ஜம்மு-காஷ்மீரின் பூஞ்சில் பணியமர்த்தப்பட்டிருந்த இந்திய ராணுவ வீரர் ஒருவர், ஆபரேஷன் சிந்தூர் நடவடிக்கைக்குப் பிறகு இரண்டாவது நாளாக, கட்டுப்பாட்டுக் கோட்டின் குறுக்கே உள்ள பகுதிகளை குறிவைத்து பாகிஸ்தான் நடத்திய தீவிரமான, எல்லை தாண்டிய துப்பாக்கிச் சூட்டில் கொல்லப்பட்டார். லான்ஸ் நாயக் தினேஷ் குமார் ஹரியானாவைச் சேர்ந்தவர், அவரது உடல் வியாழக்கிழமை அவரது சொந்த கிராமத்தில் அடக்கம் செய்யப்படும் என அறிவிக்கப்பட்டுள்ளது. 

பஹல்காம் தாக்குதலுக்கு பதிலடியாக ஆபரேஷன் சிந்தூர் என்ற துல்லிய தாக்குதலை இந்தியா நடத்தியது. நேற்று அதிகாலை 9 பயங்கரவாதிகள் முகாம்களை குறிவைத்து நடத்தப்பட்ட தாக்குதலில் 70க்கும் மேற்பட்ட பயங்கரவாதிகள் உயிரிழந்தனர். பாகிஸ்தான் தனக்கு நேர்ந்த இந்த அவமானத்திற்கு பழி தீர்க்கும் விதமாக நேற்று இரவு முதலே விடிய, விடிய எல்லைக்கட்டுப்பாட்டு கோட்டு பகுதிகளில் அத்துமீறி தாக்குதல் நடத்தி வருகிறது. 

இதையும் படிங்க: அடிவாங்கியும் அடங்காத பாகிஸ்தான்.. விடிய, விடிய நடந்த பரபரப்பு சம்பவம்..!

பாகிஸ்தான் படைகள் இன்று வியாழக்கிழமை கட்டுப்பாட்டுக் கோட்டின் குறுக்கே நான்கு பகுதிகளில்சிறிய ஆயுதங்கள் மற்றும் பீரங்கித் துப்பாக்கிகளால் துப்பாக்கிச் சூடு நடத்தியதாக ராணுவ அதிகாரிகள் தெரிவித்தனர். 

நேற்றிரவு முதலே ஜம்மு-காஷ்மீரில் உள்ள குப்வாரா, பாரமுல்லா, உரி மற்றும் அக்னூர் பகுதிகளுக்கு எதிரே உள்ள பகுதிகளில், எல்லைக் கட்டுப்பாட்டுக் கோட்டின் அருகே சிறிய ஆயுதங்கள் மற்றும் பீரங்கித் துப்பாக்கிகளைப் பயன்படுத்தி பாகிஸ்தான் ராணுவம் அத்துமீறி துப்பாக்கிச் சூடு நடத்தின. 

32 வயதான இந்த வீரர் ஹரியானாவின் பல்வால் மாவட்டத்தைச் சேர்ந்த லான்ஸ் நாயக் தினேஷ் குமார் மேலும் அவர் 2014 இல் படையில் சேர்ந்தார். குமாரின் தந்தை தயா ராம் சர்மா கூறுகையில், "தினேஷ், நான்கு வீரர்களுடன், கட்டுப்பாட்டுக் கோட்டில் (LOC) ரோந்து சென்ற போது மோட்டார் வெடி குண்டு தாக்குதலில் இறந்ததாக எங்களுக்குத் தகவல் கிடைத்தது. முழு தேசமும் அவரைப் பற்றி பெருமை கொள்கிறது, மேலும் அவரது தியாகம் நினைவுகூரப்படும். அவர் ஒரு துணிச்சலான வீரர்," எனக் குறிப்பிட்டுள்ளார். 

இதையும் படிங்க: இந்தியாவின் முப்படைகளும் தயார்..! பாகிஸ்தானை பதம் பார்க்க காத்திருக்கும் வீரர்கள்..!