2026 தமிழ்நாடு சட்டமன்றத் தேர்தலுக்கு முன், பாஜக மத்திய உள்துறை அமைச்சர் அமித் ஷா, நடிகர் விஜயின் தமிழக வெற்றிக் கழகத்துடன் (த.வெ.க.) கூட்டணி அமைக்க ரகசியப் பேச்சுவார்த்தை நடத்த திட்டமிட்டுள்ளார். இதற்காக, சென்னை அருகே பனையூரில் உள்ள நட்சத்திர ஹோட்டலில் அமித் ஷாவை தங்க வைக்க பாஜக தலைவர்கள் முடிவு செய்துள்ளனர். 

இந்த ஹோட்டல், த.வெ.க. தலைமை அலுவலகத்துக்கு அருகில் இருப்பதால், விஜயுடன் எளிதாக சந்திப்பு நடத்த ஏதுவாக இருக்கும் என்று தமிழக பாஜக வட்டாரங்கள் தெரிவிக்கின்றன. பீகார் தேர்தல் வெற்றி மாதிரியில், தமிழகத்தில் மெகா கூட்டணி அமைத்து அதிமுக-பாஜக-த.வெ.க. இணைந்து ஆட்சி அமைப்பதே ஷாவின் இலக்கு.

இந்நிலையில், திமுக கூட்டணியில் இருந்து காங்கிரஸ் வெளியேறும் என்று த.வெ.க. எதிர்பார்த்து காத்திருக்கிறது. காங்கிரஸில் இரு குழுக்களும் மோதல் நிலையில் உள்ளன. அகில இந்திய காங்கிரஸ் தலைவர் மல்லிகார்ஜுன கார்கே தலைமையில் ஒரு குழு, திமுக கூட்டணியில் தொடர விரும்புகிறது. 

இதையும் படிங்க: 39 தொகுதி வேணும்!! திமுகவிடம் அடம் பிடிக்கும் காங்., ஐவர் குழு! தேர்தல் கணக்கு!

மறுபுறம், காங்கிரஸ் பொதுச்செயலாளர் கே.சி. வேணுகோபால் தலைமையில் இன்னொரு குழு, த.வெ.க. உடன் கூட்டணி அமைக்க ஆர்வம் காட்டுகிறது. இந்தப் பிளவு, த.வெ.க.க்கு பெரும் சாதகமாக மாறும் என்று அரசியல் கூரியல் கூறுகின்றனர்.

த.வெ.க. தலைவர் விஜய், தனது கட்சியை தனித்துப் போட்டியிடுவதாகவும், பாஜக-திமுக உடன் கூட்டணி இல்லை என்றும் கூறியுள்ளார். ஆனால், பாஜக தரப்பு இன்னும் பேச்சுவார்த்தை தொடர்ந்து நடத்துகிறது.

காங்கிரஸின் உள் மோதல், த.வெ.க.வுக்கு புதிய வாய்ப்புகளைத் திறக்கும் என்று அரசியல் விமர்சகர்கள் சுட்டிக்காட்டுகின்றனர். 2026 தேர்தல் போக்கை இந்தப் பேச்சுவார்த்தைகள் மட்டுமே தீர்மானிக்கும்.

இதையும் படிங்க: 45 தொகுதிகள் வேணும்!! எடப்பாடிக்கு குடைச்சல் கொடுக்கும் பாஜக!! கையை பிசையும் இபிஎஸ்!