புதுடெல்லி: லோக்சபாவில் இன்று நடந்த கேள்வி நேரத்தில் காங்கிரஸ் எம்பி எம்.கே. விஷ்ணு பிரசாத், “கொரோனாவுக்கு முன்பு இருந்த மாதிரி மூத்திய குடிமக்களுக்கு ரயில் டிக்கெட் தள்ளுபடி தருவீங்களா?” என்று கேட்டார். அதற்கு மத்திய ரயில்வே அமைச்சர் அஸ்வினி வைஷ்ணவ் கொடுத்த பதில் தான் இப்போ எல்லா இடத்துலயும் பேச்சு!

அமைச்சர் சொன்னது என்ன?
“இந்திய ரயில்வே ஒவ்வொரு வருஷமும் டிக்கெட் விலையை குறைவா வைக்க ரூ.60,000 கோடி மானியம் கொடுக்குது. இந்தியாவுல ரயில் டிக்கெட் விலை, அண்டை நாடுகளையும் வளர்ந்த நாடுகளையும் ஒப்பிடும்போது வெறும் 5% முதல் 10% தான்! அதாவது, அங்கே 100 ரூபாய்னா இங்கே 5-10 ரூபாய் மட்டும் தான். உலகத்துலயே இவ்வளவு மலிவா ரயில் டிக்கெட் விலை வைச்சிருக்குறது இந்தியா ஒன்று தான்!”

அமைச்சர் மேலும் சொன்னார்: “அண்டை நாடுகளோட ஒப்பிட்டாலும் இந்தியா தான் மிக மிக மலிவு. இந்த மானியத்தால தான் கோடிக்கணக்கான ஏழை-நடுத்தர மக்கள் ரயில்ல பயணிக்க முடியுது. அதனால தான் இந்திய ரயில்வே ‘ஏழையோட ரயில்வே’னு பெருமையா சொல்றோம்.”

இதையும் படிங்க: பேஸ்புக், இன்ஸ்டா, எக்ஸ் தளங்களுக்கு செக்! சாட்டையை சுழற்றும் மத்திய அரசு!! அஸ்வினி வைஷ்ணவ் வார்னிங்!

மூத்த குடிமக்கள் தள்ளுபடி எப்போ வரும்?
கொரோனாவுக்கு முன்பு மூத்த குடிமக்களுக்கு (ஆண்கள் 58%, பெண்கள் 60%) டிக்கெட் தள்ளுபடி இருந்தது. கொரோனா வந்ததும் 2020-ல நிறுத்திட்டாங்க. இப்போ வரைக்கும் திரும்ப கொண்டு வரல. இதைப் பத்தி கேட்டதுக்கு அமைச்சர் நேரடி பதில் சொல்லல. ஆனா, டிக்கெட் விலை ஏற்கனவே உலகத்துலயே குறைவுனு சொல்லி, மறைமுகமா “இனியர்களுக்கு தனி தள்ளுபடி தேவையில்லை”னு காட்டிட்டார்.

இந்தியா vs உலகம் – டிக்கெட் விலை ஒப்பீடு!
அமைச்சர் சொன்னது உண்மை தான். ஜப்பான், ஜெர்மனி, பிரான்ஸ் போன்ற நாடுகள்ல 100 கிமீ பயணத்துக்கு 2000-4000 ரூபாய் வரைக்கும் ஆகுது. ஆனா இந்தியாவுல அதே தூரத்துக்கு 100-200 ரூபாய் தான். பாகிஸ்தான், பங்களாதேஷ் கூட இந்தியாவை விட அதிகம் விலை வைச்சிருக்காங்க. இந்திய ரயில்வே ஒவ்வொரு பயணிக்கும் சராசரியா 45-50 ரூபாய் மானியம் கொடுக்குது. அதான் ரூ.60,000 கோடி ஆகுது!

ரயில்வேயின் ‘மெகா’ திட்டங்கள்!
அமைச்சர் இதையும் சொன்னார்: “அம்ரித் பாரத் ஸ்டேஷன் திட்டம், வேகமா நடக்குது. வந்தே பாரத் ரயில்கள் அதிகரிக்குது. பாதுகாப்பு, சுத்தம், வசதி எல்லாம் உலக தரத்துக்கு கொண்டு வர்றோம். அதனால கொஞ்சம் விலை ஏற்றினாலும், இன்னும் உலகத்துலயே மலிவு தான்!”

இதையும் படிங்க: சதி கும்பல் வேலை செய்யுது..! நீதிபதி ஜி.ஆர் சுவாமிநாதன் தானே பதவி விலகணும்... திருமா. வலியுறுத்தல்...!