பாட்டாளி மக்கள் கட்சி (பா.ம.க.) நிறுவனர் டாக்டர் ராமதாஸுக்கும், அவரது மகனும் கட்சியின் தலைவருமான அன்புமணி ராமதாஸுக்கும் இடையே கடந்த சில மாதங்களாக நடந்து வந்த மோதல் இப்போது சமாதானத்தை நோக்கி நகர்ந்திருக்கு. இவர்கள் ரெண்டு பேருக்கும் இடையே தலைமைப் பதவி, அதிகாரப் பகிர்வு, நிர்வாகிகள் நியமனம், நீக்கம் ஆகியவை தொடர்பாக பிரச்சனை இருந்தது. 

இதில், முகுந்தனின் நியமனத்துக்கு அன்புமணி எதிர்ப்பு தெரிவிச்சது, பிறகு முகுந்தன் ராஜினாமா செய்தது ஆகியவையும் முக்கியமான திருப்பங்களா இருந்தது. ஆனாலும், ஆடிட்டர் குருமூர்த்தி, சைதை துரைசாமி, பாஜக, அதிமுக தலைவர்கள் மத்தியஸ்தத்துல இவர்கள் ரெண்டு பேரும் பேச்சு வார்த்தை நடத்தி, ஆகஸ்ட் 10, 2025-ல் பூம்புகாரில் நடக்கப் போற வன்னியர் சங்க மகளிர் மாநாட்டில் ஒண்ணா பங்கேற்க முடிவு பண்ணியிருக்காங்கன்னு தகவல் வந்திருக்கு. இது கட்சி தொண்டர்களுக்கு பெரிய நம்பிக்கையை கொடுத்திருக்கு.

முன்னாடி, பா.ம.க. சிறப்பு பொதுக்குழு கூட்டத்தில் இவங்க ரெண்டு பேரும் மேடையில் மோதிக்கிட்டாங்க, ஒருத்தர் முகத்தை ஒருத்தர் பார்க்காம இருந்தாங்க. அதுக்கு அப்புறம் தான், ஆடிட்டர் குருமூர்த்தி, சைதை துரைசாமி ஆகியோர் ராமதாஸை சந்திச்சு பேசினாங்க. இவங்க பாஜக, அதிமுக சார்பா சமாதானத்துக்கு முயற்சி செய்தாங்கன்னு அரசியல் விமர்சகர் ரவீந்திரன் துரைசாமி சொல்லியிருக்கார். இந்த மத்தியஸ்தம், இவர்களை ஒருத்தருக்கு ஒருத்தர் ஆதரவா இருக்க வைச்சிருக்கு.

இதையும் படிங்க: காங்கிரசை விட கூடுதலை தொகுதி வேணும்..! திமுகவிடம் அடம்பிடிக்கும் விசிக! தலைவலியில் ஸ்டாலின்!

பிரச்சனையின் பின்னணி 2022-ல் அன்புமணி தலைவரா தேர்ந்தெடுக்கப்பட்டதுல இருந்து தொடங்கிச்சு. ஆனா, ஏப்ரல் 10, 2025-ல் ராமதாஸ், அன்புமணியை தலைவர் பதவியில் இருந்து நீக்கி, செயல் தலைவரா அறிவிச்சார். இதோடு, ராமதாஸ், முகுந்தனை முக்கிய பொறுப்புக்கு நியமிச்சார், ஆனா அன்புமணி இதுக்கு கடுமையா எதிர்ப்பு தெரிவிச்சார். இந்த மோதல் காரணமா முகுந்தன் பிறகு ராஜினாமா செய்தார், இது கட்சிக்குள்ள பெரிய சலசலப்பை உண்டாக்குச்சு. 

இதுக்கு பினனாடி, இவங்க ரெண்டு பேரும் தனித்தனியா நிர்வாகிகளை நீக்கி, புது நியமனங்கள் பண்ணி, தனி கூட்டங்கள் நடத்தி கட்சியை பிரிச்சாங்க. மாமல்லபுரம் இளைஞர் மாநாட்டில் ராமதாஸ், “நான்தான் தலைவர், பதவியை விடமாட்டேன்”னு சொன்னது சர்ச்சையை கிளப்பியது. அன்புமணியும், “தேர்தல் ஆணையம் என்னை தலைவரா அங்கீகரிச்சிருக்கு”னு பதிலடி கொடுத்தார்.

இந்த மோதல் காரணமா, கட்சியின் சட்டமன்ற உறுப்பினர்கள் ரெண்டு கோஷ்டியா பிரிஞ்சாங்க. ஜி.கே.மணி, அருள் ரெண்டு பேரும் ராமதாஸ் பக்கமும், சிவகுமார், வெங்கடேஸ்வரன், சதாசிவம் அன்புமணி பக்கமும் நின்னாங்க. இது கட்சியின் மாம்பழ சின்னத்தையே இழக்க வைக்கும்னு எச்சரிக்கை வந்தது. ஆனா, ஜூன் 5-ல் 45 நிமிஷ பேச்சு வார்த்தை, மே 21-ல் ராமதாஸ், “அன்புமணியோட மனக்கசப்பு இல்ல”னு சொன்னது, ஜி.கே.மணி, “இவர்கள் சமாதானமாகிடுவாங்க”னு குறிப்பிட்டது ஆகியவை சமாதானத்துக்கு வழி வகுத்தது.

பூம்புகார் மகளிர் மாநாடு, தமிழ்நாடு, புதுச்சேரி, கேரளா, கர்நாடகாவில் இருந்து லட்சக்கணக்கான பெண்கள் கலந்துக்கப் போற பிரம்மாண்ட நிகழ்வு. ராமதாஸ் இதை தலைமையேற்கப் போறார், அன்புமணிக்கும் அழைப்பு விடுக்கப்பட்டிருக்கு. இவர்கள் ஒண்ணா மேடையில் நின்னா, 2026 சட்டமன்ற தேர்தலுக்கு முன்னாடி கட்சியின் ஒற்றுமையையும் வலிமையையும் காட்ட முடியும். 

இந்த மாநாடு, வன்னியர் சமூகத்தின் ஆதரவை திரட்டவும், கூட்டணி பேச்சு வார்த்தைகளில் வலுவான நிலையை பிடிக்கவும் உதவும். ஆனா, முழு ஒற்றுமைக்கு இன்னும் சில பிரச்சனைகள் தீர்க்கப்பட வேண்டியிருக்கு. தொண்டர்கள் இவர்கள் ஒண்ணு சேர்ந்து, பா.ம.க-வை ஆளும் கட்சியா மாற்றணும்னு ஆவலோட இருக்காங்க.

இதையும் படிங்க: ஒட்டு கேட்டது யாரு? தெரிஞ்சதும் இருக்கு கச்சேரி! ராமதாஸ் Vs அன்பமணி.. அதிகரிக்கும் மோதல்!!