கடந்த செப்டம்பர் 28ம் தேதி முதலமைச்சர் விஜய் மதுரைக்கு வருகை தந்து பல முக்கிய நிகழ்ச்சிகளில் பங்கேற்றார். அன்று காலையில் ராஜாஜி அரசு மருத்துவமனையில் தாய்மாமன் தங்கமோதிரத் திட்டத்தை அவர் தொடங்கி வைத்தார்.
பிரசவ வார்டில் உள்ள குழந்தைகளுக்கு முட்டி போட்டபடியே தங்க மோதிரங்களை அணிவித்த அவர், அனைத்துக் குழந்தைகளையும் தூக்கி வைத்து அன்புடன் கொஞ்சினார். தாய்மார்கள் கோரிக்கைக்கு இணங்கி செல்பி எடுத்துக்கொண்டார். பின்னர் மருத்துவர்கள், செவிலியர்கள் மற்றும் பிற ஊழியர்களுடனும் புகைப்படம் எடுத்துக்கொண்டார்.
அடுத்து ரோடு ஷோவாக ராணி மங்கம்மாள் அரண்மனை வளாகத்திலுள்ள காந்தி அருங்காட்சியகத்திற்குச் சென்றார். அங்கு காந்தி சிலைக்கு மாலை அணிவித்து மரியாதை செலுத்தி, புனரமைக்கப்பட்ட அருங்காட்சியகத்தைத் திறந்து வைத்தார். மதிய உணவு மற்றும் சிறிது ஓய்வுக்குப் பிறகு மாலை 4.15 மணியளவில் மீனாட்சி அம்மன் கோயிலுக்கு வருகை தந்தார்.
இதையும் படிங்க: எத்தனை? எவ்வளவு? என்ன?... லஞ்ச ஒழிப்புத்துறையை கேள்விகளால் துளைத்தெடுத்த நீதிமன்றம்... கடைசியில் மெகா ட்விஸ்ட்...!
சித்திரை வீதியில் அம்மன் சன்னதி வாசலில் இறங்கிய அவர் பொதுமக்களுக்குக் கையசைத்தார். அமைச்சர் ரமேஷ் மற்றும் அறங்காவலர் குழுத் தலைவர் ருக்மணி தலைமையிலான அறங்காவலர்கள் அவரை வரவேற்றனர். சமீபத்தில் கும்பாபிஷேகம் நடைபெற்ற கோயிலில் பூரண கும்ப மரியாதை வழங்கப்பட்டது. அர்த்த மண்டபத்தில் அமர்ந்து சிறிது நேரம் கண்களை மூடி தியானம் செய்த விஜய், சிவாச்சாரியார்களிடம் கோயில் வரலாறு குறித்து வினவினார்.
பொற்றாமரைக் குளத்தைப் பார்வையிட்டபின் மீனாட்சி அம்மனைத் தரிசித்தார். அர்ச்சனைக்காக யார் பெயரில் செய்ய வேண்டும் எனக் கேட்டபோது, “விஜய் அன்ட் பேமிலி” என்று பதிலளித்தார். அவரது ராசி நட்சத்திரம் கடகம்-பூசம் என்பது ஏற்கனவே தெரிந்திருந்ததால் பெயர் மட்டும் கேட்கப்பட்டது. சுவாமி சன்னதிக்குச் செல்ல மாற்று மதத்தினருக்குத் தடை உள்ளதால், இந்து மத நம்பிக்கை குறித்த உறுதிமொழிப் படிவத்தில் இரண்டு மணி நேரத்திற்கு முன்பே கையெழுத்திட்டிருந்தார்.
சுவாமி தரிசனத்திற்குப் பிறகு கொடிமர முன் பிரார்த்தனை செய்தார். சுமார் ஒரு மணி நேரம் கோயிலைச் சுற்றி வழிபட்டபின் மாலை 6 மணியளவில் விமான நிலையம் வழியாகச் சென்னை திரும்பினார்.
இதையும் படிங்க: 44.7 கி.மீ. நீளத்துக்கு இரும்புத் தடுப்பு.. விஜய் வருகைக்காக கோடிகள் செலவா? கிளம்பிய விமர்சனம்..!!