மயிலாப்பூர் கபாலீஸ்வரர் கோவில், தமிழ்நாட்டின் இந்து சமய அறநிலையத் துறையின் கட்டுப்பாட்டில் உள்ள ஒரு முக்கியமான கோவிலாகும். இந்தக் கோவில், பக்தர்களிடமிருந்து கிடைக்கும் நன்கொடைகள், காணிக்கைகள் மற்றும் பிற வருவாய் மூலங்களால் கணிசமான நிதியைப் பெறுகிறது. இந்த நிதி, கோவிலின் பராமரிப்பு, திருவிழாக்கள், மற்றும் பிற மதச்சார்பு நடவடிக்கைகளுக்கு முதன்மையாகப் பயன்படுத்தப்பட வேண்டும் என்று பக்தர்கள் மற்றும் பாரம்பரியவாதிகள் வலியுறுத்துகின்றனர்.

ஆனால், தமிழ்நாடு அரசு, இந்து சமய அறநிலையத் துறையின் கீழ் வரும் கோவில்களின் நிதியை, கல்வி, சமூக நலத்திட்டங்கள் மற்றும் பிற அரசு நடவடிக்கைகளுக்கு மாற்றுவது குறித்து அவ்வப்போது முடிவுகள் எடுத்து வந்தது. இதற்கு எதிராக, மயிலாப்பூர் கபாலீஸ்வரர் கோவிலின் நிதியை கல்வி நோக்கங்களுக்காகப் பயன்படுத்துவது தொடர்பாக உச்ச நீதிமன்றத்தில் ஒரு வழக்கு தொடரப்பட்டது. 

கோவில் நிதியை மதச்சார்பற்ற நோக்கங்களுக்கு மாற்றுவது, இந்திய அரசியலமைப்பின் பிரிவு 25 மற்றும் 26-ஐ மீறுவதாக மனுதாரர்கள் வாதிட்டனர். இந்த பிரிவுகள், மதச் சுதந்திரத்தையும், மத நிறுவனங்களை நிர்வகிக்கும் உரிமையையும் உறுதி செய்கின்றன. கோவில் நிதியை மற்ற நோக்கங்களுக்கு மாற்றுவது, பக்தர்களின் மத நம்பிக்கைகளை மீறுவதாகவும், கோவில்களின் பாரம்பரிய முக்கியத்துவத்தை பாதிக்கும் என்றும் மனுதாரர்கள் கூறினர்.

இதையும் படிங்க: 2 தலைமை நீதிபதிகளுக்கு உச்சநீதிமன்ற நீதிபதி பதவி! கொலிஜியம் பரிந்துரை...

தமிழ்நாடு அரசு, இந்து சமய அறநிலையத் துறையின் கீழ் உள்ள கோவில்களின் நிதியை, சமூக நலத்திற்காகப் பயன்படுத்துவது, சட்டப்படி அனுமதிக்கப்பட்டவை என்று பதிலளித்தது. அரசு, கோவில் நிதியைப் பயன்படுத்தி பள்ளிகள், கல்லூரிகள், மற்றும் பிற கல்வி நிறுவனங்களை நடத்துவதன் மூலம், சமூகத்தில் பின்தங்கிய மக்களுக்கு கல்வி வாய்ப்புகளை வழங்குவதாக வாதிட்டது. 

கோவில் நிதியை கல்வி பயன்பாட்டுக்கு பயன்படுத்துவதில் என்ன தவறு என்று அப்போது நீதிமன்றம் கேள்வி எழுப்பியது. கோவில் நதியை கல்விக்கு பயன்படுத்துவதில் தவறில்லை எனக் கூறி தமிழக அரசு கைதிராக தொடரப்பட்ட வழக்கை உச்சநீதிமன்றம் தள்ளுபடி செய்து உத்தரவிட்டது. 

இதையும் படிங்க: #BREAKING: பொது இடங்களில் கொடிக்கம்பங்களை அகற்றும் உத்தரவுக்கு இடைக்கால தடை.. சுப்ரீம் கோர்ட் அதிரடி..!