சட்டம் ஒழுங்கு டிஜிபியாக இருந்த சங்கர் ஜிவால் இன்று ஓய்வு பெறும் நிலையில் வெங்கட்ராமன் IPS சட்டம் ஒழுங்கு பொறுப்பு டிஜிபியாக நியமிக்கப்பட்டார். தமிழ்நாடு காவல்துறை நிர்வாகப் பிரிவு டிஜிபி வெங்கட்ராமனுக்கு கூடுதல் பொறுப்பு ஒப்படைக்கப்பட்டுள்ளது. உச்சநீதிமன்ற வழிகாட்டுதல் நெறிமுறைகளுக்கு எதிராக தமிழக காவல்துறைக்கு பொறுப்பு டிஜிபியை திமுக அரசு நியமனம் செய்திருப்பதாக தமிழக பாஜக முன்னாள் தலைவர் அண்ணாமலை குற்றம் சாட்டியுள்ளார்.

மாநிலக் காவல்துறை தலைவர் நியமனம் தொடர்பாக, உச்சநீதிமன்றம், மிகவும் தெளிவான விதிமுறைகளை வகுத்துள்ளதாகவும், டிஜிபி பொறுப்பில் இருப்பவர் ஓய்வு பெறுவதற்கு ஆறு மாதம் முன்பாகவே, அடுத்த டிஜிபி பதவிக்குத் தகுதியான அதிகாரிகள் பட்டியலை அனுப்ப வேண்டும் என்று கூறியிருக்கிறது என்றும் தெரிவித்தார்.

சங்கர் ஜிவாலை காவல்துறை தலைவராக நியமிக்கும்போதே, அவர் ஓய்வு பெறும் தினமும் தமிழக அரசுக்கும் தெரியும் என்றும் ஆனால், தமிழகத்தில் அத்தனை உயர் அதிகாரிகள் பதவியையும், அரசியல் பதவியாக்கி வைத்திருக்கிறது திமுக அரசு என்றும் குற்றம் சாட்டினார். ஒரு சில காவல்துறை உயர் அதிகாரிகள், திமுக வட்டச் செயலாளர்களைப் போல பேசுவதையும் தமிழக மக்கள் கவனித்துக் கொண்டிருக்கிறார்கள் என்றும் தெரிவித்தார்.

இதையும் படிங்க: என்னப்பா நிலவரம்? ஜெர்மனியில் இருந்தவாறு சென்னை மழை குறித்து கேட்டறிந்த முதல்வர்

இந்த நிலையில், அடுத்த காவல்துறை டிஜிபி பதவிக்குத் தகுதியான அதிகாரிகள் 6 பேர் இருக்க, பொறுப்பு டிஜிபி நியமனம் மூலம், அவர்கள் பதவி உயர்வைத் தட்டிப் பறித்திருப்பதோடு, உச்சநீதிமன்ற வழிகாட்டுதலையும் திமுக புறக்கணித்திருக்கிறது என்று கூறினார்.

காவல்துறை அதிகாரிகளை, தங்கள் அரசியலுக்குப் பலிகடாவாக்கும் திமுக அரசின் இந்த அதிகார துஷ்பிரயோகத்தை, வன்மையாகக் கண்டிப்பாகவும்உங்கள் ஆட்டம் விரைவில் முடிவுக்கு வரவிருக்கிறது என்றும் அண்ணாமலை தெரிவித்தார். 

இதையும் படிங்க: பொறுப்பை தட்டிக் கழிப்பதில் ஸ்டாலின் தான் BEST...எடப்பாடி சரமாரி தாக்கு