ஏப்ரல் மாதம் அமித்ஷா சென்னை வந்திருந்தபோது கூட்டணி உறுதியானது. அமித்ஷா, எடப்பாடி பழனிசாமி இணைந்து பிரஸ் மீட் கொடுத்தனர். அப்போது அமித் ஷா முதலில், "நாங்கள் இணைந்து தான் ஆட்சியை அமைக்கப் போகிறோம். கூட்டணி ஆட்சி தான் இருக்கும். எடப்பாடி பழனிசாமி தலைமையில் தான் நிச்சயம் கூட்டணி ஆட்சி நடைபெறும்" என்று கூறியிருந்தார்.

தமிழகத்தில் இதுவரை கூட்டணி ஆட்சி என்பதே கிடையாது. அப்படியிருக்க பாஜக தொடர்ந்து அதிமுக தலைமையில் கூட்டணி ஆட்சி, கூட்டணி ஆட்சி எனக்கூறி வருகிறது. அதேபோல் வர உள்ள சட்டமன்ற தேர்தலிலும் 90க்கும் அதிகமான அளவு எம்.எல்.ஏ.சீட்களை கேட்டுப்பெற பாஜக திட்டமிட்டுள்ளதாக கூறப்படுகிறது. இதை எல்லாம் பார்த்தால் அமித் ஷாவின் கணக்கு தெளிவாக இருப்பதாக அரசியல் விமர்சகர்கள் கூறுகின்றனர்.ஆனால் அதிமுக தரப்பிலோ  கூட்டணியாக தேர்தலை சந்திக்கவுள்ளதாகவும், கூட்டணி ஆட்சி கிடையாது என்றும் மறுப்பு தெரிவிக்கப்பட்டது. 

ஆனால் தற்போது மதுரை வந்த அமித் ஷா மீண்டும், மீண்டும் கூட்டணி ஆட்சி என்ற வார்த்தையை பயன்படுத்தியிருப்பதைப் பார்த்த அதிமுக முக்கிய புள்ளிகள் இது எடப்பாடி பழனிசாமிக்கான பகிரங்க வார்னிங் என எச்சரித்துள்ளார்களாம். அதிமுகவில் மற்றொரு தரப்பினரோ, டெல்லியில் அமித் ஷா உடன் எடப்பாடி பழனிசாமி நடத்திய ரகசிய பேச்சுவார்த்தையின் போது கூட்டணி ஆட்சிக்கு சம்மதம் தெரிவித்துவிட்டாரோ? என கொந்தளித்து போய் இருக்கிறார்கள். 

இதையும் படிங்க: மறைந்தும் வாழப் போகிறார் குணசேகரன்.. குடும்பத்தினரின் நெகிழ வைக்கும் செயல்!!

இந்நிலையில் கேபி முனுசாமி, சி.வி. சண்முகம் உள்ளிட்ட அதிமுகவின் முக்கிய புள்ளிகளே இபிஎஸ் இடம் நேரடியாகவே இந்த விவகாரம் பற்றி பேசியதாக தகவல்கள் வெளியாகியுள்ளன. அதிமுக தரப்பிலிருந்து மறுப்பு வந்தும்  மத்திய அமைச்சர் அமித் ஷா அதே விஷயத்தை திரும்ப, திரும்ப சொல்வதன் காரணம் என்ன? இதற்கெல்லாம் முடிவு கட்ட வேண்டும் என அதிமுகவினர் இபிஎஸ் இடம் அதிருப்தியை வெளிப்படுத்தியுள்ளனர். அதுமட்டுமல்லாமல் ஏற்கனவே கூட்டணியால் அதிருப்தியில் இருக்கும் தொண்டர்கள் கூட்டணி ஆட்சி என்று வந்தால் ஒத்துக்கொள்ளவே மாட்டார்கள். அதனால் அமித் ஷா இப்படி பேசிக்கொண்டிருப்பதை தடுக்க வேண்டும் என வார்னிங் ஒன்றும் எடப்பாடி பழனிசாமிக்கு அதிமுக முக்கிய தலைகள் வார்னிங் கொடுத்துள்ளார்களாம். 

அதோடு சேர்த்து கூட்டணி ஆட்சி விவகாரம் திமுக கூட்டணிக்கு சாதகமாக மாறியுள்ளது. அதிகார பகிர்வு இருக்குமா என்று எடப்பாடியிடம் செய்தியாளர்கள் கேட்டபோது இல்லை என மறுப்பதற்கு பதிலாக திரும்ப திரும்ப அதே கேள்விக்கு ஏன் வருகிறீர்கள் என மட்டும் சொல்கிறார் என திமுக எம்பி ஆராசா விமர்சித்துள்ளார். இதனை வைத்து அதிகாரத்தில் பங்கு கொடுக்க முடியாது என அமித் ஷாவிடம் இபிஎஸ் கறாராக சொல்லிவிட வேண்டும் என நிர்வாகிகளும் தொண்டர்களும் நெருக்கி வருகின்றனர். 

இதையும் படிங்க: தேர்தலுக்கு முன்பே ஓட்டு வேட்டை.. புது டெக்னிக்கை கையில் எடுத்த ஆர்.பி.உதயகுமார்..!