சீனாவில் டாய்லெட் பேப்பரின் பயன்பாடு உலகின் மிகப் பழமையான வரலாறுகளில் ஒன்றாகக் கருதப்படுகிறது. கி.பி. ஆறாம் நூற்றாண்டில், தாங் வம்ச காலத்தில், காகிதம் தனிப்பட்ட சுகாதாரத்திற்காகப் பயன்படுத்தப்பட்டதற்கான ஆதாரங்கள் உள்ளன. 14-ஆம் நூற்றாண்டில் யுவான் வம்சத்தின் ஆட்சியில், அரச குடும்பங்கள் மற்றும் உயர்குடியினர் மென்மையான காகிதங்களை சுகாதாரப் பயன்பாட்டிற்காகப் பயன்படுத்தினர். 

சீனாவில் டாய்லெட் பேப்பரின் தேவை பொருளாதார வளர்ச்சியுடன் இணைந்து வளர்ந்தது. 21-ஆம் நூற்றாண்டில், சீனா உலகின் மிகப்பெரிய டாய்லெட் பேப்பர் உற்பத்தியாளர்களில் ஒரு நாடாக உருவெடுத்தது. உள்நாட்டு நிறுவனங்கள் மட்டுமல்லாமல், பன்னாட்டு நிறுவனங்களும் சீனாவில் தங்கள் உற்பத்தி ஆலைகளை நிறுவின. இது வேலைவாய்ப்பு மற்றும் பொருளாதார வளர்ச்சிக்கு பங்களித்தது.தொழில்நுட்ப முன்னேற்றங்கள் டாய்லெட் பேப்பரின் தரத்தை மேம்படுத்தியது.

மறுசுழற்சி செய்யப்பட்ட காகிதத்திலிருந்து தயாரிக்கப்பட்ட பேப்பர் முதல், சுற்றுச்சூழலுக்கு உகந்த, மென்மையான, மற்றும் வாசனை திரவியங்கள் சேர்க்கப்பட்ட பேப்பர்கள் வரை, பலவகையான தயாரிப்புகள் சந்தையில் கிடைக்கின்றன. மேலும், மின்னணு வர்த்தகத்தின் வளர்ச்சியால், டாய்லெட் பேப்பர் ஆன்லைன் மூலமாகவும் எளிதாக வாங்கப்படுகிறது, இது நுகர்வோர் பழக்கங்களில் பெரிய மாற்றத்தை ஏற்படுத்தியுள்ளது.

இதையும் படிங்க: இப்படி கதறவுட்டியே பங்கு... பாகிஸ்தானை கழட்டி விட்ட சீனா... மொத்த ஆட்டத்திற்கும் முற்றுப்புள்ளி வைத்த மோடி...!

சமீபத்திய ஆண்டுகளில், சீனாவில் டாய்லெட் பேப்பர் தொடர்பான சில சுவாரஸ்யமான நிகழ்வுகள் கவனத்தை ஈர்த்துள்ளன. உதாரணமாக, 2017-ல், பெய்ஜிங்கில் உள்ள பொது கழிவறைகளில் டாய்லெட் பேப்பர் திருட்டு அதிகரித்ததால், முக அடையாள அங்கீகார தொழில்நுட்பம் பயன்படுத்தப்பட்டது. இந்த அமைப்பு, ஒரு நபர் ஒரு குறிப்பிட்ட அளவு பேப்பரை மட்டுமே பெற முடியும் என்பதை உறுதி செய்தது. இது தொழில்நுட்பத்தின் நவீன பயன்பாட்டையும், சமூக நடத்தைகளை ஒழுங்குபடுத்துவதற்கு அரசாங்கத்தின் முயற்சிகளையும் காட்டுகிறது.

இதனிடையே, சீனாவின் ஒரு பகுதியில் உள்ள பொதுக்கழிவறையில், Tissue Vending Machine-ல் காண்பிக்கப்படும் QR Code-ஐ ஸ்கேன் செய்து அதில் வரும் விளம்பரத்தை பார்த்தால் மட்டுமே Tissue Paper பெறும் விதமான நடைமுறை உள்ளதால் மக்கள் அதிர்ச்சி அடைந்தனர்.

விளம்பரம் பார்த்து அல்லது ரூ.6 செலுத்தி Tissue Paper-ஐ பெறும் கட்டாயம் உள்ள நிலையில், அவசர கதியில் வருவோருக்கு இது மிகுந்த சிரமத்தை ஏற்படுத்துவதாக மக்கள் குமுறுகின்றனர். காகிதம் வீணாவதை தடுக்கவே இவ்வாறான நடைமுறை அங்கு பின்பற்றப்படுவதாக கூறப்படுகிறது.

இதையும் படிங்க: பயங்கரவாதிகளை களையெடுத்து வருகிறோம்! ஷாங்காய் உச்சி மாநாட்டில் பிரதமர் மோடி உறுதி