நேற்று 125 பேரை ஏற்றிச் சென்ற கொலம்பிய விமானப்படை விமானம் புறப்பட்ட சிறிது நேரத்திலேயே விபத்துக்குள்ளானதில் குறைந்தது 34 பேர் உயிரிழந்ததாக  கொலம்பியா ஆளுநரின் புடுமாயோ மாகாணம் தெரிவித்துள்ளது. 

 தென்மேற்கு கொலம்பியாவிலிருந்து புறப்பட்ட சிறிது நேரத்திலேயே, பெரு மற்றும் ஈக்வடார் நாடுகளுடன் எல்லையைப் பகிர்ந்து கொள்ளும் புடுமாயோ மாகாணத்தின் தொலைதூர நகராட்சியான புவேர்ட்டோ லெகுயிசாமோவில் விமானம் விழுந்து நொறுங்கியது. அதில் 125 பேர் பயணித்த நிலையில், 33 பேர் உயிரிழந்திருக்கலாம் என அஞ்சப்படுகிறது. 
விபத்து நடந்த இடத்தில் மீட்புப் பணிகள் தொடர்ந்துகொண்டிருந்த நிலையில், முதற்கட்டமாக 48 பேர் உயிருடன் மீட்கப்பட்டுள்ளதாக தகவல் வெளியாகியுள்ளது. 

ஹெர்குலஸ் சி-130 ரக விமானம், புடுமாயோ மாகாணத்தில் உள்ள மற்றொரு நகரத்திற்கு வீரர்களை ஏற்றிச் சென்று கொண்டிருந்ததாக விமானப்படை தெரிவித்துள்ளது.

இதையும் படிங்க: மூட்டை மூட்டையாக இருந்த அதிர்ச்சி... வசமாக சிக்கிய தவெகவினர்... தேர்தல் வேட்டையில் அதிரடி...!

விமானம் புறப்பட்ட இடத்திலிருந்து வெறும் 1.5 கிலோ மீட்டர் தொலைவில் தரையில் மோதியதாக ராணுவம் தெரிவித்துள்ளது. . விமானத்தில் ஏற்பட்ட தீயின் விளைவாக, அதில் கொண்டு செல்லப்பட்ட வெடிமருந்துகள் வெடித்ததால் விபத்து மிகவும் கோரமானதாக மாறியது. கொலம்பியாவின் விமானப்படைத் தளபதி கார்லோஸ் பெர்னாண்டோ சில்வா, காயமடைந்தவர்களைத் தலைநகர் பொகோட்டா மற்றும் பிற இடங்களில் உள்ள மருத்துவமனைகளுக்குத் திரும்ப அழைத்துச் செல்வதற்காக, 74 படுக்கைகளுடன் இரண்டு விமானங்கள் அப்பகுதிக்கு அனுப்பப்பட்டுள்ளதாகத் தெரிவித்தார்.

கடந்த மாதம், பொலிவிய விமானப்படைக்குச் சொந்தமான மற்றொரு ஹெர்குலஸ் சி-130 விமானம், எல் ஆல்டோ நகரில் ஒரு குடியிருப்புக் கட்டிடம் மீது மோதாமல் மயிரிழையில் தப்பியது. அந்த விபத்தில் 20க்கும் மேற்பட்டோர் உயிரிழந்தனர், மேலும் 30 பேர் காயமடைந்தனர்.

இதையும் படிங்க: திமுக - காங்கிரஸ் கூட்டணியை நீடிக்காவிட்டால் அரசு ஊழியர்களின் ஊதியம் பறிபோகும்! நயினார் நாகேந்திரன் எச்சரிக்கை!