திரைப்பட உலகின் பிரபல இயக்குனர், மக்கள் இயக்குனர் என அழைக்கப்பட்டவர் வி.சேகர் (வயது 72). இவர் கடந்த வாரம் திடீர் உடல் நலக்குறைவால் பிரச்சனையில் ஆளாகியபின், போரூர் ராமச்சந்திரா மருத்துவமனையில் அனுமதிக்கப்பட்டார். ஆனால், மருத்துவர்களின் அனைத்து முயற்சிகளும் வெற்றியடையாமல், நேற்று மாலை அவர் உயிரிழந்தார்.

இந்த துயரமான செய்தி தமிழ்நாடு திரைப்படத் துறையையும், ரசிகர்கள் மற்றும் பொதுமக்களையும் அதிர்ச்சி அடையச் செய்துள்ளது. வி.சேகர் தமிழ் திரையுலகில் 40 ஆண்டுகளுக்கும் மேலாக தன்னம்பிக்கை, உறுதி, பொறுப்புணர்ச்சி மற்றும் அன்புடன் திரைப்படத் துறையில் பணியாற்றியவர். குடும்பங்கள் கொண்டாடும் வகையில் ஜனரஞ்சகமான திரைப்படங்களை இயக்குவதில் சிறப்பாக இருந்த இவர், தனது படங்களின் மூலம் சமூகத்தில் நல்லச்செயல்களைப் பெரிதும் ஊக்குவித்தார். தமிழ் சமூகத்தின் மேல் அவரது அன்பும் பொறுப்பும் குறிப்பிடத்தக்கது.

மறைந்த இயக்குனர் வி. சேகருக்கு நாம் தமிழர் கட்சியின் தலைமை ஒருங்கிணைப்பாளர் சீமான் புகழ் வணக்கம் செலுத்தி உள்ளார். தமிழ்த்திரையுலகின் மூத்த திரைக்கலைஞரும், முன்னணி இயக்குநரும், தமிழ் மீதும், தமிழர் நலன் மீதும் பெரும்பற்று கொண்ட தமிழ்த்தேசியவாதியுமான வி.சேகர் மறைவெய்திய செய்தியறிந்து பெரும் அதிர்ச்சியும், ஆழ்ந்த மனத்துயரும் அடைந்ததாக கூறினார்.

இதையும் படிங்க: துவண்டு போன ஒப்பந்த தொழிலாளர்கள்… செவி சாய்க்காத துயரம்… சீமான் காட்டம்…!

அவரை இழந்து வாடும் அவரது குடும்பத்தினருக்கும், உறவுகளுக்கும், தமிழ்த்திரையுலகினருக்கும், இனமானத் தமிழர்களுக்கும் எனது ஆறுதலைத் தெரிவித்து, துயரத்தில் பங்கெடுக்கிறேன் என்றும் உறவுகளின் மதிப்பைப் பேசும் குடும்பத் திரைப்படங்களை இயக்கி, எளிய மக்கள் மனங்கவர்ந்த ஐயா வி.சேகர் அவர்கள் கலையுலகோடு தன்னை சுருக்கிக் கொள்ளாது, தமிழ், தமிழர் எனும் களங்களில் தீவிரமாகச் செயலாற்றியவர் என்றும் புகழாரம் சூட்டினார்.

இதையும் படிங்க: நியாயமான கோரிக்கை தான்..! ஆசிரியர்கள் போராட்டத்திற்கு குரல் கொடுத்த சீமான்...!