ஜம்மு காஷ்மீரின் கிஷ்த்வார் மாவட்டத்தில் (Kishtwar) பயங்கரவாதிகளுக்கு எதிரான பெரிய வெற்றி! ஜெய்ஷ்-இ-முஹம்மது (JeM) அமைப்பின் முக்கிய தளபதியும், பாகிஸ்தான் நாட்டைச் சேர்ந்தவனுமான சைஃபுல்லா (Saifullah) சுட்டுக் கொல்லப்பட்டான். இந்த சம்பவம் பாதுகாப்புப் படைகளுக்கு பெரும் ஊக்கமளிக்கிறது.
சைஃபுல்லா கடந்த 5 ஆண்டுகளாக காஷ்மீரில் செயல்பட்டு வந்தான். இந்திய எல்லைக்குள் ஊடுருவி, பல தாக்குதல்களுக்கு மூளையாக இருந்தான். ஜூலை 2024-ல் 4 ராணுவ வீரர்கள் கொல்லப்பட்ட தாக்குதலிலும் அவன் பங்கு இருந்ததாக கூறப்படுகிறது. கடந்த 2 ஆண்டுகளாக கிஷ்த்வார், சத்ரூ (Chhatroo) பகுதியில் பதுங்கி, கிட்டத்தட்ட 20 முறை என்கவுன்டர்களிலிருந்து தப்பியவன். அவனுக்கு ரூ.20 லட்சம் ரிவார்டு அறிவிக்கப்பட்டிருந்தது.
கடந்த 4-ஆம் தேதி கிஷ்த்வாரில் பதுங்கியிருப்பதாக தகவல் கிடைத்தது. பாதுகாப்புப் படையினர் சுற்றிவளைத்தனர். ஆனால் முதல் மோதலில் ஒரு பயங்கரவாதி கொல்லப்பட்டான். சைஃபுல்லா தப்பினான். ராணுவம், ஜம்மு-காஷ்மீர் போலீஸ், சிஆர்பிஎஃப் இணைந்து தேடுதல் தீவிரமடைந்தது. காஷ்மீர் முழுவதும் போஸ்டர்கள் ஒட்டப்பட்டன.
இதையும் படிங்க: குண்டடி பட்டும் குறையாத வீரம்!! ஜம்மு காஷ்மீர் என்கவுன்டர்!! அதிரடி காட்டிய சிறப்பு பிரிவு நாய் டைசன்!!
பின்னர் சத்ரூ பகுதியில் ரகசிய தகவல் கிடைத்தது. சைஃபுல்லா உட்பட 3 பயங்கரவாதிகள் பதுங்கியிருந்தனர். பாதுகாப்புப் படையினர் சுற்றிவளைத்தனர். பயங்கரவாதிகள் திடீரென சுட்டனர். நீண்ட துப்பாக்கிச் சண்டை நடந்தது. இதில் 3 பயங்கரவாதிகளும் சுட்டுக் கொல்லப்பட்டனர். (சில தகவல்களில் 2 அல்லது 3 எனக் கூறப்பட்டாலும், சைஃபுல்லா உறுதி).
கொல்லப்பட்ட இடத்தில் இருந்து 2 ஏகே-47 ரக துப்பாக்கிகள், வெடிகுண்டுகள் பறிமுதல் செய்யப்பட்டன. இந்த நடவடிக்கை 'ஆபரேஷன் திராஷி-1' (Operation Trashi-I) என்று அழைக்கப்படுகிறது. இதில் டிரோன்கள், சாட்டிலைட் இமேஜரி உள்ளிட்ட உயர் தொழில்நுட்பங்கள் பயன்படுத்தப்பட்டன.
சைஃபுல்லாவின் மரணம் ஜெய்ஷ் அமைப்புக்கு பெரும் இழப்பு. கிஷ்த்வார் பகுதியில் செயல்பட்ட 7 பயங்கரவாதிகளும் இந்த ஆண்டில் கொல்லப்பட்டுள்ளனர். புலனாய்வு அமைப்புகளின் துல்லியமான தகவல் மற்றும் பாதுகாப்புப் படையினரின் தைரியம் இதற்கு காரணம். இது பயங்கரவாதிகளுக்கு எதிரான போராட்டத்தில் முக்கிய வெற்றி. பொதுமக்கள் பாதுகாப்பாக இருக்க வேண்டும் என அறிவுறுத்தப்பட்டுள்ளது.
இதையும் படிங்க: குண்டடி பட்டும் குறையாத வீரம்!! ஜம்மு காஷ்மீர் என்கவுன்டர்!! அதிரடி காட்டிய சிறப்பு பிரிவு நாய் டைசன்!!