அமெரிக்காவில் நீண்டகால அரசு நிர்வாக முடக்கத்தை (ஷட்டவுன்) முடிவுக்குக் கொண்டுவரும் நிதி மசோதா, நேற்று (நவம்பர் 10) அமெரிக்க செனட்டில் நிறைவேறியது. இது வரலாற்றிலேயே மிக நீண்ட கால முடக்கம் (40 நாட்கள்) முடிவுக்கு வருவதற்கான முதல் பெரிய அடியாக அமைந்துள்ளது. குடியரசுக் கட்சி தலைமையிலான செனட்டில் 60-40 ஓட்டுகளுக்குப் பிறகு நிறைவேறிய இந்த மசோதா, ஜனவரி 30 வரை அரசு நிதி உறுதி செய்யும். 

இதனால், ஊதியமின்றி பணிபுரிந்த 13,000-க்கும் மேற்பட்ட அத்தியாவசிய ஊழியர்கள் நிம்மதி அடைந்துள்ளனர். மசோதா இப்போது பிரதிநிதிகள் சபைக்கு (ஹவுஸ்) அனுப்பப்பட்டுள்ளது, அங்கு குடியரசுக் கட்சியின் பெரும்பான்மை உள்ளதால் விரைவில் நிறைவேறும் என எதிர்பார்க்கப்படுகிறது. அதிபர் டொனால்ட் டிரம்ப் ஒப்புதல் தருவதன் மூலம், ஓரிரு நாட்களுக்குள் முடக்கம் முடிவுக்கு வரும்.

அமெரிக்காவில் ஒவ்வொரு நிதியாண்டும் அக்டோபர் 1 அன்று தொடங்குகிறது. அப்போது, மத்திய அரசு ஊழியர்களின் சம்பளம், உணவு உதவி, அரசுத் துறைகளின் செயல்பாடுகளுக்கு தேவையான நிதி, பாராளுமன்றத்தில் (காங்கிரஸ்) நிதி மசோதா நிறைவேறிய பிறகே வழங்கப்படும். ஆனால், கடந்த அக்டோபர் 1 அன்று, ஜனநாயகக் கட்சியின் ஆதரவு இல்லாததால், அதிபர் டிரம்ப் நிர்வாகம் நிதி மசோதாவை நிறைவேற்ற முடியவில்லை. 

இதையும் படிங்க: ட்ரம்ப் பேச்சை திரித்து வெளியிட்ட விவகாரம்! பிபிசி உயரதிகாரிகள் ராஜினாமா!

இதனால், அரசின் பல்வேறு துறைகள் – விமான போக்குவரத்து, தேசிய பூங்காக்கள், மருத்துவ உதவி – முடங்கின. 13,000 அத்தியாவசிய ஊழியர்கள் ஊதியமின்றி பணிபுரிந்தனர். விமானங்கள் ரத்து, தாமதங்கள் ஏற்பட்டன. இந்த முடக்கம் 40 நாட்களாக நீடித்தது.

இந்த இழுபறிக்கு முக்கிய காரணம், முந்தைய அதிபர் பராக் ஒபாமாவின் 'அமெரிக்கன் ஹெல்த் கேர் ஆக்ட்' (ஒபாமா கேர்) திட்டத்தின் மருத்துவக் காப்பீட்டு மானியங்கள். இவை டிசம்பர் 31 அன்று முடிவடைய உள்ளன. ஜனநாயகக் கட்சியினர் இவற்றை நீட்டிக்க கோரினர். ஆனால், அதிபர் டிரம்ப் இதை ஏற்க மறுத்தார். இதனால், நிதி மசோதா நிறைவேறாமல் தாமதமானது. 

கடந்த மே மாதம் நடந்த மேயர் மற்றும் மாகாண தேர்தலில் குடியரசுக் கட்சி தோல்வியடைந்ததற்கு இந்த முடக்கமே காரணம் என்று டிரம்ப் கருதினார். எனவே, முடக்கத்தை விரைவில் முடிவுக்குக் கொண்டுவர விரும்பினார். இந்த சூழலில், குடியரசுக் கட்சியினர் கொண்டு வந்த சமரச மசோதா, ஜனநாயகக் கட்சியின் 8 செனட்டர்களின் ஆதரவுடன் நிறைவேறியது.

