விடுதலை சிறுத்தைகள் கட்சியின் தலைவர் திருமாவளவன் தமிழக வெற்றி கழகத்திற்கு ஆதரவு அளிப்பதா என்பது குறித்து இன்று முக்கிய அறிவிப்பை வெளியிடுகிறார். தமிழக சட்டமன்றத் தேர்தல் 2026-ல் தமிழக வெற்றி கழகம் 108 தொகுதிகளில் வெற்றி பெற்று தனிப்பெரும் கட்சியாக உருவெடுத்த நிலையில், ஆட்சி அமைக்கத் தேவையான பெரும்பான்மைக்கு (118 எம்எல்ஏக்கள்) ஆதரவு தேடும் முயற்சிகள் தீவிரமடைந்துள்ளன.

இந்தச் சூழலில் விடுதலைச் சிறுத்தைகள் கட்சி தலைவர் திருமாவளவன் முக்கிய முடிவை எடுக்க இருப்பது தமிழக அரசியலை பரபரப்பாக்கியுள்ளது. தேர்தல் முடிவுகள் வெளியான பிறகு, தவெக தலைவர் விஜய் தரப்பில் இருந்து விசிகவுக்கு ஆதரவு கோரும் தகவல்கள் வந்தன. விஜய் திருமாவளவனை தொலைபேசியில் தொடர்பு கொண்டதாகவும், ஆதரவு கடிதம் அனுப்பியதாகவும் செய்திகள் வெளியாகின.

திருமாவளவன் இதனை உறுதிப்படுத்திய நிலையில், உணர்ச்சிவசப்படாமல் கட்சியின் உயர்நிலைக் குழு கூட்டத்தில் ஆலோசித்து முடிவு எடுக்கப்படும் என்று தெரிவித்தார். நேற்று மாலை 5 மணிக்கு இணையம் வழியாக உயர்நிலைக் குழு கூட்டம் நடைபெற்றது. மே 9-ம் தேதியான இன்று காலை திருமாவளவன் செய்தியாளர்களை சந்தித்து தவெகவுக்கு ஆதரவு அளிப்பது குறித்த முக்கிய அறிவிப்பை வெளியிட இருப்பதாக எதிர்பார்க்கப்படுகிறது.

இதையும் படிங்க: ஓரங்கட்ட, ஒதுக்க நினைத்தால் நாங்களே மைய்யம் என்பதை நிரூபிப்போம்..! வன்னியரசு சூசகம்..!

இந்த அறிவிப்பு தமிழக அரசியலில் பெரும் திருப்புமுனையாக அமையும் என்று கருதுகின்றனர். விஜய் விசிக அலுவலகத்திற்கு செல்ல இருப்பதாக தகவல்கள் வெளியாகியுள்ளன. தவெக தரப்பில் இருந்து விசிக தலைவரை நேரில் சந்திக்கும் முயற்சிகள் தீவிரமடைந்துள்ளதாகவும், இதனால் விசிக அலுவலகத்தில் பலத்த போலீஸ் பாதுகாப்பு ஏற்பாடுகள் செய்யப்பட்டுள்ளதாகவும் கூறப்பட்டு உள்ளது.

இதையும் படிங்க: தவெகவிற்கு ஆதரவா? - விஜய் முதல்வர் பதவி திருமா கையில்... இன்னும் சற்று நேரத்தில் விசிக முக்கிய முடிவு...!