மத்தியப் பிரதேசத்தைச் சேர்ந்த இளம் பெண் மோனாலிசா போஸ்லே, 2025-ஆம் ஆண்டு பிரயாக்ராஜ் மகா கும்பமேளாவில் ருத்ராட்ச மாலைகள் விற்றபோது வீடியோ ஒன்று வைரலானதால் ‘கும்பமேளா அழகி’ என்ற பெயரில் புகழ் பெற்றார். அவரது அழகிய கண்களும் எளிமையான தோற்றமும் இணையத்தில் பெரும் கவனத்தை ஈர்த்தது

இந்நிலையில், மோனாலிசா தனது காதலர் ஃபர்மான் கானை (முகமது ஃபர்மான் கான்) கடந்த மார்ச் 11, 2026 அன்று கேரளாவில் உள்ள அருமானூர் ஸ்ரீ நைனார் தேவா கோவிலில் திருமணம் செய்துகொண்டார். இந்த இடையேயான திருமணத்திற்கு அவரது குடும்பத்தினர் எதிர்ப்பு தெரிவித்தனர். திருமணத்திற்கு முன்பு மோனாலிசா கேரள போலீசாரிடம் பாதுகாப்பு கோரியதாகவும், குடும்பத்தினர் தன்னை வீட்டுக்கு கட்டாயப்படுத்தி அழைத்துச் செல்ல முயல்வதாகவும் கூறியிருந்தார்.

திருமணம் நடைபெற்ற பிறகு, இது ‘லவ் ஜிகாத்’ என்று சிலர் விமர்சித்தபோது, மோனாலிசா அதை மறுத்து, “இது எனது சொந்த விருப்பப்படி நடைபெற்ற திருமணம். ஹிந்து சம்பிரதாயப்படி நடந்தது” என்று விளக்கம் அளித்திருந்தார். ஆனால், திருமணத்துக்குப் பிறகு விவகாரம் சட்டரீதியான சிக்கலாக மாறியது. தேசிய பழங்குடியினர் ஆணையம் (National Commission for Scheduled Tribes - NCST) இந்த வழக்கில் விசாரணை நடத்தியது.

இதையும் படிங்க: "சாகும்வரை ஆயுள் தண்டனை"..!! வளர்ப்பு மகளையே வன்கொடுமை செய்த கொடூர தந்தை..! முக்கிய உத்தரவு..!

மோனாலிசா பர்தி பழங்குடி சமூகத்தைச் சேர்ந்தவர் என்பது விசாரணையில் தெரியவந்தது. முக்கியமாக, திருமணம் நடைபெற்றபோது அவருக்கு வயது 18க்கு குறைவு என்பது உறுதிப்படுத்தப்பட்டது. மத்தியப் பிரதேசத்தின் மகேஷ்வர் அரசு மருத்துவமனை பதிவுகளின்படி, மோனாலிசா டிசம்பர் 30, 2009 அன்று பிறந்தவர். அதாவது, மார்ச் 11, 2026 அன்று அவருக்கு சுமார் 16 வயது 2 மாதங்கள் மட்டுமே ஆகியிருந்தது.

இந்த உண்மை வெளியானதைத் தொடர்ந்து, மகேஷ்வர் காவல் நிலையத்தில் ஃபர்மான் கான் மீது போக்சோ சட்டம், பாரதிய நியாய சன்ஹிதா (BNS) மற்றும் எஸ்சி/எஸ்டி (வன்கொடுமைத் தடுப்பு) சட்டத்தின் கீழ் எஃப்ஐஆர் பதிவு செய்யப்பட்டுள்ளது. கடத்தல், ஆவணங்களில் மோசடி, சிறுமியை தவறாக வழிநடத்துதல் உள்ளிட்ட குற்றச்சாட்டுகளும் எழுந்துள்ளன. இந்த வழக்கு தொடர்பாக மோனாலிசா மீதும் சட்ட நடவடிக்கை எடுக்கப்பட்டுள்ளது.

கேரளா அரசியல் தலைவர்கள் சிலர் திருமணத்துக்கு ஆதரவு தெரிவித்திருந்ததும், சிறுமி திருமணம் தொடர்பான பிரச்சினையாக இது விவாதத்துக்கு உள்ளாகியுள்ளது. குடும்பத்தினர் மோனாலிசாவை திரும்பப் பெற முயற்சிப்பதாகவும், அவரது உடல்நிலை குறித்த கவலைகளும் எழுந்துள்ளன. இந்த சம்பவம், இளம் பெண்களின் பாதுகாப்பு, ஆவணங்களின் நம்பகத்தன்மை, இடையேயான உறவுகள் மற்றும் சட்ட விதிமுறைகளின் முக்கியத்துவம் ஆகியவற்றை மீண்டும் ஒருமுறை சுட்டிக்காட்டுகிறது. தற்போது விசாரணை தீவிரமாக நடைபெற்று வருகிறது. 

இதையும் படிங்க: ஜன நாயகன் பட காட்சிகள் கசிவு! பகிர்பவர்கள் மீது சிறை நடவடிக்கை என 'KVN புரொடக்ஷன்ஸ்' பகிரங்க எச்சரிக்கை!