சர்வதேச கவனத்தை ஈர்க்கக்கூடிய ஒரு நடவடிக்கையாக, அமெரிக்க அதிபர் டொனால்ட் டிரம்ப் தனது எக்ஸ்தளப்பதிவில் ஒரு கருப்பு-வெள்ளை வீடியோவைப் பகிர்ந்து கொண்டார். இது ஏமனில் ஒரு துல்லியமான அமெரிக்க வான்வழித் தாக்குதலில் டஜன் கணக்கான ஹவுத்தி போராளிகள் கொல்லப்படுவதைக் காட்டியதாகக் கூறினார்.

"இந்த ஹவுத்திகள் ஒரு தாக்குதல் குறித்த ஆலோசனைகளுக்காக கூடினர். அச்சச்சோ, இந்த ஹவுத்திகளால் எந்தத் தாக்குதலும் இருக்காது. அவர்கள் மீண்டும் ஒருபோதும் எங்கள் கப்பல்களை மூழ்கடிக்க மாட்டார்கள்!" என அந்தப்பதில் தெரிவித்துள்ளார். 

இராணுவ ட்ரோனின் எடுக்கப்பட்ட இந்த வீடியோவில், தொலைதூர சாலையில் ஒரு ஓவல் அமைப்பில் மனித உருவங்கள் கூட்டமாக நிற்பதைக் காட்டுகிறது. கூட்டத்தின்நடுவில் இருவர் நின்று ஆலோசனை தெரிவித்துக் கொண்டு இருக்கிறார்கள். அப்போது மேலிருந்து குறி வைக்கப்படுகிறது. சில வினாடிகள் கழித்து, ஒரு கூர்மையான ஃபிளாஷ் அடிக்கப்பட்டு தொடர்ந்து புகை வருகிறது.பின்னர் கேமரா பெரிதாகி புகையின் அடர்த்தியையும் அருகிலுள்ள பல வாகனங்களையும் வெளிப்படுத்துகிறது.

இதையும் படிங்க: நட்பை நாடும் டிரம்ப்... இந்தியாவுக்கு வரி விலக்கு… அமெரிக்கா வழங்கும் சூப்பர் சான்ஸ்..!

இறுதி ஷாட் தாக்கும் இடத்தில் ஒரு பெரிய பள்ளத்தைக் காட்டுகிறது. உடல்கள் எதுவும் தெளிவாகத் தெரியவில்லை. அதிகரித்து வரும் வான்வழித் தாக்குதல்களுக்கு மத்தியில்  டிரம்பின் வீடியோ ஏமன் முழுவதும் அமெரிக்கா தலைமையிலான வான்வழித் தாக்குதல்களை உறுதிப்படுத்துகிறது.

ஹவுத்திகளுடன் இணைந்த ஊடக நிறுவனங்களின் தகவல்படி, கடந்த வாரத்தில் மட்டும் குறைந்தது 67 பேர் கொல்லப்பட்டுள்ளனர். ஹவுதி ஹோதிடா, சாடா, சனா மற்றும் ஹஜ்ஜா ஆகிய இடங்களில் தாக்குதல்கள் நடத்தப்பட்டுள்ளன. ஹூதிடாவின் மன்சூரியா மாவட்டத்தில் உள்ள நீர் திட்ட தளத்தில் நான்கு பொதுமக்கள் இறந்ததாகக் கூறப்படுகிறது. ஈரானின் ஆதரவுடன் ஹவுதிகள் செங்கடலில் வணிக, இராணுவக் கப்பல்கள் மீது மீண்டும் மீண்டும் தாக்குதல்களை நடத்தியுள்ளனர்.

இந்த தாக்குதல்கள் காசாவில் இஸ்ரேலின் இராணுவ நடவடிக்கைகளுக்கு பதிலடி என்று அவர்கள் கூறுகிறார்கள். சர்வதேச கப்பல் போக்குவரத்து மீதான தாக்குதல்களை அமெரிக்கா கண்டித்துள்ள நிலையில், ஹவுதிகள் தங்கள் நடவடிக்கைக்கள் பெரும் எதிர்ப்பின் ஒரு பகுதி என்று கூறுகின்றனர். அமெரிக்கா மத்திய கிழக்கில் கூடுதல் படைகளை நிறுத்துகிறது. இறப்பு எண்ணிக்கை அதிகரித்து பதட்டங்கள் அதிகரிக்கும் போது, ​அமெரிக்கா இப்பகுதியில் தனது இராணுவ நிலைப்பாட்டை வலுப்படுத்துகிறது.

புதன்கிழமை, அமெரிக்க ராணுவம் தனது இரண்டாவது விமானம் தாங்கி கப்பலான யுஎஸ்எஸ் கார்ல் வின்சனை மத்திய கிழக்கில் ஏற்கனவே நிறுத்தப்பட்டுள்ள யுஎஸ்எஸ் ஹாரி எஸ்.ட்ரூமன் விமானம் தாங்கி கப்பலுடன் இணைக்கப் பயன்படுத்துவதாக அறிவித்தது. அமெரிக்க அதிகாரிகளின் தகவல்படி, "எல்லைப்பகுதியின் ஸ்திரத்தன்மையை தொடர்ந்து ஊக்குவிப்பது, ஆக்கிரமிப்பைத் தடுப்பது இதன் நோக்கமாகும். 
 

இதையும் படிங்க: கட்டம் கட்டி அடிக்கும் டிரம்ப்... கெஞ்சி கதறும் சீனா!!