தலைநகரில் உள்ள பாதுகாப்பு அமைப்புகள் உயர் எச்சரிக்கை நிலைக்கு கொண்டு வரப்பட்டுள்ளன. இதற்கு காரணம், பாகிஸ்தான் சார்ந்த தீவிரவாத அமைப்பு ஒன்று பெரிய தாக்குதலை திட்டமிட்டிருப்பதாக உளவுத்துறை தகவல்கள் கிடைத்திருப்பதாகும்.இந்த எச்சரிக்கையின் மையமாக இருப்பது பழைய டெல்லி பகுதியான செங்கோட்டை மற்றும் அதைச் சுற்றியுள்ள சாந்தினி சௌக்.

குறிப்பாக, சாந்தினி சௌக் பகுதியில் உள்ள ஒரு பிரபலமான கோயிலை இலக்காகக் கொண்டு வெடிகுண்டு தாக்குதல் நடத்த திட்டமிடப்பட்டிருப்பதாக உளவு அறிக்கைகள் கூறுகின்றன. இது மட்டுமின்றி, நாடு முழுவதும் உள்ள முக்கிய கோயில்கள் மற்றும் அதிக மக்கள் கூடும் இடங்களையும் இலக்காகக் கொண்டிருக்கலாம் என்ற அச்சம் எழுந்துள்ளது. இந்த திட்டத்திற்கு பின்னணியாக கூறப்படுவது, பாகிஸ்தானின் இஸ்லாமாபாத்தில் பிப்ரவரி 6 அன்று ஒரு மசூதியில் நடந்த வெடிப்பு சம்பவம்தான்.

அந்த வெடிப்புக்கு பழிவாங்கும் வகையில் இந்தியாவில் பெரிய அளவிலான தாக்குதலை நடத்த லஷ்கர் திட்டமிட்டிருப்பதாக உளவுத்துறை வட்டாரங்கள் தெரிவிக்கின்றன. இதனால், வரும் நாட்கள் மற்றும் வாரங்களில் அச்சுறுத்தல் மிக அதிகமாக இருக்கும் என்று எச்சரிக்கை விடுக்கப்பட்டுள்ளது. இதையடுத்து, டெல்லி போலீஸ், மத்திய பாதுகாப்பு படைகள், உளவுத்துறை அமைப்புகள் ஆகியவை ஒருங்கிணைந்து பாதுகாப்பை பலப்படுத்தியுள்ளன.

இதையும் படிங்க: டெல்லி ஏ.ஐ. உச்சி மாநாடு 2026... பாரத் மண்டபத்தில் பிரதமர் மோடி தொடங்கி வைத்தார்!

செங்கோட்டை, சந்திரா சௌக் உள்ளிட்ட பகுதிகளில் போலீஸ் காவல் அதிகரிக்கப்பட்டுள்ளது. மத தலங்கள், வரலாற்று சின்னங்கள், சுற்றுலா தலங்கள், அதிக மக்கள் கூடும் இடங்கள் என அனைத்திலும் கண்காணிப்பு தீவிரப்படுத்தப்பட்டுள்ளது. மக்களின் போக்குவரத்து, கூட்டம் ஆகியவற்றை கண்காணிக்கும் வகையில் கூடுதல் போலீஸ் படையினர் மற்றும் தொழில்நுட்ப உதவிகள் பயன்படுத்தப்படுகின்றன.

இதையும் படிங்க: அடேங்கப்பா..!! ரூ.30 கோடியில் பரிசா..!! "பொட்டு வைத்த பொம்மை" ஜாக்குலினுக்கு சர்ப்ரைஸ் கொடுத்த சுகேஷ்..!!