நெல்லையில் செய்தியாளர்களைச் சந்தித்த ஜான்பாண்டியன் கூறியதாவது: 2 ஆண்டுகளுக்கு முன்பாக ரஞ்சன் குமார் என்னை இல்லத்தில் வந்து சந்தித்தார். ஒரு அரசியல் பிரமுகர் பெயர் சொல்லி என்னை பார்ப்பதற்காக வந்திருந்தார். என் வீட்டிற்கு வந்து என்னை பார்த்தார். அதன்பிறகு சாந்தி என்பவர் உங்களை பார்க்க வேண்டும் என்று கூறினார். ஒரு குடும்ப விஷயமாக பேச வேண்டும் என்று கூறினார்.. 

தாஜ் ஹோட்டலில் வைத்து பேச வேண்டும் என்று அழைத்துச் சென்றார்கள். அப்பொழுது சாந்தி வீரமணி என்பவர் உங்களை தெரியும் என்று கூறினார். 20 கோடி ரூபாய் வாங்கித் தாருங்கள் அவர் என்னை கெடுத்து என் வாழ்க்கையை சீரழித்து விட்டார் என்று என்னிடம் அந்த பெண் கூறினார்.

இது உங்கள் பர்சனல் மேட்டர் ஆகவே நீங்களே பேசி முடித்து கொள்ளுங்கள் என்று கூறினேன். ரஞ்சனும் அந்த பெண்ணுக்கு ரெக்கமெண்ட் செய்து என்னிடம் பேசினார். அதோடு அந்த பிரச்சனையிலிருந்து நான் வெளியில் வந்து விட்டேன். இது தொடர்பாக யாருமே என்னிடம் அதன் பிறகு பேசவில்லை. 

இதையும் படிங்க: அறிக்கை தாக்கல் கூடவா தெரியாது.? டம்மிகளின் டாடியா.? வீரமணி விஷயத்தில் தவெக தாக்கு..!!

நான் மிரட்டினேன் என்று கூறுபவர்கள் போய் புகார் அளிக்க வேண்டியது தானே என்னை ஏன் பார்க்க வர வேண்டும் ரஞ்சன் ஏன் அந்தப் பெண் சாந்தியை  கூட்டிக்கொண்டு என் வீட்டிற்கு வரவேண்டும். ரஞ்சனும் சாந்தியும் புரோக்கர் வேலை செய்கிறார்களா வீரமணிக்கு. தவறு செய்பவர்கள் அவர்கள். இதற்கு ஜான்பாண்டியன் என்ன செய்தார்? அவருக்கும் எனக்கும் என்ன சம்பந்தம்.

அரசியலுக்காக புதிய தமிழகம் கட்சி பயலுக வைரலாக்கி கொண்டிருக்கிறார்கள். இவர்களெல்லாம் வியாபாரம் செய்வதற்கு பதிலாக வேறு ஏதாவது தொழில் செய்து பிழைக்கலாம். நான் ஒரு ஜாதி சங்க அரசியல் கட்சித் தலைவர் இதைப் போன்று வேலை செய்வதற்கு எனக்கு அவசியம் இல்லை. அவர்கள் மீது நடவடிக்கை எடுக்க வேண்டும். 

ஆயிரம் நண்பர்கள் எனக்கு உண்டு அவரவர் பர்சனல் விஷயங்களை என்னிடம் கூறுவார்களா. பணம் பறிக்கும் நோக்கத்தில் என்னிடம் வந்தது சாந்தியும் ரஞ்சனும் தான்.  வீரமணி அவருடைய வீடியோ எனக்கு எதற்கு. அவருடைய வீடியோவை வைத்து நான் என்ன செய்யப் போகிறேன். அவர் தவறு செய்தால் தண்டனை அனுபவிக்கப் போவது அவர். 

சாந்தி தானே வீடியோ எடுத்திருக்கிறார் அவர் தானே அப்போது புரோக்கர். ஒரு துளி கூட இதில் எனக்கு இடமில்லை.  புதிய தமிழகம் கட்சி தான் என் மீது இதுபோன்ற குற்றச்சாட்டுகளை வைப்பதற்கு காரணம். நேரடியாக வந்து இதுபோன்ற என் முன்னே வந்து பேச சொல்லுங்கள் பார்க்கலாம். 

தேவையில்லாத சர்ச்சைகளை கிளப்பி மக்களை குழப்ப வேண்டாம். முதலமைச்சர் விரைவில் நடவடிக்கை எடுக்கப்படும் என கூறியிருக்கிறார். ரஞ்சன் குமார் அரசியல் செய்கிறார். அவரைப் பின்னால் இருந்து யாரோ இயக்குகிறார்கள். திமுகவை டேமேஜ் செய்வதற்காக இது போன்ற காரியத்தில் ஈடுபடுகிறார். அரசியல் நாடகமாடுகிறார் ரஞ்சன் குமார்.

என் மீது இது போன்ற அவதூறு பரப்பியதற்காக சைபர் கிரைமில் தமிழக முழுவதும் புகார் அளிக்க கூறியிருக்கிறேன். எனது கட்சி நிர்வாகிகளையும் இதுபோன்று யாருக்கும் பதிலளிக்க வேண்டாம் என்று கூறி இருக்கிறேன். 
என் மீது தவறு இல்லை. 

ரஞ்சன் குமாருக்கு யாரோ பணம் கொடுத்து யாரோ இதுபோன்று பேச வைத்திருக்கிறார்கள். என்னிடம் பேச சொல்லி ரஞ்சன் குமாரை ஒரு அரசியல் தலைவர் தான் ஏற்பாடு செய்து கொடுத்திருக்கிறார். அவர் பெயரை ரஞ்சன் குமாரே வெளியில் சொல்ல வேண்டும். 

எனக்குத் தெரியாதது குறித்து நான் ஏன் கூற வேண்டும் அவசியமே இல்லை. ஆதாயத்திற்காக இதை செய்கிறார்கள். ஜே. வீரமணி குறித்து ஆதாரங்கள் என்னிடம் இருந்தால் நான் உடனடியாக வெளியிட்ட வைரல் ஆக்கியிருப்பேன். இதுபோன்ற தவறுகள் செய்தால் தண்டனைக்குரியது. நீதிமன்றம் நேர்மையாக இருக்கும் என நம்புகிறேன். சாந்தி ரஞ்சன் புரோக்கர் வேலை செய்ததை காவல்துறையினர் விசாரிக்க வேண்டும் என்று கூறினார்.

இதையும் படிங்க: ஜெம் வீரமணி விவகாரம்..! அடுத்தடுத்து வெளியாகும் ஆதாரங்கள்...! EPS ஆதங்கம்..!!