வேலூர்: தமிழக சட்டமன்றத் தேர்தலில் காட்பாடி தொகுதியில் திமுக சார்பில் போட்டியிடும் அமைச்சர் க. ந. துரைமுருகன், பிரசாரத்தை புனிதமான வழிபாட்டுடன் தொடங்கினார். காட்பாடி அருகே உள்ள பொன்னை ஓட்டனேரி பகுதியில் அமைந்துள்ள பிரசித்தி பெற்ற நவக்கிரக விநாயகர் கோவிலில் நேற்று அவர் சுவாமி தரிசனம் செய்தார்.

கோவிலில் சிறப்பு வழிபாடு நடத்திய பின்னர், துரைமுருகன் தனது தேர்தல் பிரசாரத்தைத் தொடங்கினார். உடன் திமுக எம்.பி.க்களான கதிர் ஆனந்த் மற்றும் ஜெகத்ரட்சகன் ஆகியோர் உடன் இருந்து வழிபட்டனர். கோவில் வளாகத்தில் பக்தர்களுடன் உரையாடிய அமைச்சர், “இந்த நவக்கிரக விநாயகர் கோவிலில் வணங்கி பிரசாரத்தைத் தொடங்கினால் வெற்றி நிச்சயம்” என்று உறுதியாகக் கூறினார்.

அதன் பிறகு ஓட்டனேரி பகுதியில் உள்ள வீடுகளுக்குச் சென்று துரைமுருகன் ஓட்டு சேகரித்தார். அப்போது திமுக அரசின் சாதனைகளை மக்களிடம் எடுத்துரைத்தார். “திமுக ஆட்சியில் மக்களுக்கான பல்வேறு நலத்திட்டங்கள் செயல்படுத்தப்பட்டுள்ளன. இந்த மக்களுக்கு சேவை செய்யும் வாய்ப்பை மீண்டும் தர வேண்டும்” என்று அவர் வேண்டுகோள் விடுத்தார்.

இதையும் படிங்க: பாஜகவில் தீவிர உள்ளடி வேலை! ஐடியாவை மாற்றிய அண்ணாமலை! கொதித்துப்போன ஆதரவாளர்கள்!

காட்பாடி தொகுதியில் துரைமுருகன் மீண்டும் போட்டியிடும் நிலையில், இந்த வழிபாட்டுப் பயணம் அவரது தேர்தல் உத்தியின் முதல் அடியாகப் பார்க்கப்படுகிறது. நவக்கிரக விநாயகர் கோவில் பக்தர்கள் மத்தியில் நல்ல வரவேற்பைப் பெற்றுள்ளது. கோவில் தரிசனத்துக்குப் பிறகு தொடங்கிய பிரசாரம், தொகுதி முழுவதும் விரைவில் தீவிரமடையும் என்று எதிர்பார்க்கப்படுகிறது.

துரைமுருகன் தொடர்ந்து பல்வேறு பகுதிகளில் மக்களைச் சந்தித்து திமுகவின் வளர்ச்சிப் பணிகளை விளக்கி வருகிறார். திமுகவின் வெற்றிக்காக மக்கள் ஒன்றிணைந்து ஆதரவு தர வேண்டும் என்று அவர் வலியுறுத்தினார்.

இந்த நிகழ்ச்சியில் உள்ளூர் திமுக நிர்வாகிகள் மற்றும் தொண்டர்கள் பெருந்திரளாகக் கலந்துகொண்டனர். அமைச்சரின் வழிபாடு மற்றும் ஓட்டுச் சேகரிப்பு பயணம் தொகுதியில் புதிய உற்சாகத்தை ஏற்படுத்தியுள்ளது.

இதையும் படிங்க: டெல்லியா? தமிழ்நாடா? காங்., வேட்பாளர் தேர்வில் குடுமிப்பிடி சண்டை! கட்சிக்குள் நடக்கும் குழப்பம்!