கிழக்கு ஆப்பிரிக்காவின் எத்தியோப்பியாவில் உள்ள ஹேய்லி குபி (Hayli Gubbi) என்ற எரிமலை, பல்லாண்டுகளுக்குப் பிறகு வெடித்துள்ளது. இந்த வெடிப்பால் சாம்பல் மற்றும் அப்போ சாம்பல் (volcanic ash) பெரும் அளவில் வான்வெளியில் பரவியுள்ளது. இது பல நூற்றுக்கணக்கான மைல்களுக்கு பரவி, விமானங்களுக்கு ஆபத்தை ஏற்படுத்தியுள்ளது. 

இதனால், சிவில் விமானப் போக்குவரத்து இயக்குநரகம் (DGCA) விமான நிறுவனங்களுக்கு அந்தப் பகுதி வான்வெளியைத் தவிர்த்து பறக்குமாறு அறிவுறுத்தியுள்ளது. இந்த எச்சரிக்கைக்கிணங்க, ஏர் இந்தியா உள்ளிட்ட பல விமான நிறுவனங்கள் இன்று மற்றும் நாளை (நவம்பர் 25, 26) நடைபெற வேண்டிய 11 விமான சேவைகளை ரத்து செய்துள்ளன.

ஏர் இந்தியா ரத்து செய்த விமானங்கள்:

• நவம்பர் 24: நியூயார்க்-டெல்லி, நியூயார்க்-டெல்லி, துபாய்-ஹைதராபாத், தோஹா-மும்பை, துபாய்-சென்னை, தம்மம்-மும்பை, தோஹா-டெல்லி.
• நவம்பர் 25: சென்னை-மும்பை, ஹைதராபாத்-டெல்லி, மும்பை-ஹைதராபாத்-மும்பை, மும்பை-கோல்கத்தா-மும்பை.

இந்த ரத்துகள், விமானங்கள் அந்தப் பகுதி வான்வெளியில் பறந்த பிறகு பாதுகாப்புப் பரிசோதனை நடத்துவதற்காகவே செய்யப்பட்டுள்ளன. ரத்து செய்யப்பட்ட விமானங்களில் டிக்கெட் புக் செய்திருந்த பயணிகளுக்கு மாற்று பயண ஏற்பாடுகள் செய்யப்பட்டுள்ளன. பயணிகளின் சிரமங்களுக்கு வருந்துவதாகவும், தேவையான உதவிகள் செய்யப்படுவதாகவும் ஏர் இந்தியா தெரிவித்துள்ளது.

இதையும் படிங்க: அரசுப்பணிக்கு ரூ.15 லட்சம் லஞ்சம்!! வாரி சுருட்ட பாக்குறீங்களா? வெளுத்து வாங்கும் அண்ணாமலை!

இதேபோல், ஆகாசா ஏர், இண்டிகோ, கேஎல்எம் போன்ற விமான நிறுவனங்களும் துபாய், ஜெத்தா, குவைத், அபுதாபி போன்ற இடங்களுக்கு விமானங்களை ரத்து செய்துள்ளன. எத்தியோப்பியாவின் ஹேய்லி குபி எரிமலை, அப்போ பிரதேசத்தில் (Afar region) உள்ளது. இது 12,000 ஆண்டுகளுக்குப் பிறகு வெடித்துள்ளது.

இந்த வெடிப்பால் 14 கி.மீ உயரம் வரை சாம்பல் மேகம் உருவாகி, சிவப்பு கடல் (Red Sea) வழியாக ஓமன், யேமன், அரபு கடல் வழியாக இந்தியாவின் மேற்கு பகுதிகளை நோக்கி பரவியுள்ளது. இந்த சாம்பல் மேகம், விமான இன்ஜின்களுக்கு ஆபத்தானது. இதனால் விமானங்கள் திசை தவறலாம் அல்லது இன்ஜின் பிரச்சினை ஏற்படலாம்.

இந்திய வானிலை ஆய்வு மையம் (IMD) கூறுகையில், சாம்பல் மேகம் இந்தியாவின் மேற்கு பகுதிகளை (குஜராத், ராஜஸ்தான், டெல்லி, பஞ்சாப்) தொட்டு, மாலை வரை இந்தியாவை விட்டு வெளியேறி சீனா நோக்கி நகரும் என்று தெரிவித்துள்ளது. DGCA, விமான நிறுவனங்களுக்கு வழிகளை மாற்றி, இன்ஜின்களை சோதனை செய்யுமாறு அறிவுறுத்தியுள்ளது. விமான நிலையங்களும் ரன்வேக்களை சோதனை செய்ய வேண்டும் என்று கூறப்பட்டுள்ளது.

இந்த வெடிப்பு, விமானப் போக்குவரத்தை பெரிதும் பாதித்துள்ளது. பயணிகள் தங்கள் விமான நிலையங்களின் அதிகாரப்பூர்வ அறிவிப்புகளைப் பின்பற்றி, டிக்கெட் மாற்று அல்லது ரீஃபண்ட் பெறுமாறு அறிவுறுத்தப்பட்டுள்ளனர். இந்தியாவில் ஹைதராபாத், மும்பை, சென்னை போன்ற நகரங்களில் பயணிகள் சிரமம் அடைகின்றனர்.

இதையும் படிங்க: “அது மட்டும் நடந்தால், எம்.எல்.ஏ. பதவியை ராஜினாமா செய்யத் தயார்” - அன்புமணிக்கு சவால் விட்ட ஜி.கே. மணி...!