தமிழகத்தில் அரசுப் பள்ளிகள் தொடர்பான பல்வேறு விவாதங்கள் சமூக ஊடகங்களில் அடிக்கடி எழுந்து வருகின்றன. அவற்றில் ஒன்று, அரசுப் பள்ளி மாணவர்கள் வகுப்பறையில் சினிமா பாடல்கள் பாடுவது அல்லது ஆடுவது போன்ற காணொளிகள் பரவுவது. தமிழக அரசின் தகவல் சரிபார்ப்பகம் இத்தகைய சில காணொளிகளைப் பரிசோதித்து, அவை தவறாகப் பரப்பப்படுவதாகத் தெரிவித்துள்ளது.

குறிப்பாக, 2022 ஆம் ஆண்டில் வெளியான பழைய காணொளியை தற்போதைய சம்பவமாகக் காட்டி தவறான புரிதலை ஏற்படுத்தும் வகையில் பரப்பப்படுவது குறித்து தெளிவுபடுத்தியுள்ளது. சமீப காலத்தில் சமூக வலைதளங்களில் வைரலாகும் ஒரு காணொளியில் அரசுப் பள்ளி மாணவர்கள் சீருடையில் சினிமா பாடலுக்கு நடனமாடுவது போன்ற காட்சிகள் இடம்பெற்றுள்ளன.

இதை “அரசுப் பள்ளியில் ஆடலும் பாடலும்” என்று விவரித்து, தற்போதைய அரசின் கல்விச் சூழல் மோசமடைந்துள்ளதாகவும், மாணவர்களின் ஒழுக்கம் பாதிக்கப்படுவதாகவும் சிலர் பரப்பி வருகின்றனர். இத்தகைய பதிவுகள் அரசியல் விமர்சனங்களுடன் இணைக்கப்பட்டு பரவுகின்றன. ஆனால் தமிழக அரசின் தகவல் சரிபார்ப்பகம் இதை மறுத்துள்ளது.

இதையும் படிங்க: திருப்பூர் அரசுப் பள்ளியில் 'One day HM'..!! மாணவர்களுக்காக சூப்பர் திட்டம்..!!

இந்தக் காணொளி 2022 ஆம் ஆண்டில் வெளியான பழையது என்பதை உறுதிப்படுத்தியது. அப்போது அரசுப் பள்ளிகளில் நடைபெற்ற கலாச்சார நிகழ்ச்சிகள் சமயத்தில் சில ஆசிரியர்கள் மாணவர்களை சினிமா பாடல்களுக்கு நடனமாட வைத்த வீடியோக்களைப் பகிர்ந்திருந்தனர். அவை அப்போதே சர்ச்சையை ஏற்படுத்தின. தற்போது அதே பழைய காட்சிகளை புதிய சம்பவமாகக் காட்டி தவறாகப் பயன்படுத்தப்படுவதாக அரசு தரப்பு சுட்டிக்காட்டுகிறது. 

இதையும் படிங்க: DMK + ADMK + BJP..! கொள்கை புடலங்காய்... CPM விமர்சனம்..!!