஷ் வர்த்தக அமைச்சர் ஜோனாதன் ரெனால்ட்ஸும் இடம்பெற்றுள்ளார். இந்த புகைப்படத்தைப் பகிர்ந்து கொண்ட காங்கிரஸ் தலைவர் சசிதரூர், ''நீண்டகாலமாக முடங்கிக் கிடந்த இந்தியா-இங்கிலாந்து சுதந்திர வர்த்தக ஒப்பந்தம் பேச்சுவார்த்தைகள் மீண்டும் தொடங்கப்படுவது வரவேற்புக்குரியது'' என தெரிவித்துள்ளார்.

அவர் தனது ஒரு கட்டுரையில், கேரள காங்கிரசின் சில தலைவர்களையும் கேலி செய்திருந்தார். அதே நேரத்தில், அவர் மாநிலத்தின் பினராயி விஜயன் அரசை பாராட்டினார். கேரளாவின் வளர்ச்சிப் பணிகளை ஆதரிப்பதில் மத்திய அரசின் பங்களிப்பும் பாராட்டப்பட்டது எனத் தெரிவித்தார்.

கேரள பாஜக தலைவர் டாம் வடக்கனும், காங்கிரஸின் சமீபத்திய அறிக்கைகள் மற்றும் கட்டுரைகளுக்கு எதிர்வினையாற்றினார். ''தாமதமாக இருந்தாலும், காங்கிரசின் நிலை என்ன என்பதை சசி தரூர் புரிந்துகொண்டார். காங்கிரஸ் கட்சி ஒரு தனியார் வரையறுக்கப்பட்ட நிறுவனம். அதன் தலைமை நிர்வாக அதிகாரி தாயார்.மகன் கட்சியை நடத்துகிறார். வரும் நாட்களில் பலர் காங்கிரஸ் கட்சியை விட்டு வெளியேறப் போகிறார்கள் என்பதையும் தரூர் இப்போது புரிந்து கொண்டுள்ளார்'' என டாம் வடக்கன் எரிகிற நெய்யில் எண்ணெய் ஊற்றி இருக்கிறார்.

இதையும் படிங்க: அமித் ஷா முன்பு அசிங்கப்பட்ட செல்வப்பெருந்தகை... கதறவிட்ட காங்கிரஸ் கதர் சட்டைகள்...!