இந்த மசோதா, ஜனவரி 30 வரை அரசு செயல்பாடுகளுக்கு தேவையான நிதியை உறுதி செய்கிறது. இதில், மூன்று முழு ஆண்டு நிதி ஒதுக்கீடு மசோதாக்கள் (விவசாயம், மூத்தப் படை வீரர்கள் துறைகள்) இணைக்கப்பட்டுள்ளன. ஊதியமின்றி பணிபுரிந்த ஊழியர்களுக்கு பின்னோக்கிய ஊதியம் (பேக் பே) வழங்கப்படும். 

மேலும், முடக்க காலத்தில் ஏற்பட்ட பணியாளர் குறைப்புகளை திருத்தும். செனட்டில் 60 ஓட்டுகள் தேவைப்படும் நிலையில், 52 குடியரசுக் கட்சி செனட்டர்கள் மற்றும் 8 ஜனநாயக செனட்டர்கள் ஆதரவளித்தனர். இது 60-40 ஓட்டுகளால் நிறைவேறியது. செனட்ட் பெரும்பான்மை தலைவர் ஜான் தூன், "மக்கள் போதுமான அளவு கஷ்டப்படுகிறார்கள். இந்த மசோதாவை விரைவாக நிறைவேற்றுவோம்" என்று கூறினார்.

இப்போது, மசோதா பிரதிநிதிகள் சபைக்கு (ஹவுஸ்) அனுப்பப்பட்டுள்ளது. அங்கு குடியரசுக் கட்சியின் பெரும்பான்மை உள்ளதால், வெள்ளிக்கிழமை (நவம்பர் 13) அல்லது சனிக்கிழமை (நவம்பர் 14) நிறைவேறும் என எதிர்பார்க்கப்படுகிறது. ஹவுஸ் பெரும்பான்மை விப் டாம் எம்மர், "4 மணிக்கு வாக்கெடுப்பு நடத்தலாம்" என்று அறிவித்துள்ளார். அதன் பிறகு, அதிபர் டிரம்ப் ஒப்புதல் தருவார். இதனால், ஓரிரு நாட்களுக்குள் முடக்கம் முடிவுக்கு வரும். டிரம்ப் நிர்வாகம், "இது அமெரிக்க மக்களுக்கு நிம்மதி" என்று வரவேற்றுள்ளது.

இந்த முடக்கம், அமெரிக்க பொருளாதாரத்திற்கு பெரும் பாதிப்பை ஏற்படுத்தியது. 8 லட்சம் ஊழியர்கள் ஊதியம் இழந்தனர். விமானங்கள் ரத்து, தாமதங்கள் ஏற்பட்டன. தேசிய பூங்காக்கள், அரசு அலுவலகங்கள் மூடப்பட்டன. டாங்ஸ்கிவிங் பண்டிகை (நவம்பர் 27) அண்மையில் உள்ளதால், லட்சக்கணக்கான பயணிகள் பாதிக்கப்பட்டிருந்தனர். 

ஜனநாயகக் கட்சி செனட்டர்கள், "இது சுகாதார மானியங்களை நீட்டிக்காததால் ஏமாற்றம்" என்று கூறினாலும், "மக்கள் கஷ்டத்தை முடிவுக்குக் கொண்டுவருவது முக்கியம்" என்று ஆதரவளித்தனர். கலிஃபோர்னியா ஆளுநர் கேவின் நியூசம், "ஜனநாயகக் கட்சியின் தலைமைக்கு ஏமாற்றம்" என்று விமர்சித்தார்.

இந்த சமரசம், டிரம்ப் நிர்வாகத்தின் அரசியல் வெற்றியாகக் கருதப்படுகிறது. கட்சி இழுபறி, நிதி மேலாண்மை சிக்கல்கள் அமெரிக்க ஜனநாயகத்தின் பலவீனங்களை வெளிப்படுத்தியுள்ளன. விரைவில் முடக்கம் முடிவடையும் என்பதால், அரசு ஊழியர்கள், பயணிகள் நிம்மதி அடைந்துள்ளனர். ஆனால், ஜனவரி 30க்குப் பின் மீண்டும் சிக்கல் ஏற்படாமல் இருக்க, காங்கிரஸ் தீவிரமாக உழைக்க வேண்டும் என நிபுணர்கள் வலியுறுத்துகின்றனர்.

இதையும் படிங்க: அதிவேகத்தால் நடந்த பயங்கரம்... அப்பளம் போல் நொறுங்கிய கார்... 4 இளைஞர்கள் துடிதுடித்து பலி...!