தமிழக சட்டமன்ற தேர்தல் 2026 நெருங்கி வரும் நிலையில், அதிமுக தனது 3ம் கட்ட வாக்குறுதிகளை அதிகாரப்பூர்வமாக அறிவித்துள்ளது. காலையில் பொதுச்செயலாளர் எடப்பாடி கே.பழனிசாமி, “ஆட்சிக்கு வந்ததும் ஒவ்வொரு வீட்டுக்கும் 10,000 ரூபாய் கருணைத் தொகை வழங்கப்படும்” என்று அறிவித்தார். 

இந்த அறிவிப்புக்கு சமூக வலைதளங்களில் பெரும் விமர்சனங்கள் எழுந்தன. ‘கருணைத் தொகை’ என்ற சொல் பலருக்கும் ஏற்புடையதாக இல்லை என்பதால், மாலை அதிமுக வெளியிட்ட அதிகாரப்பூர்வ அறிக்கையில் அது ‘உதவித் தொகை’ என மாற்றப்பட்டது.

தி.மு.க. ஆட்சியில் குடும்பங்களின் அன்றாட செலவு சுமை பல மடங்கு உயர்ந்துள்ளது என்று அதிமுக குற்றம்சாட்டியுள்ளது. இதை குறைக்கும் வகையில், ஒவ்வொரு குடும்பத்துக்கும் 10,000 ரூபாய் உதவித் தொகை வழங்கப்படும் என்று தெளிவுபடுத்தப்பட்டுள்ளது. இது பொதுமக்களின் நிதி நெருக்கடியை தணிக்கும் நோக்கில் கொண்டு வரப்பட்டுள்ளது.

இதையும் படிங்க: அரைச்ச மாவையே அரைக்கும் இபிஎஸ்! சொதப்பும் ஆலோசனை கம்பெனி?! அதிமுக எதிர்கொள்ளும் திடீர் சிக்கல்! தொண்டர்கள் சோர்வு!

மேலும், வேலைவாய்ப்பு அலுவலகத்தில் பதிவு செய்து காத்திருக்கும் பட்டதாரிகளுக்கு மாதம் 2,000 ரூபாய் உதவித் தொகை வழங்கப்படும். பிளஸ் 2 வரை படித்து வேலை தேடுபவர்களுக்கு மாதம் 1,000 ரூபாய் வழங்கப்படும். இது வேலையில்லா இளைஞர்களின் பொருளாதார சுமையை குறைக்கும் நோக்கத்துடன் அறிவிக்கப்பட்டுள்ளது.

அனைத்திந்திய அண்ணா திராவிட முன்னேற்றக் கழக மூன்றாம் கட்டத் தேர்தல் வாக்குறுதிகள்!

மாண்புமிகு கழகப் பொதுச்செயலாளர் புரட்சித் தமிழர் @EPSTamilNadu அவர்கள் #எடப்பாடியார்_உறுதியளிக்கிறார் pic.twitter.com/b2Q9nCwkuS

— AIADMK - SayYesToWomenSafety&AIADMK (@AIADMKOfficial) February 24, 2026

மீனவர்களுக்கு மீன்பிடி தடைக்காலத்தில் தற்போது வழங்கப்படும் 8,000 ரூபாய் நிவாரணத் தொகை 12,000 ரூபாயாக உயர்த்தப்படும். ஒவ்வொரு ஆண்டும் பொங்கல் தொகுப்புடன் கூடுதலாக 1,000 ரூபாய் வழங்கப்படும். கைத்தறி நெசவாளர்களுக்கு இலவச மின்சாரம் 300 யூனிட்டில் இருந்து 450 யூனிட்டாகவும், விசைத்தறி நெசவாளர்களுக்கு 1,000 யூனிட்டில் இருந்து 1,400 யூனிட்டாகவும் உயர்த்தப்படும்.

நகர்ப்புறங்களில் சாலை ஓரத்தில் கடை வைத்திருக்கும் சிறு வியாபாரிகளின் கூட்டுறவு வங்கி கடன்கள் தள்ளுபடி செய்யப்படும் என்றும் அறிவிக்கப்பட்டுள்ளது. இந்த வாக்குறுதிகள் மக்களின் அன்றாட வாழ்க்கை சுமையை குறைப்பதை முதன்மை நோக்கமாகக் கொண்டுள்ளன.

‘கருணைத் தொகை’ என முதலில் அறிவிக்கப்பட்டது பெரும் விமர்சனத்துக்கு உள்ளானதால், உடனடியாக பெயரை மாற்றியது அதிமுகவின் உத்தியாக பார்க்கப்படுகிறது. தி.மு.க.வின் மகளிர் உரிமைத் தொகை, இலவச பேருந்து போன்ற திட்டங்களுக்கு எதிராக, அதிமுக இப்போது பரந்த அடிப்படையிலான உதவிகளை அறிவித்துள்ளது.

இந்த வாக்குறுதிகள் தேர்தல் களத்தில் எந்த அளவு தாக்கத்தை ஏற்படுத்தும் என்பதை பொறுத்திருந்து பார்க்கலாம். மக்களின் நிதி நெருக்கடியை தணிக்கும் வகையில் கொண்டு வரப்பட்ட இந்த அறிவிப்புகள், வாக்காளர்களின் கவனத்தை ஈர்க்கும் என்பதில் சந்தேகமில்லை.

இதையும் படிங்க: இன்றோடு முடிகிறது தை மாதம்!! முடிவை அறிவிப்பாரா ஓபிஎஸ்?! தை முடிந்தும் வழி பிறக்காத நிலை?!