இன்னிக்கு (செப்டம்பர் 3, 2025-ல) ரஷ்யாவோட ராணுவ பாதுகாப்பு தொழில்நுட்ப இயக்குநர் டிமிட்ரி ஷூகாயேவ் ஒரு பக்கா அறிவிப்பு விட்டாரு. இந்தியாவுக்கு இன்னும் கூடுதலா எஸ்-400 வான் பாதுகாப்பு கவச அமைப்பு தர பேச்சுவார்த்தை நடந்துட்டு இருக்குன்னு சொன்னாரு. இந்த எஸ்-400, ரஷ்யாவோட உருவாக்கம், உலகத்துலயே டாப் வான் பாதுகாப்பு ஆயுதமா சொல்றாங்க. இந்தியா இதுக்கு "சுதர்சன சக்கரம்"னு செம பேரு வச்சிருக்கு. இந்த கவசம், 600 கி.மீ. தூரத்துல இருந்து வர்ற எதிரி ஏவுகணைகளை 400 கி.மீ.லயே வானத்துல தடுத்து தகர்க்கும். செம டெக்னாலஜி!

2018-ல இந்தியா, ரஷ்யாக்கூட 5.5 பில்லியன் டாலர் ஒப்பந்தம் போட்டு 5 எஸ்-400 அமைப்பு வாங்குச்சு. அதுல 3 இப்போ பஞ்சாப், ராஜஸ்தான், குஜராத்ல செட் ஆயிடுச்சு. அண்மையில, ஏப்ரல் 22-ல பஹல்காம்ல நடந்த தீவிரவாதத் தாக்குதலுக்கு பதிலடியா, பாகிஸ்தான் ஆக்கிரமிப்பு காஷ்மீர்ல இருக்குற தீவிரவாத முகாம்களை இந்தியா "ஆபரேஷன் சிந்தூர்"னு ஒரு தாக்குதல் நடத்தி அழிச்சது. 

இதுக்கு பாகிஸ்தான் பதிலுக்கு ஏவுகணை, ட்ரோன் தாக்குதல் நடத்துச்சு, ஆனா இந்த எஸ்-400 செம்மையா எல்லாத்தையும் தடுத்து அடிச்சு தூள் ஆக்கிடுச்சு. இந்திய விமானப்படை தலைவர் அமர் பிரீத் சிங், மே 2025-ல பாகிஸ்தான் போர் விமானங்களையும் பெரிய விமானங்களையும் 300 கி.மீ. தூரத்துலயே அழிச்சதா சொன்னாரு. இந்த வெற்றிதான் இந்தியாவை இன்னும் எஸ்-400 வாங்க ஆர்வப்படுத்தி இருக்கு.

இதையும் படிங்க: இந்தியா கூட பழகுற மாதிரியே!! எங்க கூடவும் பழகுங்க!! புடினிடம் கெஞ்சும் பாக்., பிரதமர் ஷெரீப்!!

ஆனா, உக்ரைன் போர் காரணமா மீதி 2 எஸ்-400 அமைப்பு தர்றதுல தாமதம் ஆகுது. 2026-2027 ஆகலாம்னு சொல்றாங்க. இருந்தாலும், ரஷ்யா இந்தியாவோட கோரிக்கையை ஏத்துக்கும்னு ஷூகாயேவ் உறுதி சொல்லியிருக்காரு. அவரு சொன்னது, "இந்தியா ஏற்கனவே எஸ்-400-ஐ யூஸ் பண்ணுது. இப்போ இன்னும் புது விநியோகத்துக்கு பேச்சு நடத்துறோம்.

 இந்த துறையில நம்ம ஒத்துழைப்பு இன்னும் வளரும்"னு. இந்தியா-ரஷ்யா நட்பு, ஷாங்காய் ஒத்துழைப்பு மாநாட்டுல செம பலப்பட்டு இருக்கு. மோடியும் புடினும் நடத்துன பேச்சு, இந்த உறவை இன்னும் டைட்டாக்கியிருக்கு. ரஷ்ய வெளியுறவு அமைச்சர் செர்கேய் லாவ்ரோவ், "அமெரிக்காவோட அழுத்தங்களுக்கு இந்தியா அடிபணியலை"னு பாராட்டுனாரு.

இந்தியா, ரஷ்யாவோட பெரிய ஆயுத வாங்குற நாடு. ஸ்டாக்ஹோம் சர்வதேச அமைதி ஆராய்ச்சி மையம் (SIPRI) சொல்றபடி, 2020-2024-ல இந்தியாவோட ஆயுத இறக்குமதியில 36% ரஷ்யாவோடது. பிரான்ஸ் 33%, இஸ்ரேல் 13%னு இருக்கு. உலகளவுல ரஷ்யாவோட ஆயுத ஏற்றுமதி 64% குறைஞ்சாலும், இந்தியாவுக்கு 38% அனுப்புது. எஸ்-400, 4 வகை ஏவுகணைகளோட, 100 இலக்குகளை ஒரே நேரத்துல ட்ராக் பண்ணி, போர் விமானங்கள், ஏவுகணைகள், ட்ரோன்களை அழிக்கும். 

இந்திய விமானப்படை, சீனா, பாகிஸ்தானுக்கு எதிரா இதை செம முக்கியமா கருதுது. அமெரிக்காவோட CAATSA சட்டம், ரஷ்யாவோட ஆயுதம் வாங்குறதுக்கு தடை விதிக்குது, ஆனா இந்தியா தேசிய பாதுகாப்புக்கு இதை தொடருது. இந்த புது ஒப்பந்தம், இந்தியாவோட வான் பாதுகாப்பை இன்னும் பலப்படுத்தும். இந்தியா, தன்னோட ‘குஷா’ திட்டத்தை உருவாக்குது, ஆனா இப்போதைக்கு எஸ்-400 வேணும். இது இந்தியாவோட சுதந்திரத்தை உலக அரசியல்ல காட்டுது. ரஷ்யா, இந்தியாவோட கோரிக்கையை சீக்கிரம் ஏத்துக்கும்னு எதிர்பார்க்குறோம்.

இதையும் படிங்க: சீனாவில் ட்ரெண்டான பிரதமர் மோடி! லைக், ஷேர், கமெண்ட்ஸ் பிச்சிக்கிது!! கெத்து!