அமெரிக்க அதிபர் டொனால்ட் ட்ரம்ப், உக்ரைன்-ரஷ்யா போரை முடிவுக்கு கொண்டு வர 50 நாள் கெடு விதிச்சிருக்காரு. இல்லேன்னா, ரஷ்யாவோட வர்த்தகம் பண்ணுற நாடுகளுக்கு 100% சுங்க வரியும், கடுமையான பொருளாதார தடைகளும் விதிக்கப்படும்னு மிரட்டியிருக்கார். 

இதுக்கு பதிலளிச்சு, ரஷ்ய அதிபர் மாளிகையோட செய்தித் தொடர்பாளர் டிமிட்ரி பெஸ்கோவ், “நாங்க உக்ரைனோட போர் நிறுத்த பேச்சுவார்த்தைக்கு தயாரா இருக்கோம், ஆனா எங்களோட லட்சியங்களை அடையறது தான் முக்கியம்”னு தெளிவா சொல்லியிருக்கார். இந்த பதில், ரஷ்யாவோட உறுதியான நிலைப்பாட்டையும், பேச்சுவார்த்தைக்கு திறந்த மனசோட இருக்கற மாதிரி ஒரு இமேஜையும் காட்டுது.

பெஸ்கோவோட இந்த கருத்து, ரஷ்யாவோட நீண்டகால கோரிக்கைகளை மறுபடியும் முன்னிலைப்படுத்துது. முதல் கோரிக்கை—உக்ரைன் எந்தக் காரணத்தைக் கொண்டும் நேட்டோ கூட்டணியில் சேரக்கூடாது. அடுத்து, 2022-ல ரஷ்யா ஆக்கிரமிச்ச டொனெட்ஸ்க், லுஹான்ஸ்க், ஜபோரிஜியா, கெர்சான் ஆகிய நாலு பகுதிகளை உக்ரைனும், மேற்கத்திய நாடுகளும் ரஷ்யாவோட பகுதியா ஏத்துக்கணும். இதோட, உக்ரைனோட ராணுவத்துக்கு கடுமையான கட்டுப்பாடுகள் விதிக்கணும்னு ரஷ்யா வற்புறுத்துது. 

இதையும் படிங்க: எத்தனை தடை போட்டாலும் அசர மாட்டோம்! வார்னிங் கொடுத்த ட்ரம்புக்கு புதின் தரப்பு தரமான பதிலடி!!

இந்த “லட்சியங்கள்” இல்லாம பேச்சுவார்த்தை நடத்தறதுக்கு ரஷ்யா தயாரா இல்லைனு பெஸ்கோவ் மறைமுகமா சொல்லியிருக்கார்.ட்ரம்போட 50 நாள் கெடு, ஒரு பக்கம் ரஷ்யாவை அழுத்தம் போடற முயற்சியா இருக்கு. ஆனா, பெஸ்கோவோட பதில பார்க்கும்போது, ரஷ்யா இந்த மிரட்டல்களுக்கு அஞ்சற மாதிரி தெரியல.

“பேச்சுவார்த்தைக்கு தயார்னு” சொல்றது, உலக அரங்குல ரஷ்யா ஒரு பொறுப்பான நாடு மாதிரி காட்டிக்கறதுக்கு ஒரு டிப்லோமேட்டிக் மூவ். ஆனா, “லட்சியங்கள் முக்கியம்”னு சொல்றத மூலமா, “எங்களோட கோரிக்கைகளை ஏத்துக்கலைனா, பேச்சுவார்த்தை வெறும் நேர விரயம்தான்”னு புதின் அரசு தெளிவு படுத்தியிருக்கு.

இந்த சமயத்துல, ரஷ்யா தன்னோட ராணுவ நடவடிக்கைகளை குறைக்கற அறிகுறியே காட்டல. கடந்த வாரம் மட்டும், உக்ரைன் நகரங்களை குறிவெச்சு 57 ட்ரோன்கள், மிஸைல்கள் மூலமா தாக்குதல்கள் நடத்தியிருக்கு. இது, பேச்சுவார்த்தைக்கு தயார்னு சொன்னாலும், ரஷ்யா தன்னோட பலத்தை காட்ட விரும்பறதை உணர்த்துது.

முன்னாடி, 2022-ல இஸ்தான்புல் பேச்சுவார்த்தைகள்ல ரஷ்யா இதே மாதிரி “பேசலாம்”னு சொல்லி, பின்னாடி உக்ரைனை இழுத்தடிச்சு, திடீர்னு பின்வாங்கிய வரலாறு இருக்கு. இப்பவும் அதே ட்ரிக்கை ஆடுமோனு உக்ரைன் பக்கம் கவலை இருக்கு.

உக்ரைன் அதிபர் ஜெலென்ஸ்கி, ட்ரம்போட இந்த முயற்சியை வரவேற்கற மாதிரி பேசினாலும், “புதினோட ஒப்பந்தங்களை நம்ப முடியாது”னு கவனமா இருக்கார். பெஸ்கோவோட இந்த பதில், உக்ரைன்-ரஷ்யா மோதலுக்கு எளிதா தீர்வு கிடைக்காதுனு காட்டுது. ட்ரம்போட 50 நாள் கெடு, ஒரு பெரிய ஜியோ-பொலிடிக்கல் சவாலா மாறி, உலக பொருளாதாரத்தையும், அரசியல் நிலைமைகளையும் பாதிக்கலாம். 

இதையும் படிங்க: ரஷ்யாவை சமாளிக்க இவர்தான் வேணும்! உக்ரைன் அரசில் மிகப்பெரிய மாற்றம்! ஜெலன்ஸ்கி திட்டவட்டம்..!