இந்தியாவின் தற்போதைய பிரதமர் நரேந்திர மோடி, தனது அரசியல் வாழ்க்கையின் அசைக்க முடியாத தூண்களில் ஒன்றாகக் கொண்டாடப்படும் ஒரு தலைவராக உலக அளவில் அறியப்படுகிறார். ஒரு க்ராசரி கடை நடத்தும் குஜராத்திய இந்து குடும்பத்தில் பிறந்தார் பிரதமர் மோடி. அவரது தந்தை தாமோதர்தாஸ் மோடி, வடநகர் ரயில்வே நிலையத்தில் ஒரு டீ ஸ்டால் இயக்கினார். குழந்தைப் பருவத்தில், மோடி அடிக்கடி தனது தந்தையுடன் இணைந்து டீ விற்பனையில் உதவியதாக அவர் தானே கூறியுள்ளார். 

மோடியின் அரசியல் வாழ்க்கை, பாரதீய ஜனதா கட்சியுடன் நெருக்கமாகப் பின்னிப்பிணைந்தது. 1980களில் கட்சியின் பிராந்திய அளவிலான பணியாளராகத் தொடங்கி, 2001இல் குஜராத் மாநில முதலமைச்சராகப் பொறுப்பேற்றார். அவர் மூன்று முறை தொடர்ச்சியாக முதலமைச்சர் பதவியை வகித்தார் (2001-2014). இது காலத்தில் குஜராத்தின் பொருளாதார வளர்ச்சிக்கு அவர் அளித்த பங்களிப்பு குறிப்பிடத்தக்கது. 2014இல், அவர் பிரதமராகப் பொறுப்பேற்று, 2019 மற்றும் 2024 தேர்தல்களில் தனது கட்சி கூட்டணியை வெற்றிப் பெறச் செய்தார். 

பிரதமர் மோடி 25 ஆண்டுகளாக அரசியலமைப்பு சட்டத் தலைவராக பதவி வகித்து வருகிறார். பிரதமர் மோடியின் அரசியல் வாழ்க்கையை அதிமுக பொதுச்செயலாளர் எடப்பாடி பழனிச்சாமி பாராட்டியுள்ளார். 25 ஆண்டுகளாக அரசியலமைப்புச் சட்டத் தலைவராக தொடர்ந்து பதவி வகித்து வரலாற்றுச் சாதனை படைத்த பிரதமர் மோடிக்கு, அனைத்திந்திய அண்ணா திராவிட முன்னேற்றக் கழகம் தனது மனமார்ந்த வாழ்த்துகளைத் தெரிவித்துக் கொள்வதாக தெரிவித்துள்ளார்.

இதையும் படிங்க: அதிரும் அரசியல் களம்... அங்கிட்டு நயினார்... இங்கிட்டு இபிஎஸ்... அனல் பறக்கும் ஆலோசனைகள்...!

இந்த இணையற்ற மைல்கல், தொலைநோக்குப் பார்வை கொண்ட தலைமைத்துவம், அரசியல் சாதுர்யம் மற்றும் ஜனநாயக விழுமியங்களை நிலைநிறுத்துவதற்கும், தேசத்திற்கு நேர்மையுடன் சேவை செய்வதற்கும் உள்ள உறுதியான அர்ப்பணிப்புக்கு சான்றாக நிற்பதாகவும் பெருமிதம் தெரிவித்தார். 

இதையும் படிங்க: சுற்றுப்பயணத்திற்கு தடை போட்ட காவல்துறை... எடப்பாடி பழனிசாமி எடுத்த அதிரடி முடிவு...!