2026 சட்டமன்றத் தேர்தல் தோல்விக்குப் பிறகு, அதிமுக பொதுச்செயலாளர் எடப்பாடி பழனிசாமியின் தலைமையின் மீது பல நிர்வாகிகள் அதிருப்தி தெரிவித்து வந்தனர். இந்நிலையில், அண்மையில் நடைபெற்ற இடைத்தேர்தல் முடிவுகளும் அதிமுகவுக்குச் சாதகமாக அமையாததால், அதிருப்தியில் உள்ள நிர்வாகிகள் மீண்டும் தங்களது எதிர்ப்பை வெளிப்படுத்தத் தொடங்கியுள்ளனர்.
இதன் தொடர்ச்சியாக, அதிமுகவின் தொடக்க நாள் பொதுக்கூட்ட நிகழ்ச்சிகளில் பங்கேற்க வேண்டாம் என எஸ்.பி. வேலுமணி, சி.வி. சண்முகம், நத்தம் விஸ்வநாதன் உள்ளிட்ட முன்னாள் அமைச்சர்கள் முடிவெடுத்துள்ளதாகத் தகவல் வெளியாகியுள்ளது.
அதிமுக பொதுச்செயலாளர் எடப்பாடி பழனிசாமிக்கு எதிராக மீண்டும் அதிருப்தியை வெளிப்படுத்தியுள்ள இவர்கள், வரும் 15ஆம் தேதி முதல் 22ஆம் தேதி வரை நடைபெறவுள்ள அதிமுக தொடக்க நாள் பொதுக்கூட்ட நிகழ்ச்சிகளில் பங்கேற்க வேண்டாம் எனத் தீர்மானித்துள்ளதாகக் கூறப்படுகிறது.
இதையும் படிங்க: தலைமை தேர்தல் ஆணையருக்கு எதிரான போராட்டத்தை புறக்கணிக்கிறதா தவெக?... செங்கோட்டையன் கொடுத்த ஷாக்கிங் விளக்கம்...!
குறிப்பாக, அதிமுகவின் 55ஆவது ஆண்டு தொடக்க நாள் விழா வரும் 17ஆம் தேதி கொண்டாடப்பட உள்ளது. இதையொட்டி, பல்வேறு இடங்களில் பொதுக்கூட்டங்களை நடத்த அதிமுக திட்டமிட்டுள்ளது.
இந்தக் கூட்டங்களில் பங்கேற்கும் நிர்வாகிகள் குறித்த அறிவிப்பை எடப்பாடி பழனிசாமி ஏற்கெனவே வெளியிட்டிருந்தார். அதன்படி, கோவையில் எஸ்.பி. வேலுமணி, திண்டுக்கல்லில் நத்தம் விஸ்வநாதன், தர்மபுரியில் கே.பி. அன்பழகன் ஆகியோர் பங்கேற்பார்கள் என அறிவிக்கப்பட்டிருந்தது. இருப்பினும், முன்னாள் அமைச்சர் சி.வி. சண்முகத்தின் பெயர் கூட்ட நிகழ்ச்சிப் பட்டியலில் இடம்பெறவில்லை.
இந்நிலையில், இடைத்தேர்தல் தோல்வியைத் தொடர்ந்து, எடப்பாடி பழனிசாமிக்கு எதிராக அதிருப்தியில் உள்ள நிர்வாகிகள் மீண்டும் தங்களது எதிர்ப்பை வெளிப்படுத்தியுள்ளதாகத் தகவல்கள் தெரிவிக்கின்றன. இதன் காரணமாக, அதிமுக தொடக்க நாள் பொதுக்கூட்டங்களில் இவர்கள் பங்கேற்க மாட்டார்கள் எனத் தகவல் வெளியாகியுள்ளது.
எடப்பாடி பழனிசாமி பொதுச்செயலாளராக பொறுப்பேற்றதில் இருந்தே தொடர்ந்து தேர்தல்களில் தோல்வியைச் சந்தித்து வருகிறது. இதனால் அவரை எதிர்க்கட்சிகள் 10 தோல்வி பழனிசாமி என அடைமொழி வைத்து கிண்டல் செய்த நிலையில், தற்போது தோல்வி எண்ணிக்கை 13 ஆக உயர்ந்துள்ளது அதிமுகவினரிடையே உச்சக்கட்ட பூசலை ஏற்படுத்தியுள்ளது.
இதையும் படிங்க: ஆந்திராவில் கனக துர்க்கை கோயிலில் தரிசனம் செய்யும் சி.எம். விஜய்... அந்த அம்மனுக்கு இவ்வளவு பவரா?