எடப்பாடி பழனிச்சாமி, அனைத்திந்திய அண்ணா திராவிட முன்னேற்றக் கழகத்தின் பொதுச் செயலாளராக, 2026-ஆம் ஆண்டு தமிழ்நாடு சட்டமன்றத் தேர்தலை முன்னிட்டு, "மக்களைக் காப்போம், தமிழகத்தை மீட்போம்" என்ற முழக்கத்துடன் மாபெரும் சுற்றுப்பயணத்தை மேற்கொண்டு வருகிறார்.

இந்த பயணம், தமிழகத்தில் தற்போதைய திமுக ஆட்சியின் மக்கள் விரோதப் போக்கை எதிர்த்து, மக்களின் பிரச்சனைகளை நேரடியாகக் கேட்டறிந்து, அதிமுகவின் மக்கள் நலக் கொள்கைகளை விளக்குவதை நோக்கமாகக் கொண்டுள்ளது. இந்த சுற்றுப்பயணம் இரண்டு கட்டங்களாக நடைபெற்று வருகிறது.

முதல் கட்ட சுற்றுப்பயணம் 2025 ஆம் ஆண்டு ஜூலை 7 ஆம் தேதி கோவை மாவட்டத்திலுள்ள மேட்டுப்பாளையம் தொகுதியில் தொடங்கியது. இந்தப் பயணம், தமிழகத்தின் பல்வேறு மாவட்டங்களில் உள்ள 33 சட்டமன்றத் தொகுதிகளை உள்ளடக்கியதாக அமைந்தது. கோவை, விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர் உள்ளிட்ட மாவட்டங்களில் இந்தப் பயணம் நடைபெற்றது. 

இதையும் படிங்க: அலங்கோல ஆட்சி! அலட்சியத்தில் மாநகராட்சி.. வரும் 22ல் அதிமுக ஆர்ப்பாட்டம்! எங்க தெரியுமா?

இரண்டாம் கட்ட சுற்றுப்பயணத்தை ஜூலை 24 அன்று தொடங்கினார். இந்தப் பயணம் 36 சட்டமன்றத் தொகுதிகளை உள்ளடக்கியதாக அமைந்து, ஆகஸ்ட் 8-ஆம் தேதி வரை நடைபெற்றது. தென்காசி, ஸ்ரீவில்லிபுத்தூர், சாத்தூர், வாசுதேவநல்லூர் உள்ளிட்ட தென் மாவட்டங்களில் இந்தப் பயணம் மேற்கொள்ளப்பட்டது. 

மக்களை காப்போம் தமிழகத்தை மீட்போம் என்ற பெயரில் எடப்பாடி பழனிச்சாமியின் மூன்றாம் கட்ட பிரச்சாரம் சூடு பிடித்துள்ளது. அதிமுக பொதுச்செயலாளர் எடப்பாடி பழனிச்சாமி மூன்றாம் கட்டமாக திருச்சி சுற்றுவட்டாரத்தில் ஆகஸ்ட் 25ஆம் தேதி வரை சுற்றுப்பயணம் மேற்கொள்ள உள்ளார். 

ஆகஸ்ட் 23ஆம் தேதி திருச்சி மாவட்டம் திருவெறும்பூர், திருச்சி கிழக்கு, லால்குடி உள்ளிட்ட பகுதிகளில் எடப்பாடி பழனிச்சாமி பிரச்சாரம் மேற்கொள்கிறார். 

மேலும் ஆகஸ்ட் 24 ஆம் தேதி மண்ணச்சநல்லூர், துறையூர், முசிறி உள்ளிட்ட பகுதிகளில் பிரச்சாரம் செய்கிறார். 

இதனைத் தொடர்ந்து, ஆகஸ்ட் 25ஆம் தேதி மணப்பாறை, திருச்சி மேற்கு மற்றும் ஸ்ரீரங்கத்தில் பிரச்சாரம் நடத்துகிறார். 

இதையும் படிங்க: மக்கள் உணர்வ மதிக்கவே மாட்டீங்களா? கல்லறை திருநாளில் எக்ஸாம்! இபிஎஸ் கண்டனம்..!