டெல்லி: கடந்த ஆண்டு நவம்பர் 10-ம் தேதி டெல்லி செங்கோட்டை பகுதியில் நடந்த கொடூர கார் குண்டுவெடிப்பு வழக்கில் தேசிய புலனாய்வு முகமை (என்ஐஏ) அதிரடி நடவடிக்கை மேற்கொண்டுள்ளது. ஜம்மு-காஷ்மீரின் கந்தர்பால் மற்றும் ஸ்ரீநகரை சேர்ந்த இரு பயங்கரவாதிகள் நேற்று கைது செய்யப்பட்டுள்ளனர். இவர்கள் கஸ்வத் உல் ஹிந்த் (Kaswarath-ul-Hind) என்ற பயங்கரவாத அமைப்பை சேர்ந்தவர்கள் என விசாரணையில் தெரிய வந்துள்ளது.

இந்த கார் குண்டுவெடிப்பில் 15 பேர் உயிரிழந்தனர். 20-க்கும் மேற்பட்டோர் படுகாயமடைந்தனர். அரியானா மாநிலத்தில் உதவி பேராசிரியராக பணியாற்றிய டாக்டர் உமர் நபி என்ற பயங்கரவாதி வெடிகுண்டு நிரப்பப்பட்ட காரை ஓட்டி வந்து இந்த தாக்குதலை நிகழ்த்தியது என்பது விசாரணையில் உறுதியாகியது. இந்த சம்பவம் நாடு முழுவதும் பெரும் அதிர்ச்சியை ஏற்படுத்தியது. ஆரம்பத்தில் டெல்லி போலீஸ் விசாரித்த வழக்கு பின்னர் என்ஐஏவுக்கு மாற்றப்பட்டது.

இந்த கார் குண்டுவெடிப்பில் 15 பேர் உயிரிழந்தனர். 20-க்கும் மேற்பட்டோர் படுகாயமடைந்தனர். அரியானா மாநிலத்தில் உதவி பேராசிரியராக பணியாற்றிய டாக்டர் உமர் நபி என்ற பயங்கரவாதி வெடிகுண்டு நிரப்பப்பட்ட காரை ஓட்டி வந்து இந்த தாக்குதலை நிகழ்த்தியது என்பது விசாரணையில் உறுதியாகியது.

இதையும் படிங்க: தவெக டூ மீண்டும் அதிமுக..!! எஸ்.பி.வேலுமணி சொன்ன பரபரப்பு விஷயம்..!! அரசியல் களத்தில் பூகம்பம்..!!

இந்த சம்பவம் நாடு முழுவதும் பெரும் அதிர்ச்சியை ஏற்படுத்தியது. ஆரம்பத்தில் டெல்லி போலீஸ் விசாரித்த வழக்கு பின்னர் என்ஐஏவுக்கு மாற்றப்பட்டது.

இந்த கைதுகளுடன் டெல்லி கார் குண்டுவெடிப்பு வழக்கில் மொத்த கைதான பயங்கரவாதிகளின் எண்ணிக்கை 11 ஆக உயர்ந்துள்ளது. என்ஐஏ இந்த வழக்கை தீவிரமாக விசாரித்து வருகிறது. மேலும் தொடர்புடையவர்களை கண்டறிய தேடுதல் நடவடிக்கைகள் தீவிரப்படுத்தப்பட்டுள்ளன. இந்த சம்பவம் தேசிய பாதுகாப்புக்கு பெரும் அச்சுறுத்தலை ஏற்படுத்தியுள்ளதால், எல்லை பகுதிகளில் கண்காணிப்பு மற்றும் உளவுத்துறை நடவடிக்கைகள் அதிகரிக்கப்பட்டுள்ளன.

டெல்லி கார் குண்டுவெடிப்பு நாட்டின் பாதுகாப்பு அமைப்புகளுக்கு பெரும் சவாலாக அமைந்துள்ளது. என்ஐஏயின் தொடர் நடவடிக்கைகள் மூலம் இந்த பயங்கரவாத வலையின் முழு சங்கிலியும் அம்பலமாகும் என எதிர்பார்க்கப்படுகிறது. இந்த கைதுகள் தொடர்பான விவரங்கள் மக்களிடையே பெரும் கவனத்தை ஈர்த்துள்ளன.

இதையும் படிங்க: திடீர் திருப்பம்... “கை” விட்டது காங்கிரஸ்... ராகுலின் கட் அண்ட் ரைட் முடிவு...!